尋晚屋企發生咗件嚇人嘅事, 想同大家講一下, 大家小心啲。
我屋企客廳有一道玻璃門可以出後院, 當時門上咗鎖, 屋入面開咗燈, 但後院冇開燈好黑, 我企喺飯枱附近, 完全冇留意有個人行近道門, 直到我聽到佢想開門但開唔到。
我即刻行埋去開後院燈, 就見到有個男人轉身, 跨過圍欄去咗隔離鄰居間屋, 仲爬上人哋屋頂。
最後被警察制服同送咗院。

今日有人幫我哋將垃圾桶推返入屋範圍, 仲留咗紙條提醒: 賊人會搵垃圾桶放屋外嘅做目標。

Your neighbour is great!

所有出入口裝sensor 燈。

屋外裝d 連floodlight 同siren 嘅security cameras la

暫時得正門有cam, 睇嚟後院都要裝

屋前行去後院條通道(即拉垃圾桶出屋前)條路都裝 floodlight, 無賊鐘意俾人睇住。

真係唔知將垃圾桶放屋外
鄰居話佢後生果時可以踩住垃圾桶爬上佢間房😅

你嘅門窗必須非常堅固，不要為慳錢而無命

出面天黑咗，一定要拉窗簾，唔係出面會睇曬屋入面。除咗垃圾桶盡量快啲拉返入嚟，大門letterbox 位嘅傳單都要盡快拎走。依家可能裝返個flood light 喺花園穩陣啲。

我花園，同入花園門附近，都有隻ring, 可以講野的😆諗住一有咩問題，可以睇到，同出聲

我部cam都有呢啲功能, 但淨喺正門🫥, 諗諗後院可能都要

我地嗰邊, 警方有提d 賊會借力上bin 再爬入來, 所以唔好放外面, 如果泊車既話, 盡量車頭貼車頭咁泊,怕偷車

但唔係一定要推垃圾桶出去等垃圾車收咩

佢意思一收完垃圾就盡快推番入屋，唔好令人有錯覺無人喺屋企所以無人推~

要返工的話就係冇計🥶

研究下裝smart window sensor喺門窗
門窗開左 電話會有提示
仲有裝sensor light喺室外

你哋外國屋大 玩下smart home都好㗎
仲有d係令間屋播下嘢 有聲，
又有set唔同時間自己開燈關燈，感覺上難d捉路你邊個時嘅停留喺屋企邊忽

好主意, 研究下先

可能借個桶爬上樓

踩爆個bin都上唔到去，好化學好易爛

Ur neighbor is 👍🏼

我地窮人冇後院要小心✌️

都要小心門窗呀, 真係好彩當時有鎖門

你唔快收垃圾桶 嘅話，人地會以為你間屋無人。

屋入面有人都照爆好恐怖

好簡單諗，未拉返垃圾桶代表嗰日間屋既人未返屋企，如果無開燈就可以嘗試老爆。

唔怪得鄰居次次都幫我推返垃圾桶黎門口啦 😳