尋晚去一間韓國餐廳，叫左個章魚人參雞湯。

個（新）店員，送左我個餐去另一個客度。過左5分鐘，個店員問我叫左咩，我話章魚人參雞湯。之後佢粒聲唔出，入左廚房拎左鮑魚人蔘雞湯，俾左果個客，拎走果時個客話佢無食過。（個客就喺我隔黎兩張枱，極近）

個店員拎走個餐，行兩步擺低我張枱，成個過程乜都無講就行開左。

純好奇，如果係你，會唔會食？

食啦 等多5-10分鐘咪又係食返哩兜野
除非你叫第樣野😂

我都諗緊呢樣野🤣🤣🤣扮換又拎返同一兜，分分鐘又加料，仲慘

係架 確認無人食過照食算啦

隔左五分鐘，我會選擇唔食，換另一款😅

驚佢入完廚房扮換跟住又拎返同一兜？
係好方法既，不過你叫新野佢都有可能加料俾你🤣

睇下我當時有幾肚餓啦

我當時真係好餓，岩岩操完體能。

叫佢整過個餐啦
放係隔離枱隔左5分鐘喎

雖然佢收走個餐之後再拎份比你
你都唔知係咪新整😂
或者廚房會唔會添加咩驚喜🤷🏻‍♂️

都驚架…換又唔係，唔換又唔係。

明嘅 如果面皮夠厚我都想拍枱走人😂

如果隔離枱係一人以上+不停傾偈，你個湯已經係口水湯嚟

你講到我最concern既point，啲口水。佢地兩位女士，一直傾計無停過。

唔食，筷子可能已经掂過

未，佢係包住既，未拆包裝

點換都係同一兜 食啦 一陣凍曬

你岩..

No

👍🏻👍🏻

如果你好介意，改食第二樣

我介意，但當下好攰好肚餓，諗唔到咁多野，食左先算。

直接唔食叫佢退錢

都係好方法

就係荔枝角嗰間兄弟？

Yes。個新店員真係搞唔掂。