📌 小妹今年25歲五月
共 59 條紀錄
小妹今年25歲
五月有機會代表香港出去比賽
但係老細話佢要追數唔俾我請假
本身諗住請到假就去 請唔到就算
但我越諗越想去 身邊嘅人都好鼓勵
（屋企人係唔建議辭職）
我死心不息問咗佢第二次可唔可以請假
佢就話講得好清楚，叫我唔好再問
叫我自己諗吓工作緊要啲，定係去玩緊要啲
下刪一分鐘情勒錄音+電話
其實如果佢好聲好氣我係理解嘅
但勁唔gur 佢話我係去玩

如果為咗去比賽辭職會唔會太誇張
腦細冇對我唔好 但工作都chur 成日都好忙但人工係有補到水 但開始係度學唔到新野
但我又真係窮唔返工會餓死街頭
仲有就係有冇人有自由度大嘅好工介紹
首先我係一個香港人，好多謝你可以為香港參賽
你先得個25歲，如果你覺得呢份工已經冇咩學習/進步空間，以你嘅經濟係可以支持幾個月冇收入，咁樣我覺得辭職去比賽唔誇張。聽日就
其實你老細好倚賴你，又要靠你跑數，仲要咁樣花時間去情勒你，究竟邊個需要邊個多啲？

AL都唔俾放？已經早兩個月通知喎，咁嘅老細同公司，早走早著啦。
有乜咁出奇？都有人試過請哂AL公司批埋，買哂機票去旅行又book好哂酒店食肆玩嘅地方，臨放假都可以比老細問可唔可以取消la
港隊過來人，唔洗唸一定係去比賽，唔好到左35先黎後悔
唔好辭職住。
同大家講下你嚮邊間公司度做嘢先？我地好有興趣幫襯你公司，俾生意佢做。
老屎窟路過擺低幾句
唔知你玩咩運動啦
我諗除非真係經濟好嚴重困難
港隊身份代表香港去比賽咁難得嘅機會
講真，我係你嘅話
我會同老細講
「去我就一定去㗎喇，一係就放假，一係我就唔do」
Exactly what she should say to her boss!
先唔好講係咪去比賽？就當佢玩，你老味乜撚嘢工唔撚俾人請假去玩㗎??? 仲要情緒勒索早走早着
你只係得25，我會建議你參加比賽。如果係35上有老下有嫩要養家，穩定工作係非常之重要。但係你很年輕，去比賽會有一個新嘅可能。
我都有類似經歷
會考唔溫書 仲請假代表香港去比賽
自費ga
拎亞軍 番到泥仲窮 😂
如果你係代表香港出賽嘅話，你可以道德綁架番你老細，同佢講因為佢追數而唔俾你出去比賽，俾外面人知道，佢立即名譽掃地，只要你敢大佢，佢自己就會縮沙。任何時候，如果可以代表香港出賽都應該係優先項，呢個係國家/地區榮譽。
咩工咁巴閉？ 你請陣假，公司會執架？ 如果係，勸你快啲走，成間公司都係垃圾。
如果一個員工請假都唔俾嘅話，咁唔係叫員工，叫奴隸囉
呢個post 我真係想屌9醒你
回憶財富係同等重要，你會記得20歲同邊個去exchange , 25歲去過咩旅行，做過d咩令自己驕傲既事。
但你唔會記得自己25歲搵幾多錢，幾咁幫老細賣命。
你留低既，只係後悔既感覺，最後會變成世既無力感，因為經已不能改變
唔好理。既然講到咁負，一於去比賽啦！尼啲老細咁自私，唔駛理。自己有機會就要把握。
由佢話你去玩嗰刻開始就唔好諗住有彎轉
走啦阿妹
比賽你先係主角
工作上大家都只係配角
無謂犧牲自己
工排你做，做到你死
代表香港喎
代表香港喎
代表香港喎
你返工會得到咩榮譽？
（無錢開飯另計）
做左先算，呢個經驗值你未必再搵得番⋯再者你仲咁細無野怕失去，再多人工都唔及你比賽個種衝勁、成功感，到你年紀愈大愈難再去博😌不為甚麼只為自己💪🏻最難得你已有目標🎯加油💪🏻
咪請事假囉，最多扣錢。如果佢要炒你嘅，即係間公司唔值得你留落去。同埋代表香港比賽唔係玩，你問下你老細25歲嗰陣有冇得咁玩？😂
去， 老闆無錯嘅， 為自己利益著想， 你青春都要為自己利益著想， 比賽加油💪🏻
Chloe，我睇完你個post，好明白你而家嘅掙扎😌
25歲有機會代表香港出國比賽，係好難得嘅經歷😍👏🏻，但工作又chur、請假又難，內心拉扯好大。我完全get到你既想去、又怕影響工作的心情。
如果你真係好想去，我建議你再試最後一次，用「代表香港」嘅角度同老細講清楚可行方案（年假+無薪假之類）。如果批唔到，辭職都唔使覺得太誇張——呢個經歷將來絕對係你嘅優勢。
2年多前我曾經都有類似經歷，最後我自己選擇係辭職，當然因為我提早準備左個plan B 比自己🥰
另外，如果你之後覺得而家份工自由度唔夠、想搵啲時間彈性大啲嘅出路，我自己有啲創業合作機會（特別適合有運動背景嘅），歡迎你隨時DM我傾下，一齊搵新方向都得💪
無論點樣決定，都支持你去做呢件事！加油，代表香港好正❤️
已經學唔到新嘢，走得。
腦細唔識體諒人，走得。
請AL都要公司批先有嘅，um....喺香港好似唔少見，不過我都會走，完全接受唔到。
唔係呀話 如果你有假喺合法嘅情況下又有理由去請事假
但係老細竟然因為自己要搵錢嘅原因唔畀你放
咁首先呢個一定唔係好老細
而且遲啲可能會再有對你更衰嘅嘢發生喺你身上
所以早走早著啦
老闆知唔知你係代表香港去比賽唔係去玩？ 如果佢知都唔放你去，咁辭職都無可口非。
但如果你無同佢表明你放假原因，佢又唔錯得晒。
好多野係溝通出來
先不論係咪去比賽，唔准人放假嘅情勒黑心公司係red flag，無留低嘅價值。
首先，你個比賽係幾重要先，如果係入選港隊級數，我覺得係值得一去，但如果個比賽只係普通業餘玩下嘅級數，就唔值得冇咗份工都去，唔好為自己選擇而後悔就可以💪🏻
一定係去比賽 利伸去過 啱啱好俾人刀 仲要自費機票酒店 當放一個月假 番嚟再番新工 無後悔過 反而頭腦仲清晰咗
西裝日日都着到 但港隊衫可能得一次 自己諗
唔好諗，去參賽，人生中得一次半次機會可以代表你嘅地方出賽，你得25歲，打工仲有幾廿年 ，返黎再搵都唔係問題，再講，你公司咁唔支持，其實都唔見得係一間好嘅公司，放心走啦！
張家輝曾經講過 耶穌都留佢唔住 你勇敢少少做一次相信自己嘅選擇
我以前就係聽錯人講 冇去繼續參加鋼琴班 到呢一刻都重後悔緊
遇到咁嘅腦細，你快啲辭職去比賽先，返黎再搵工好過，跟住尼啲腦細，都唔會有上游機會。
如果唔係dream job可以辭職。
同佢講：玩？比賽係玩？
要幾on9先覺得代表香港係玩😵💫