坦白講，我從不鍾意《寒戰》
成套戲就係「煞有介事」——
一大班人好似有好大陰謀、
好有衝突，其實係「搵戲嚟做」。
最令我頂唔順嘅，係佢將警察寫到好專業、好正義、好似好有系統——
係一個仍然值得信任嘅機構。
但問題係：香港警察真係仲係咁咩？
起碼在我心目中，完全唔係。
佢哋唔再只係處理罪案，
而係政治任務掛帥；
唔係維持秩序，
而係濫用權力；
唔係保護市民，
而係對手無寸鐵嘅人出手。
再唔係就日日犯罪嘅古惑仔
某程度上更接近「秘密警察」，
或者納粹蓋世太保
講真——而家任何以「警察」為主題嘅港產片，我都完全冇興趣。
唔係好唔好睇嘅問題，
而係好強烈嘅疏離感。
反而如果真係拍到佢哋係一班古惑仔、
濫權嘅惡霸，可能仲真實啲
咁當然，呢啲戲，今日拍唔出。
而家《寒戰1994》，咩「十個影帝」齊集——
其實又係一班阿叔繼續「煞有介事」，
再堆砌所謂格局同氣勢。
「經典」——老實講，唔覺得。
如果咁都可以叫經典，
只代表「經典」兩個字好廉價。
不是人云亦云，
就是講大話呃鳩人
呃班唔識何謂電影嘅蠢人

總覺得好似係上世紀嘅事咁, 而家聽到見到寒戰呢個名都有種好out嘅感覺, 真係唔會去睇
當年見到有人話呢套嘢可以媲美無間道
真係睇到眼都突
簡直侮辱咗無間道😅
所有幫警察形象洗底既戲一律唔入場睇，理得你搵幾多影帝一齊拍，拍多啲其他題材好過啦，咪再拍警匪
成個電影界一向都同警隊關係千絲萬縷，配合晚期英國殖民統治企圖將香港警察嘅形象洗白，直至2010年中期都大致上成功。
呢啲有系統嘅洗腦工程，培養咗兩代崇拜執法機構，英雄化香港警隊嘅市民（包括少年時期嘅小弟）。
擺脫英國同埋中國殖民統治，其中一點就必須將香港警察喺神枱扯返落嚟，真實咁樣描繪佢哋作為英國同埋中國殖民政權幫兇（政治部同埋97後嘅保安部，仲有香港國安法實施之後嘅國安警察）。
我地需要完整咁披露佢哋入面可恥嘅種族同埋性別歧視，一切缺乏教養嘅行為，仲有對公民權利赤裸裸同粗暴嘅打壓。
佢哋喺維持社會秩序方面的確做得好出色，因為殖民地嘅法律同埋賜予佢哋嘅武器裝備仲有大量資金，令佢哋喺物理上處於不敗之地。
但係絕對同正義扯唔上任何關係，大多數時候佢哋都只不過係趨炎附勢於執行平庸之惡嘅小人，同嗰啲喺奧斯威辛沉醉於虐殺猶太人嘅納粹黨衛軍一樣醜惡。
因為政治好撚正確 壞人都係97前種落嘅 党要吹到有幾經典都得
一套睇到人哋非常尷尬嘅戲 個個死老豆咁樣擠眉弄眼就話好戲
1係全靠彭于晏升華咗成部戲，佢個角色亦係唯一寫得好嘅角色。
2直頭係不知所謂！
經典「雷聲大」嘅港產片。
第一集，完全無頭緒，突然有人放料去破案……
第二集，郭富城做到處長，都係無頭緒，「平民」文詠珊博老命搵到缺口。
實不相瞞，我覺得寒戰真係港產片經典
不過係經典笑片
我嗰陣入戲院睇笑到氣咳
香港變天後,寒戰只是宣傳反英殖民時期嘅戲曲。聽講會做三步曲。無論卡士幾大,我幾鍾意發哥,之前重溫過舊寒戰幾多次,我都會杯葛呢套戲。
成個系列，由頭到尾一路潛台詞住同你講：我好嚴肅㗎，我好嚴肅㗎，唔係講笑㗎…淨係呢樣都已經唔掂。經典Kam就真
第一集算係咁，有輕微講到警察權力同埋法治之間嘅衝突，第二集劇情開始唔合，第三集垃圾級數，變咗講外國勢力點樣干預香港💩
個導演拍警匪片懶係要拍到好大格局咁，第一集就警隊高層內鬥，第二集就政府高層內鬥，赤道就玩埋中，港，韓三地角力
為左留伏線開續集，套套都拍到無頭無尾咁......