對牛彈琴其實好精準。
香港嘅性別環境惡劣，冰封三尺非一日之寒
-
高登、連登呢類匿名論壇嘅抹黑女性、endorse男性求偶焦慮嘅毒性文化，得不到就係雞係公廁；
經紀公司PR喺啲論壇慣性低劣抹黑對家，對公眾人物造黃謠、將身材、年齡作為攻擊手段；
某傳媒集團及其狗仔文化帶起嘅body shame、歧視性小眾、將開黃腔變到光明正大、打攪人私生活培養觀眾獵奇心態；
電影及電視劇鍾意搞雌競、將女人「聖娼二極化」做工具、固化男女性別角色、男人一定不擅表達、衝動暴力都係因為著緊、女人一定係又煩又戀愛腦又優柔寡斷婦人之仁、將陰柔男性做變態丑角、美化強姦行為or將呢個作為「毀滅」人嘅symbol；
色情產業鍾意「禁忌」、「操控」、「虐待」、「強迫」總之愈刺激愈好；
就算係經典香港通俗武俠小說，你真係睇嘅話都會發現女人係臉譜化工具，打打鬧鬧都係害羞，就算被冒犯後來都必定愛上男主角，有些少個人思想就會係奸角，並且動機一定係圍繞男人；然後毀滅男角色、證明男角色變態嘅方式一定係去勢；
係呢啲濕鳩嘢浸淫出嚟嘅香港人，真係只可以靠讀多啲書，了解到自己嘅觀念係被塑造，先可以解放思想，但佢哋話「叫人讀書」係冒犯。

不過講經咩，只係因為白水係有話語權嘅男人，佢出聲講，所以啲人先咁撚大反應有討論，如果係女人講（email、金冬天之類）邊會有咁多人覆吖，笑死。根本就已經證明咗好多嘢係男人講啲人先take it serious，我講咁耐女權嘢從來都係同溫層認真睇的😂😂😂

我仲未講其實自媒體都鍾意攞女人做花樽，唔賣樣果啲就一定俾人攻擊個樣「唔執吓」，然後賣樣果啲喺啲片到一定係擦邊、講減肥節食、姿整、大驚小怪要受保護、無知etc，襯托啲男角色有用又英明😂現實生活中根本冇咩女人真係咁😂

佢地其實已經變左做共產思想最渴望變成既人🤭最鍾意屌鳩知識份子讀書人，有錢人同埋靚女，大家都要一齊弱智窮毒柒先對得著偉大祖國
社會學哲學法律概念傻傻分不清，因為無讀書所以唔識咩叫reference/citation係度用「我覺得/我認為」做定義
Fact同opinion係兩樣野幼稚園都識😶‍🌫️

我又唔想講到咁社達，不過會睇到呢啲人嘅來時路，同情但不認可，受到佢哋嘅攻擊並且發現佢哋係主流會覺得好辛苦🫠🫠🫠

的確，女人講根本激唔起咁大浪花
不過多一個男人講都可以多一分力量，希望個浪花會愈打愈大🔥

其實我呢幾日同人私下傾，呢個世界有好多男人好正常，去到一個位佢哋都會睇唔過眼，但呢啲喺男性圈會有好大peer pressure唔俾出聲，一出聲一定係扮嘢溝女，真係toxic到仆街，不過個良率實在係低。

反而覺得近幾年大陸嘅性別意識真係高漲左好多，一有人講啲gender stereotypes嘅嘢就會有人出嚟駁，好多討論女權、討論父權，同埋拆解婚姻制度之類嘅片都好深入同埋有見地。但係香港個社媒環境就係大家慣左d性別定型嘅嘢，慣左歧視性少數嘅言論。。。好多好多，慣左批判女性嘅外貌etc。可能係香港女人一直以嚟都好自主同獨立，變左大多都察覺唔到隱形嘅壓迫，太過安於現狀、而大陸就有啲觸底反彈咁款。

然後前排先有人喺度講香港女權過高
荒謬到唔知講咩好

係就係，
不過記得，
太非人性化的社會，非常恐怖。

而劣文化係HKeAA造成，

學校冇教 「人品」

True ?

我講嘅讀書唔係講考試果種讀書應試喎，學校就算通識科（而家變公社）都從來冇教哲學社會科學嘢喎。不過呢個係英殖遺留問題嚟，果陣急住要大量勞動力所以係務實嘅教學而忽略情意教育，邏輯解難同人文教育果啲嘢，基本上教學改革就係嘗試緊改善呢件事，留到大學先學/件事變得optional其實係教育制度失敗導致風氣toxic，人人受害，然而而家勸人讀吓理解吓個處境點嚟，啲人都會問「唔駛考試嘅嘢讀嚟有咩用」，就係咁恐怖。

真

獨醒撚