小妹第一次租樓就中晒伏，希望唔好再有人中伏
話說上年6月小妹就租咗油麻地一個單位，間屋裝修得好好，但其實係一間極度唔安全嘅化妝樓，業主係個大陸女人，一開頭顯示到客客氣氣咁，但其實都係個估惑嘅人。成件事無論個單位定師傅都係大伏，大家小心唔好中伏！
油麻地海x閣某單位 同 觀塘友x工程黎x言師傅
1. 經常停電
其實簽約之前去睇樓嗰陣已經停過一次電，但當時我地一次過開晒全屋連埋平台啲電，當時覺得應該係因為一次過開行晒啲電搞到停電，以為係個別事件。
但搬入去之後，停電嘅頻率係一星期1,2次，而且跳電唔係跳屋企電箱，係跳大廈電表房個電掣。
多次同業主反映過呢個問題，當時佢表示從來冇發生過停電問題，係我地住落先發生咁樣嘅情況。
當時以為業主好好，佢有搵師傅嚟整(呢個師傅都係個伏嚟，下面再講)，但師傅次次都係嚟檢查一輪之後就話冇辦法搵到原因，而停電問題都係繼續發生。直至後期個師傅截停咗某段電腦嘅供電，停電嘅情況先減少發生，但每個月都至少仲會停一至兩次。
業主一路都表示從來都冇停過電，但後來個師傅嘅徒弟有次上嚟整嘢嗰陣表示上一手住客住嗰陣都發生過好多次停電問題，佢上嚟睇過幾次，但都係處理唔到。

續
呢啲都係師傅個徒弟講，我fact check唔到但我覺得佢冇必要呃我。
之後業主一口咬定冇停電問題，到後期佢堅稱自己唔係一個狡猾嘅人，並冇欺騙我地，但到我地之後同佢對質嘅時候，佢先支吾以對咁話以前都發生過停電事件。咁呢個業主到底係唔係一個狡猾嘅人就留俾大家自己判斷啦。
2. 水質有問題
我地搬入去之後發現開水龍頭啲水係見到黃色，業主話因為上一手好少用水所以啲水黃，話只要放耐啲水先用就無問題，所以我地自己裝咗花灑同廁所廚房水龍頭嘅濾芯，但啲濾芯用1,2日就變咗深啡色(如圖)。
之後再同業主反映，業主搵師傅換咗單位外牆個濾芯，但啲水都係一樣咁黃，業主就繼續表示開耐啲個水龍頭放咗啲黃色水就得。
3. 樓上裝修打爛晒啲嘢，仲鑽穿咗天花搞到係咁滴水，但業主話好安全
喺搬入去之後，樓上就開始裝修，首先佢鑽穿咗廁所天花，搞到不停滴水，十分困擾，但呢個不至於有安全問題都可以暫時忍受。
過多幾日佢唔知點樣鑽牆嗰陣係咪鑽正埲牆，我入牆櫃啲嘢俾佢轉到跌晒落嚟(有片)，啲香水打爛晒，我返到屋企以為俾人爆格，睇返cctv先知發生咩事，同一件事發生咗2次，好彩當時人同狗都無企喺嗰個位，唔係爆缸都似。

唔狡猾既然人好少會強調自己唔係狡猾既人

續2
嗰陣有同業主反映過覺得層樓有安全問題，想傾減租或者退租，但業主堅持層樓係十分安全。
4. 熱水爐壞咗，業主搵唔符合資格嘅師傅嚟換熱水爐，換完仲滴緊水業主夠膽死話安全
一個月前左右，沖涼沖到一半突然熱水爐無咗熱水，到第二日沖涼仍然無熱水，通知咗業主同埋同諮詢咗地產經紀話熱水爐係自然耗損所以由業主負責換。
幾日後業主搵咗上面講嘅伏師傅加佢徒弟上嚟換熱水爐，個師傅上到嚟拆咗幾個鐘之後話要放咗舊熱水爐啲水出嚟，放水放到水舞間咁，仲要啲水全部都係生鏽水，勁核突，仲要浸到成個廁所啲嘢濕晒全部都係啡色水。後尾問返識水電朋友話應該擺條喉放啲水落馬桶就唔會搞到咁，可想而知個師傅幾可靠啦。
搞到咁都唔緊要，最緊要換到個爐俾我有熱水沖涼，點知個師傅搞足6個鐘換完個熱水爐之後個爐啲喉係咁滴水(有片)，跟住個師傅話滴滴下就會唔滴然後拍拍囉柚走咗，留返個徒弟喺度善後，咁個廁所搞到咁緊係即刻聯絡業主，業主就話滴水應該冇問題叫我照沖住涼先，大佬我點知你會唔會觸電？然後業主就話叫我煲住水沖涼先，過兩日再搵師傅上嚟整。

續3
我話要收返清潔費同埋出去租酒店，業主表示係我用壞佢個爐，佢肯換俾我已經仁至義盡，所以後續全部錢都唔願意負責。但當初明明大家同地產經紀傾完自然耗損應該係佢負責。
然後過兩日個伏師傅再上嚟，當日業主亦都有上嚟，個師傅搞完一輪又話唔知點整，話無辦法只可以繼續滴水，滴滴下就會唔滴。講講下又話係德國寶俾個有問題嘅爐佢，如果有經驗會唔會要裝到上去先知個爐有問題？到底有問題嘅係個爐定係個師傅？咁我地提出如果個爐有問題咁咪拎返去換，但師傅又話德國寶會有人上嚟整，問要幾耐又話唔知，然後我地開始質疑個爐嘅來歷，但個師傅死都唔肯講，亦唔肯俾單我地同業主睇，跟住個師傅就咁掉低個爛攤子同打開咗嘅天花就發脾氣走咗。
而業主係一直在場，但佢就咁縱容個師傅拍拍囉柚走咗，到嗰一刻業主先講個師傅應該唔係整開熱水爐所以唔熟悉點整，當時已經係無熱水爐嘅第8日，我提出其實無熱水好困擾，一係我租酒店claim佢錢但佢唔肯，叫我一係煲水沖涼一係照用滴緊水嘅新爐。我反問業主如果用個新熱水爐滴水觸電點算？佢話好安全，最多只會跳fuse唔會觸電可以放心沖，及後佢都係急急腳走話要搵個伏師傅傾。

續4
考慮到間屋各方面嘅結構同埋安全問題，我地搵過地產經紀同各方朋友同埋報警備案，都覺得層樓而家有結構安全問題其實業主已經違咗約，所以即使係死約期間都要求退租，我本身租金交到3月27號，而業主13號話要22號交樓但唔會退剩低5日租金俾我，佢話除非我14號要交到樓先會按比例退還剩低嘅租金，跟住又話最遲18點，但我本來交租交到27號我即使已經搬走都賴死賴到27號先交樓架啦。

臨尾去到交樓嗰日，業主都係處處刁難又發爛渣話扣我按金當清潔費，好彩追尾都拎得返啲錢，成件事先告一段落。
呢個單位同師傅真係大伏，大家見到速逃🤮

個單位依家放緊租 大家睇路🙂‍↕️

其實真係多d呢d post
先提防到d pk業主

咁都要16000 😂
真心間屋舊 成日要乜都整真係好內耗
最麻煩又要浪費時間 聯絡業主
但係搞完又係得個吉
今次岀黎住唯有當交學費
祝福一定會租到個安樂窩👍🏻

個師傅唔識
應該係你換花灑出事

認真請教 啲水咁黃唔用濾芯可以點處理？🥹

花灑頭不是每個熱水爐也可用，有可能因為甘跳電

未正式搬入去 未換花灑頭已經跳緊電🙏🏼

熱水爐還是煤氣爐？

儲水式電熱水爐，未用熱水爐之前已經試過全屋跳晒電

儲存水式電熱水爐好易出問題
停左電箱的只停供電儲水式熱水爐的那個制，再試下？
未必需要開，機件出問題都會，
所以要清楚原因先。
如再跳再可能，就是其他問題。

比相關link你睇 個花灑頭唔可以隨便改
第1個熱水爐可能冇壞 或者比你用壞
第2個都係同樣問題
https://www.facebook.com/share/p/18PAV2KbES/

認真請教 啲水咁黃唔用濾芯可以點處理？🥹

睇完以為租緊幾千蚊嘅劏房，原來係$16000，樓主下次留意

1. 睇樓時順便立吓lift側邊告示，大廈有無咩電力/供水/其他問題。
睇樓已經全屋停電，一般屋企跳掣多數都係電流過大/電器出現問題，假設開晒一間吉屋嘅電已經負荷唔到會跳電錶房嘅掣，睇清楚個電箱係包含邊幾個單位，單位仲有無劏。

2. 如果係喉管生銹老化需要維修，業主有機會要搭棚，暗喉要鑿開晒啲牆先換到，費用昂貴，一般業主只會加濾水器。

或

樓上進行大型維修，佢洗手間大執要通知管理處停水，開返之後你啲水可能會好黃，keep住開到唔黃唯止。

3.樓上裝修天花鑽到有裂紋滴水，業主有無上來了解過情況？正常佢會通知管理處同報警，上去敲門，保留record claim返樓上保險，但佢竟然置之不理。

4. 個業主貪平搵啲唔係做開/黑工/黑材料來做工程，咩都話唔知，建議自己搵人上嚟檢查，保障自己人生安全。

其實一間屋不繼跳制而無處理好係好大問題，真係會產生火災危險，除咗搵業主處理，建議問樓下管理處，隔離鄰舍，順便問埋水嘅問題。

個熱水爐係因為你加咗個濾芯落去花灑到，所以搞到咁

睇段片無啦啦自己跌曬d野落地，以為個單位有朋友仔

樓上鑽嘢鑽到跌晒啲嘢落地，我返到屋企以為自己俾人爆完格🤮

得個251尺 夠膽死萬6蚊租？

Agent介紹比你都搞笑啦 真係仆街 好撚黑心 夾埋個業主搵你笨7

16k租呢度？

我明post主 有段時間16000 都好難租到心水 俾啲nds搶哂啲租盤。。

其實係個濕尻師傅同業主蛇鼠一鍋。
會唔會想搵其他人幫你睇睇，有咩問題？
無相熟，我可以介紹我鋪頭用開嘅師傅比你。手腳快同好盡責。

我已經搬走咗啦 走都走唔切🤣

拿得翻哂d按金嘛😎

業主cls
叫人煲水沖涼🙃

呢啲pk 業主 真係要揚出去俾大家知 擺明呃人 浪費錢又浪費時間同心力

🫂🫂🫂🫂🫂🫂
完全明，希望你之後會遇到好業主！

我之前租嗰度表面冇乜嘢，但係住落有兩三個位有滴水滲水問題，包括座廁，同業主糾纏咗半年，結論係唔整！退租嘅時候仲要多番刁難，話係我有份整壞🙃

我見而家個租盤都係放緊租🙈🙈🙈
喺觀塘區(非觀塘) 大家小心

你應該要開埋地產名🤨明知咁嘅樓都租俾人勁無良

同依家放租係同一間地產🥲

@alvin_katelam 開名，唔洗遮，可以講埋地產中介名

同依家放租同一間地產，不過agent都算係咁啦，交樓當日個業主處處刁難，交樓前一個鐘啱啱落完雨成個平台濕晒佢話我洗得唔夠乾淨，個agent都覺得佢刁難囉所以有幫手洗🥲

油麻地海溢閣251呎，睇返啲成交價，雖然哩間化咗妝同有露台，但完全唔值呢個價，竟然仲咁多問題，不過我唸樓主都係為左想寵物有個大露台，其實仲有其他更好嘅選擇，今次當吸取經驗，希望你搵到好地方💪🏻

今次係唔好彩，但係好多人提咗你個儲水式熱水爐唔可以換有慮芯或者有停制嘅花灑，再租記得小心啲！

認真想請教下啲水咁黃唔用濾芯可以點處理？🥹

我淨係知你會攪到個儲水式熱水爐爆爐，你無事未算好彩

16k大把選擇點解租呢度？

我都有差不多經歷 想借個位置提醒一下🙏
各位最近會租屋既朋友，注意小心旺角黑x街 7樓某單位 套房黎， 間屋好新淨好企理咁 ，但好多野會壞 注意一入門口有個高身櫃 下面有個生口(如果無特別睇可能吾知咩黎，係一個白色圓形.係櫃底的)，如果你廁所一塞 好易就會爆出黎 ，業主好多時會因不在港 聽吾到電話 仲有有時水壓會好低甚至冇水 所以可能會沖吾涼，但業主會話因大廈問題做吾到d乜。多數會出現係(駿x地產既ig上)。

你好傻呀,租樓耍租唔好over20年樓,最好租全新樓有問題發展商仲會維修,你又踫到衰業主,你又唔係租霸,無电咪唔交租😅

好慘🥹🥹🥹睇埋放租張圖 萬六仲要用處死式….

忍咗佢咁耐都犀利啦
黐線，真係報警處理

已經報咗警備案，但差佬話民事野佢地幫唔到手，叫我一係報東張一係唔好交租等佢執得吏嚟收樓😵‍💫不過至少叫做有個報案編號可以兇下個業主囉

警察叫市民報東張～神經病！

點解描述大陸女人
係咪淨係可以普通話交流個種
定係有鄉音

勁重大陸口音，廣東話講唔正，同埋搵親佢長期都話喺深圳😵‍💫

16,000嘅budget仲要做啲咁舊嘅樓，真係唔太建議

講真好多人用呢啲陰質方式賺錢，地產呢行屢見不鮮，不限於炒樓、爛樓放租、業主搵人便宜、地產sales唔老實等等

16000應該好多選擇，睇屋真係要睇埋個業主係咪正路人。水電都有問題，有機會就退租啦，你攞返個約出嚟睇下有冇位走到。你個花灑頭check 清楚係咪啱個熱水爐，唔啱好危險。

已經搬走咗🙏🏼

大多業主都唔想租客養寵物，完咗1年死约即搬啦，租村屋仲平啲

你應該叫個8婆自己試下沖，睇下會唔會觸電先好講果句無事😡

呢個budget完全值租呢個單位
樓齡又耐

好慘，熱水爐有問題真係好驚，我而家租呢喥都試過
我都完全零租樓經驗，而家係唐樓用處死式熱水爐，初時唔為意點解廁所地下成日有灘水，打開個假天花先知原來熱水爐滴水，咁同咗agent講佢話會叫師父嚟睇

如是者整完無耐佢又滴，儲到假天花塊板裝咗小量水，整咗幾次都係咁，直到有一次我沖涼出嚟無耐，突然boom一聲個廁所好似水舞間咁流晒水出嚟，浸到牆腳都巢咗皮，師父第二日上嚟睇，又話個爐無事，可能係氣壓問題先咁，咁我用咗一排佢都無事以為解決咗

又過咗幾個月一路都無事，但有日沖沖下涼feel到有啲好熱嘅水吱落我個身，原來係花灑龍頭位爆咗條罅，有啲熱水喺嗰個位射出嚟，今次業主第二日就叫咗師父嚟換咗個新熱水爐。其實本身我搬嚟嗰時都係新裝修新傢俬電器嚟，應該係本身個爐有啲問題所以先成日滴水，而家換咗2 3年個問題就完全解決咗，慶幸我業主係個好人，無覺得係我整壞嘢，幫我解決咗個問題

見你有養寵物 希望無嚇親佢🥲

我都諗住我個舊業主癲，你呢個仲癲🙂‍↔️
快啲搬走啦，搬走就好㗎啦，所有嘢都會變好㗎啦

☹️而家d師傅唔知點做師傅架
搵個師傅換廁所咁簡單，都可以搞到我成屋浸晒🤬🤬🤬
真係要整返個師傅黑名單既page

走得啱，觸電死咗冇命賠

去旅行住airbnb遇過大陸人業主，佢哋會堅稱所有野都無問題

呢啲爛樓都 16K
其實大把地方揀

呢個拎水爐好撚kick，之前租屋佢都係咁滴

16000 建築面積413 但實用得251 係咩玩法😳
祝福你嚟緊可以遇到好租盤好業主

呢間係地產舖代理，定係免傭金直接業主盤

比得16k, 不如自己買樓供啦

應該要開埋地產名 地產實知 淨係想賺無良佣🥲