📌 富城物業一名經理聯同
共 59 條紀錄
富城物業一名經理聯同香港警隊督察Brian妨礙司法公正，合謀圍標，所有標書並沒有得到任何回覆，只有1間公司有回覆度價錢.五年的升降機維修合約價值超過1,900,000,000，為何只有一間公司報價？沒有任何其他公司報價？這個如何解釋？
傻仔，原廠係其士，其他Lift公司商業決定咪唔報標囉，回函不報係有效回標嚟。
你懷疑人哋圍標，你咪去報ICAC囉
5年總合約千九萬喎師兄，愛蝶灣成十座，每座三部𨋢喎，除三十一萬一個月，除返每部一萬蚊一個月保養費，好不合理？
唔報價唔出奇喎。你招標叫Toshiba整Panasonic電視機，你估Toshiba報唔報價？
事實上好多呢啲咁嘅傻仔，唔知頭唔知路，一見到個銀碼就話人哋有古惑.......
1900萬，你屈鳩間公司報19億. 青，你係唔係讀寫障礙？
無知識既人好可怕 同埋 正常一間公司保養緊既電梯/扶手梯 其他公司比較難接手係真既
19m變左190m？
No reply可能係收唔到標書，或考慮完唔報。但no offer係表示收到標書，但考慮後決定回覆不報價。兩者性質上完全唔同。
呢個情況，見到張list，印象中都係大公司，最多講佢地點解唔搵多啲potentially bidder，例如相關行業既中小企(如有）。
但，其他公司接咗，換零件就有排煩，同型號都有得救，唔同型號，未停產就有得買，大多搵原廠，停產就只能訂製。
萬一出咗事，要搵返原廠搞，到時人地就係先報咗check 機費，之後先按check機情況再報價。
舉一個簡單例子，法拉利壞車，問Toyota /法拉利/比亞迪/福士攞維修報價？會有乜結果？
招標個list全部都係原廠嚟，有自己品牌/代理的𨋢
市面上的確係有俗稱雜廠的公司，專做第三方維修
但係同你講，貪平搵雜廠九成最終只會谷到一肚氣，所以基本上都係建議盡可能搵返原廠保養
老實講，管理處專登揀呢D大廠出標，即係根本係諗住繼續搵原廠，但係無奈要按規矩搵人陪跑
呢啲野你明我明，但唔知有佢地真係唔明定點，所以只能從其他角度再講一講。可能呢啲位有得Q，但可能引起其他後果。
原廠貴，但正路；副廠平，但可能出事。
要指定供應商就一定要有說法，但說法總有人唔滿意，唔俾過。所以先會搵公司有陪跑。
但，講真，講到咁白就無謂啦。
全香港都只會得原廠𨋢公司報價，因為得原廠零件技術，唔識嘢唔好9up。
又唔係咁講，業界的確係有專做第三方維修的雜廠，但係質素係點我諗你都心中有數
管理處專登揀晒D原廠公司出標，即係佢根本係諗住繼續搵返原廠，但係無奈按規矩要搵人陪跑
講真，如果管理公司搵細廠做維修，後續係點全世界都知：部𨋢之後會成鳩日壞成鳩日整，最後完約成班業主頂唔順想搵返原廠，原廠要收錢check哂成個系統先接，結果一check成部𨋢比堆大陸副廠件搞到六神合體咁原廠唔肯接，最後堆故寒業主就要出標搵最平既臺日買𨋢換頂住先，然後無限loop
佢今日搵非原廠保養嘅，我好肯定佢下部𨋢係thomson🤡
樓主 雖然我都好憎圍標
但業界傳統用緊邊個牌子就多數用番果間公做維修補養 除非換公司或法團意志 否則其他公司通常唔會報 因為佢地係唔會想孭飛一部唔係佢地裝同保養的𨋢
其實正常都係得原廠代理做返，就梗係得一間入啦
同埋1900萬你吹到19億
真心問，你係傻嘅定痴嘅？
如果為左個標價搵d細公司做，佢地無零件無技術，出左意外先大鑊
應該咁講
其實管理處根本係有心搵返其士做原廠保養
但係礙於規矩佢一定要搵人陪跑，咪專登揀晒其他原廠公司出標囉
物管都唔搵牛仔公司報價
搵哂原廠𨋢仔
唔係自己機
佢地點會報價😂
1. 升降機保養一般都係揀原供應商(原廠代理)，因為師傅係原裝培訓，零件由原裝供應。
2. 其他保養商嘅師傅可能都係出自大公司跳槽，整返同公司嘅應該冇問題。問題係下面嘅學徒可能要跟唔同師傅學幾個品牌。仲有原廠零件係唔會向外發售。咁其他保養商零件邊度嚟？淘寶代用貨、二手翻新貨... 邊個保證品質。
3. 維修行業尤其是升降機，唔夠新人入行，因為人工低環境惡劣。你知唔知夏天天台升降機房又熱又焗唔通風，體感溫度可以係40-50°C ，仲有老鼠曱甴。唔係個個頂得順。
4. 你以為有生意就個個想做？冇人點做？仲有曾經响原廠轉過其他公司保養嘅，冇人肯執三手爛灘。冇人知上一手換咗乜嘢雜牌代用零件，邊個夠膽簽就要食咗上一手嘅垃圾。
5. 所以升降機保養招標好多屋苑只係走流程，正常人唔敢換公司。咁其他保養公司都明知落標都係俾法團交功課，冇乜機會中標。又唔夠人手所以連回標都廢事嘥時間。
因為我都做過法團，外人食花生飲啤酒以為好易嘅，其實好多辛酸。連冇人回標都要俾人屈貪污，你話邊個想做法團，做義工出力一件事，被屈就大件事。
唔報價都唔得？最出名嗰幾間都唔報，想問下可以搵邊間報？我開間強記電梯報到平一平，你會唔會揀？
> 我開間強記電梯報到平一平
講真，業界真係有，俗稱雜廠😂
不過管理處專登搵呢D大廠有自己產品的公司出標，即係擺明唔想轉保養公司啦
升降機保養就係咁🤡🤡零件要揾原廠，一個唔 like拖你一排先比零件你
1900萬嘅Lift mains contract，9成9都係comprehensive，我就覺得唔算貴啦
當然，都可以齋報普通mains嘅，夠期換纜個下咪幾十萬幾十萬咁俾，無話唔得嘅
你覺得唔對路，都可以聯同其他業主一齊，代表屋苑出標邀請返全香港咁多間lift公司報標嘅，我相信結果都一樣，得一間會回標
唔係自己牌子唔報一啲都唔奇
間間公司都會有佢自己零件
你想其他廠報價情況甬多數係招標換𨋢時出現
維修保養有其他廠肯接，多數都唔會平
啱啱相反
其實業界的確有雜廠公司監平監賤去接第三方牌子保養job
不過質素係點大家唔使諗
又唔好咁講
大公司一樣會亂嚟
但係樓主個 case 明顯唔係😂
十座28部𨋢，5年19M除開11000蚊左右一部一個月，有冇諗過部𨋢24小時俾住客㩒上㩒落，仲有escalator，加埋24小時on call 某段時間內即刻有人到幫你整，萬一蚊保障佢健健康康安安全全咁載你上落好合理
原廠保養用原廠零件
唔通用代用品咩
其實你識唔識
出面好多整𨋢公司做單棟樓維修
用非原廠零件 𨋢好快打柴 或常常壞
你間管理處算好㗎啦，冇諗住搵嗰啲第三方不知名公司去做保養
圍標係唔好, 但唔代表呢d係圍標. 原廠就係原廠, 揾第個搞第時因少失大
5年總合約價HK$ 19,076.148.00 即係幾多錢?唔明白?
你地報哂d一線大廠，但又唔係換𨋢只係要保養，人地大公司都唔做副廠件點會接黎做？唔接咪唔報價囉 🤡
30部𨋢報5年保養千九萬又唔肯用細公司副廠大陸件然後嫌貴🤡🤡🤡🤡
19億同19076.148 真係不相伯仲
Btw 做lift賺到笑，根本唔需要圍標
咩服務都好，清潔、保安、園藝、會所等等等等 都可以招標有平用平
電梯真係千萬唔好，一定用返原廠
唔係原廠問原整攞零件貴一浸
報價一定貴過原廠
明知唔中咪唔報囉..
通常部機原本牌子就係原廠保養返
其他廠買唔到原廠料 到時壞咗仲麻煩