📌 家庭主婦Full T
共 58 條紀錄
家庭主婦Full Time Mum🤡
經典語句：「我幫你生仔！我係鬼門關出番黎！我付出好多！你唔明！」
大部分FTM思想比較狹窄及短視，覺得男人搵錢好易，唔會比人炒，唔會出意外，唔會生cancer, 一定同老公白頭到老；照顧小朋友好L偉大，老公要當自己係神咁拜
香港地，一個男人搵8萬，女人唔做野，仲要有小朋友👧.....唔只一個呀，老婆都係小朋友🤡郁啲就發脾氣，起晒鋼話自己付出好多，永遠唔識同你理性討論
辛苦你啦Bro
一向係在職媽媽，除咗囡考升中試果一年，全職在家溫習操卷；
女人角度睇：在職唔會同個社會脫節，為屋企賺多份資源返嚟，又有錢俾外家做家用之餘，有時同老公仔女分享工作及同事間相處經歷，仔女自然覺得阿媽視野廣闊識d嘢，唔係日日困響屋企嘅無知師奶婦女，仔女對阿媽係多份尊重，仔女長大遇到d更高階嘅問題同疑難，都會願意主動同阿媽討論或傾訴
好唔鍾意用個「幫」字，生小朋友係大家有共識先決定生，幫咩啫，代母咩😥 利申：女
我識個長輩就係咁，幾十年靠老公養，有工人用乜都唔洗做，d仔女大咗都繼續懶唔出去搵嘢做，又唔儲錢(有家用剩就去玩樂買嘢），又唔會話管理下工人買餸用錢，幾十歲人幾萬蚊儲蓄都冇，到個老公退休要開始慳d洗就牙痛咁聲然後旨意d仔女養但d仔女自己都要供樓養小朋友
我之前都做左4年full time mum
都幾懷念做FTM既時光
不過堅持出去做返野
其中一個原因
如當老公失業、或其他原因不能工作
仍有我可以在支撐家庭
而不是將所有經濟依賴左佢
居安思危 沒有老公
我仍然有獨立生存、養家、照顧自己既能力
Totally agree 👍🏼
身在外國，即使無工人，無 support ，我都要諗辦法送小朋友去 nursery 自己出來工作，因為覺得 mama 都要有事業。啲人成日話等小朋友大啲再出來做嘢，講就易，到時 gap 左咁多年鬼有人請，就算有工返都未必係理想既工作。而且當小朋友大個左，佢哋會 proud of 自己的媽媽有一番事業 🫶🏻
我自己都好唔鍾意啲冇質素嘅FTM
不過自己搵個咁嘅老婆又要生仔，就冇得怨了
呢啲冇得拆㗎喎, 同樣地男人咪又係睇唔到個老婆既付出, 唔會諗嗰種喺屋企嘅辛苦, 以為啲細路好易湊, 一定搞得掂唔會扭計啊, 個老婆永遠都係結婚咁靚唔會變老, 仲未計生仔嗰下男人一世都唔會知嗰種痛. 呢啲自古以嚟就有既問題, 冇話邊個啱邊個錯, 咪唯為有互相體諒囉
其實兩方都辛苦，湊仔（負責任果種）係好攰，翻工都好辛苦，所以冇錢真係唔好生！但係生咗就互相體諒啦，日子才能越過越好。日日互相埋怨無好日子過
班師奶每日送完仔女返學就係同其他不事生產嘅師奶食早餐講下是非。放學就做送去不用補習班。然後一到考試測驗就壓力山大，人生就係圈住仔女轉。仔女考第幾等於佢嘅成就。
啱
所以不嬲都覺得兩公婆加埋先搵得8-10萬
甚至更少
係唔應該考慮生仔嘅
買樓都話有咩最多攤訂止蝕乜都好
生仔唔通養同掂唔要咩
一陣是但一個有咩頭暈身㷫仲煩
今時今日做FTM係攞黎搞
搵命搏得黎又可能要睇老公面色
冇返工一排再出返黎又可能俾人質疑工作能力
另一半唔識體諒分分鐘教壞埋個細路睇唔起阿媽
覺得屋企係靠晒老公一個維持
冇能力冇共識唔該唔一時衝動去生仔
無謂要將不幸傳遞俾下一代
更加唔洗玩9自己
利申：唔反對人地生 但生咗又後悔又怨個老公嘅就唔抵可憐 例如生仔kol XX
認真分享～我做了補習行業多年(私補+小組)，雙職家庭基本上係少啲bugs。媽媽生小朋友後即使不選全職，一直做兼職/freelance也對disposable income有幫助👍
始終唔少男士都係欺善怕惡的人(to be frank😓)~見另一半工作也辛苦的話，才比較多會分擔家務/教育/煮食的任務。
我有個靚女客，屋企住獨立屋，老公係馬主，有兩個小朋友，一樣繼續返工👍🏻
本人覺得家庭1個男人搵8皮，同兩公婆各搵4皮，全個家庭生態係好唔同
個男人又係嘅，咁大個人，生之前都應該知有呢啲risk，當初生小朋友係兩公婆決定嘅，嗰陣大安旨意，依家先嚟呻壓力大？睇嚟生仔要考牌呢單嘢真係迫在眉睫🤷
呢d好risky，大吉利是個男人有事走左個家庭會好困迫
咁怪自己冇眼光，搵個咁嘅女人做老婆
嗰句經典語句「女人生仔⋯⋯」係真嘅，但唔代表做FTM就可以「大撚哂」，睇人者嚟啲嘢～
都有FTM係屋企做到🐶咁，老公回家就大少咁架（不過老公自己揀嘅，只怪自己無眼光）
我奶奶就係咁，好彩既係老爺死果陣個仔已經就快讀完書
結果個仔一出社會做野就要養老母
個老母由細到大都未出過去搵錢養家
基層/低層既女人先鐘意數自己付出！ 講到個男人返工係坐喺公司拗爛腳 ！ 衰啲講呀： 老母你心情唔好可以向仔女發脾氣/ 黑臉！ 你老公返工可唔可以同老闆發脾氣？ 利申： 我係女人
我老母就係咁，成世無做過野，又唔明返工嘅辛酸，只係知你要科水比佢，但就話自己湊大d小朋友好辛苦至無出去做野，但由細到大佢只係煮晚餐，佢唔識字，唔會輔導功課，屋企好污糟，老豆逢星期日放假就抹地，四十年都係咁，只能夠講老母條命生得好，係唔洗返工命
佢唔會有理性嘅時候，因為太井底，根本唔會發展到理性，做嘅野都係根據自己脾氣而定
如果一早識諗，根本就唔應該結婚生仔啦
BTW 樓都未買又生咩呢
「幫老公生仔」呢句嘢其實好父權
明明個仔大家都有份😂😂
老婆自己揀，揀錯唔好喊！其實人既個性、思想、價值觀，甚至乎會唔會有情勒習慣，好多野拍拖時已經睇到。
所以真係唔好淨係單純用戀愛腦去結婚，男同女都一樣！
做咗7年ftm
個女開始大個就岀翻嚟做野
唔希望老公禁大壓力
在職媽媽，一直都覺得自己賺自己洗最開心，我鍾意買咩比個女就買咩，我想比個女學咩就學咩，唔鍾意攤大手板問老公拎錢，財政獨立。
放完產假前曾經有一刻真係想做ftm ，老公亦講過好多次可以做ftm(但我唔想加重佢負擔） ，佢話即使我做ftm經濟都唔會有問題，但之後諗深層，除左唔想同社會脫節外，就係想話比個女聽，爸爸媽媽一直有為你而努力💪🏻
咁就睇下你老婆ftm既程度喇，都睇你返到屋企又咩態度。
我老母ftm，老豆一個搵錢養一家五口添。不過，老豆返到屋企就衣來張手，飯來張口，皇上咁款，對老母0尊。老豆60歲多啲退休，依然一樣，日日喺屋企行行企企坐住，睇下電視電話，等食飯沖涼。我老母24歲嫁我老豆，我老豆養我老母40年，但我老母照顧佢一世呀，輸比佢啦～我成日鬧老豆搵錢大晒呀？養家老馮架～
利申：在職媽媽，專業人工
補多句，細細個阿媽就教我，做女人一定要養得起自己，唔好靠男人。唔想重覆阿媽覆轍，我係唔會放棄自己既事業。
我是賺錢挺多的老婆+媽媽，所以堅持雙職希望能給孩子更多資源。
以前未做人阿媽會覺得自己阿媽ftm狹窄又短視
現在因為家庭一直要出黎工作，有左小朋友先發現我媽係咁利害
嬰幼期湊我小朋友我媽唔夠訓食都求其食果種意志，到我小朋友大左點，對住小朋友情緒平穩從來唔會對小朋友發老脾，識同小朋友溝通有耐性
最重要時間管理，點樣安排做家務次序同快速完成，要從小朋友生活時間節奏抽時間完成，真係佩服我媽五體投地
現在有姐姐但姐姐放假果陣我要做一陣子ftm，完全一腳踢搞唔店都係要揾我媽做外援
真係唔明上一代點解生幾件都搞得店頭家
我自己返開工真係絕對覺得ftm係一門專業
但啲女權又會衝出嚟：「你要體諒女人生仔！女人都付出好多！小朋友唔可以冇媽媽，兩公婆都返工邊個照顧小朋友？」
識得啲長輩一結婚就做FTM,幾十年嚟都無咩點返過工，幾個都有一個共通點，就係覺得自己好叻，為頭家貢獻咗好多，喺屋企要老公仔女聽晒佢話，然後仔女出嚟做嘢就要佢哋畀幾多幾多養佢，我真係覺得女人返工接觸多個社會同唔同年齡層嘅人係好事
月入八萬working mum路過
好想做ftm可以間中訓下晏覺😭😭😭😭😭
最蠢就係信揾個人照顧你結婚生仔，人哋同你一齊肯定係用盡你（好命D都或多或少佔你便宜嘅） ，點可能完全依靠唔為自己發展打算呢，不過男人娶完人返屋企佔唔到便宜老羞成怒又係另外一個問題
真，最憎啲人講到生仔幾L偉大，應該老公生仔湊仔做家務，老婆出去做嘢，等佢知道返工幾辛苦
生完兩夫婦都繼續做野時
上一代又會質疑點解女方唔做FTM湊小朋友
社會好多人離地到一個點
🧐我而家係FTM 真心係好辛苦
但係我想出番社會做野多過日日湊仔😮💨第一 番工=me time 第二 工作唔會令自己同社會脫節 第三 屋企洗費唔洗咁緊張
真心 其實一到學齡時期 媽媽做下part time job都好過日日係屋企無野做 淨係洗3煮飯 日日咁做都會悶啦 番下工又有錢 又可以同同事吹2咀 好過係屋企一枝公啦🧐
返工都好辛苦的…
所謂返工=me time 應該要搵份hea工先有
香港係會難啲既🫤😐所以番part time應該會好啲👍🏻
屋企無壓力，錢係完全夠一家三口退休，夠埋呀仔退休。老公好憎我做野，而家終於做FTM，但堅持一路建立自己事業，目的係唔比自己同社會脫節，仲有保持思路清晰，獨立同希望自己將更多人生經驗分享比仔仔。
女人生仔係辛苦，但除因奸成孕，否則你懷孕生仔係會知道自己要付出d咩，唔好淨係咩都賴哂落個男人度，講到自己幾大犧牲🙏🏻
8萬都供唔到樓真係唔知內裡有咩故事！我哥一家三口全家人工唔過4萬都供到！佢有照俾家用老母！試下計一計開支！睇下會唔會供到間細單位？
部分Ftm最大鑊係同其他師奶講是非，再唔係d媽媽group入面d是非精比較，返去覺得個老公樣樣都唔掂。
其實一個屋企各司其職，冇話邊個重要d，互相尊重同包容喇
BTW原文個度就咁睇好似冇小朋友喎
最錯係生仔
1個養3個 好辛苦
最好係公一份 婆一份 唔生仔
明你意思。的確有人係咁。
但講到大部份都係咁就唔認同。
兩公婆平時多d傾計，生活嘢、壓力嘢，唔會至於唔知對方煩嘢，生活上做嘢經濟上又有煩煩咁。
交換下雙方嘅諗法同湊B返工嘅煩嘢。
返工唔易，湊仔都唔易。湊小朋友唔係大哂，同樣返工果個都係。
都有ftm等小朋友大d會做下散工，在家工作、投資之類搵多份錢。
覺得有d人本身性格有問題，並唔係ftm有問題。
香港依家唔買樓好過買。比人炒又唔知點供。唔買樓，淨下錢好過。
從來都係某些男人膚淺，全職媽只係一個階段，若爸爸和媽媽一齊教好小朋友都係一項投資，他們獨立，媽媽咪可以番出來做嘢。
一律建議唔好結婚，女仔自己搵返自己價值又唔洗俾小朋友綁住，男ge自由搵自己食，唔洗話邊個付出多d計住計住
如果個女性返工，另一半又肯分擔育兒工作同家務就ok
此post 完美展現香港半醒不醒的女權主義🤌🏼🤌🏼🤌🏼
正確答案係 男辛苦 女辛苦
男唔應該睇小女
反之亦然
養家辛苦
照顧家庭辛苦
呢個唔係一個口舌之爭
體諒 諒解先係良方
喺香港地自己有份工，好過做full-time mum ，唔係好易同社會脫節，又唔會俾個老公睇唔起