📌 小妹16嵗 因為od
共 57 條紀錄
小妹16嵗 因為od入咗院
醫生 心理學家 精神科醫生都好想捉我入九龍醫院精神科🫠但係我好唔想入
想問九龍醫院精神科冇得玩電話🥹🙏🏻
同埋係唔係沖涼去廁所都會俾人跟住🥲
有冇過來人可以分享下九龍醫院精神科係點😭
大家！你哋啲cm我全部都有睇的💗
但未能好好逐一回覆sorry🥹
多謝你哋令我覺得呢個世界有好人的
ꉂꉂ(ˊᗜˋ*)ʬʬ
你哋好warm🥰
用過來人嘅身份同我分享嘅都希望你哋可以開開心心幸幸福福 快啲好返😗💗
我哋一齊加油～
千祈唔好入，地獄黎
同埋你咁細個真係唔好入！會完完全全咁教壞你！
我而家喺UC H
呢邊嘅兒科及青少年科（Psy) 相對地好好多
至少可以拎住電話,聯絡出邊
九龍醫院啲醫護只會當你係精神病 而唔係情緒病
佢哋根本就唔當我哋係病人, 當我哋係監躉
恐怖程度極高
建議你真係唔好去
每日得個幾分鐘聯絡屋企人打電話
完全與世隔絕
去九龍醫院既頭個兩至三日要瞓隔離病房。 隔離病房入面得兩張床， 如果好彩嘅隔離會有人同你一齊。 喺隔離病房嘅時候全日都會畀人綁手同埋腰。 你要去廁所嘅話就只可以用兜。
等你轉咗去大病房之後， 每日五點幾起身刷牙然後等佢派早餐。 如果佢哋覺得你有自殘或者傷害人嘅風險，咁佢哋就只會鬆一隻手畀你食飯。 而且得20分鐘嘅時間。
沖涼嘅話係隔日， 而且你未成年係有機會要幾個人幫你沖涼。
傾電話得三分鐘， 而且要排隊。 自由活動嘅時候你可以去借紙同埋筆畫畫。
冇記錯嘅話每日都會有醫生見你。 電話就要屋企人係探訪時間嘅時候拎畀你先有得用。 當時我住嘅時候，探訪時間係兩點半去到四點半
如果你想帶書入去睇或者溫嘅話
你係冇得直接拎入去，喺屋企人幫你print嗰幾頁出嚟， 再拎畀姑娘check ok你先可以拎入去。 七點嘅時候就要上床等派藥，大概九點嘅時候就要瞓覺。
仲有如果你唔好彩嘅話就要同啲阿婆一間房，which係非常非常之恐佈
而且你入咗去至少要住幾個禮拜甚至幾個月
千祈唔好入去，仲衰過坐監， 入去根本 休息唔到。
冇得玩電話架 第一日係房仔自己一個
頭幾日觀察你會係幫沖 之後可以自己沖的！
精神科冇得玩電話，探訪時成年院友可由家人帶電話去俾院友用，但未成年就探訪都唔用得。
沖涼去廁所係有私隱唔會望住你，不過會有指定沖涼時間，和有些時間廁所會鎖上。
入院治療只是其中一個治療方式，無論你是否選擇入院，也要愛惜自己啊🫂
曾經係九龍醫院 因為做傻事 送咗入去九龍醫院
第一日我仲記得係夜晚嘅時候轉院
入邊嘅男護士 fuckingon9 健康助理
（執事專員） 用極不人道嘅態度看代你
你只係一件貨物 佢哋可以對你隨便呼喝 軟暴力 令到你心入邊好難受
有一個算係正常嘅男護士長
佢見到我好唔忿氣咁入嚟
第一晚就走過嚟同我講
「入得嚟就預咗要30日」
我頭一日都好唔開心瞓唔着 唔可以落街唔可以玩電話 淨係得個走廊俾你來回行
之後仲有無數咁多嘅故事
我都好想做九龍醫院求生記12日嘅podcast
唔知會唔會有人想聽😂😂
妹妹加油呀！
情緒病只不過係大腦病左，或者荷爾蒙影響，雖然未必咁容易好返，但起碼可以靠意志同決心令復發的時間延長再延長，然後，待日後穩定病情再慢慢減藥。
要搵到影響你情緒/唔開心嘅根本原因，然後自己都要愛錫自己，要叻俾屋企人睇，咁先可以唔使入去。
點樣令自己變好？最簡單方法就係靠自己堅強的意志，然後做運動、晒太陽、食好西，同啲frd傾下計。單靠藥物無用的，最緊要意志力呀！
只要信，你一定可以變好！
我外國人，食嘢嗰度麻煩。
膳食問題，班護士佢哋咪覺得我麻撚煩囉。
我類似張柏芝嗰啲呀嘛。
要佢哋就曬我呀嘛。
咁我有啲嘢真係食唔到呀嘛。
大把人都係食野果度有問題啦
入面咩人都有，同性戀都有，追星痴撚線都有，唔同文化國籍嘅人都有，吸毒嗰啲都有，生意人都有，藥劑師都有，老師都有，社工系學生都有，HA都有。
應有盡有，自己有病架，佢哋醫護都做到黐曬線啦，病人係玩嘢，佢自己都掉人地枕頭落地下抱頭痛哭，暫時控制到自己嘅，遲啲就唔知喇，成班醫護都講是非㗎啦，圍爐取暖囉。
有啲病人真係互相安慰大家㗎
睇你好唔好彩囉
記得要講係衝動 其他咩都唔知 可以唔入精神科 呢招我屢試不爽😂 btw佢問你od係咪有好high嘅feel都唔好講 話自己係衝動有少少唔開心下次唔會再做
牙妹 雖然唔知道你啪藥嘅動機係乜嘢
但無論係點 都唔好再做自殘嘅行為
因為咁樣只會比人睇唔起 比人當怪物
個世界係好恐怖 唔會有人憐憫你
嗰個人係唔會因為你自殘所以對你引起關注
你唔使應承入去精神科 你咁細個 你同佢講話keep住兒科 繼續乖乖 醫生就會俾你出院 再者你都冇諗住休學一年嘅咁就要幫自己爭啖氣 努力考好DSE🫂
你講野咁賤不如唔無講啦
你自己睇唔起自己 係你嘅，唔會有人憐憫成個post都support緊佢
當人怪物呢到得你講
你係病友嘅，大家都個唔得自己想
你唔係病友嘅，收聲啦
唔好入 同地獄冇分別
我15歲入
一嚟隔離病房就綁
之後要同啲auntie同一間病房
冇得用手機
有既定程序
真係唔好入 有咩可以dm
好好愛惜自己
我仔ADHD 俾人捉左入去2星期
用家長嘅角度講下
頭1日 一上到隔離精神病病房已經俾人換走晒所有衫 一樣嘢都唔俾留低
之後佢俾人鎖左係隔離病房 自己對住四埲牆乜都冇 btw 無俾人綁 一探佢大家都崩潰左
第2日 醫生調左佢落IJ2 真真真係好雜 乜人都有
後生又有 老人家都有
探訪時間因為佢未夠18歲，所以完全唔俾佢睇電話
可以比零食佢哋，但係要鎖入櫃
佢每日都同我講 : 同哥哥玩 畫畫 上堂
朝早就沖涼 6點早餐 12點LUNCH 5點DINNER 8點宵夜
Ps 加埋啲綠衫阿叔又串又無禮貌個隻🙂
你而家係邊間院？
唔想入就同家長講清楚，係兒科病房嘅環境同醫護好過係精神科病房嘅，但你而家係病房有無乖乖聽醫講話？ 病情有無進展？ 你自己本身有無影響其他病人？
醫護想你轉院總有原因
而家喺TKOH 兒科病房 因為我喺下面急症佢哋已經想捉我去 但係有一個醫生好好人幫我安排兒科
屋企都想我入 我有好乖好乖聽醫生話 日日準時食藥 佢叫我去檢查 瞓返出面我一樣都冇反抗過 我冇影響到任何人🥲最多可以話會傷害自己但係唔會傷害任何人🥹
但係呢幾日我都算穩定 咩都冇做過 但係佢哋好堅持話我高危🫠其實喺醫院佢哋24小時睇住我 同喺屋企24小時屋企人睇住我都一樣 但佢哋就係好堅持
我有少少嘅經驗 不過我唔係住九龍醫院 我住嘅係大埔醫院
想講嗰度嘅人係幾nice 但係個環境幾唔好、辛苦
因為醫院係與世隔絕 最多每日有人探你 而係冇娛樂、外出機會
我就係俾住五個月醫院搞到個人好侷促、唔識得喜樂、麻木 我出院後需要二至四個月先回復正常 有喜怒哀樂咁
而我住院期間好辛苦 每日等得好折磨
所以我思考多一陣覺得 都係建議你唔好入 入院真係好辛苦 你出院後仲要一段時間回復正常
加油 祝你早日康復💪
地獄黎架，千祈唔好入，入去個個都要綁，朝早都未必會解，就算解完夜晚七點就要上床齊齊綁，冇得用電話，得探病先可以用
如果你好唔好彩入咗可以申請落IJ2,係兒童+康復房，相對上穩定啲同唔會點綁
🫂留名，入面真係睇你好唔好睇，我知道葵湧醫院，青山醫院都有呢啲問題
男人被迫同男病人口交
醫護虐待人
我係入面差啲爆血管。
好彩好快放我出嚟。
我喺青山入面都得罪咗啲醫護。
平時有個對我好好，就出院嗰時，即刻講晒說話我聽。我其實都都好守規矩。
我有PTSD，驚恐，微笑抑鬱。
我都知入面嘈到拆天，成日調房。
就係我瞓得唔到。
有人係玩嘢，但唔係全部人㗎嘛
你老味，話我屋企人帶啲野比我有問題，我都知。
又話我唔守規矩
我都想問佢哋規矩係點
冇人理我。
屋企人嚟探我，我想差唔多投訴比我家人聽，佢哋即刻驚，唔畀家人繼續探我。
你老味呀，留得青山在哪怕冇柴燒。
好呀我講曬出嚟囉出到院，
將佢哋啲僕街嘢，叫人小心睇路咋
我主診醫生信我咋，但果班護士，唔知係咪以為我色誘個醫生。我都可以慢慢繼續開心分享，我當然乜都冇啦，我有邊界感，我喺入面，其實算最正常嗰個。我連自己咩事都知，醫生輪流問我，我講曬自己啲事出嚟，但我都算好人，冇真正講曬，我屋企家教有問題，醫生問過我屋企點教我，醫生都知我其實都好照顧我屋企，一早想幫手養家。
我聽個死左嘅朋友講過，入去仲慘過坐監，一有乜衣郁就挷手挷腳打蒙仔針，挷起左瀨屎瀨尿都無人理。。。
乖，唔好再od 啦，抱抱你🫂 我都入過九龍醫院精神科住咗幾日，你能避則避啦🥲大家一齊加油好起來！
Kh一入去要自己一個住房仔比人綁 冇電話用 沖涼要比姑娘睇住 💀💀💀
如果一定要去，可以去聯合就爭取去聯合。你太細個啦唔好去九龍醫院。
利申：兩邊病房都有接觸過的人。歡迎dm
嗱，咩乜乜乜為你好就唔講喇，廢話黎嘅，講事實
可以唔入就最好唔入啦，無論邊間院邊個病房對年輕人黎講都係地獄黎架喇，不過點樣可以令到自己唔入去，就真係難嘅，始終你有OD底，俾其他人嘅信心比較低，點做真係教你唔到……如果真係點都要入，最好就自願入啦，入到去無咁差，起碼醫生姑娘睇到紀錄，唔會過多留難你，該評估時照做評估，覺得你ok自然放你出院……最大鑊係強制要你入院，到時對你好似如臨大敵咁，咩都用最重標準，少少差錯都唔會接受，評估果下會睇呢啲差錯評你唔達標要加監，咁你就堅慘喇
襯未夠18歲前睇好佢。
18歲之後嘅公立精神科record會留底，可能影響移民同考政府工。
幾年前入過去2個禮拜
頭嗰段時間係好難過，但之後同啲病友熟咗
大家成日講笑，傾偈，玩
都係幾開心的
入到去除咗悶，都冇咩特別唔好
仲可以幫你較返生理時鐘
我間中都會諗返起嗰2個禮拜
尤其是出嚟做嘢之後先明白
有2個禮拜比自己好好休息
係件好奢侈嘅事
只要唔好喺入面做啲奇怪嘢
例如 嘗試傷害自己/其他人
乖乖哋聽醫生護士講 其實冇乜嘢
有樣嘢我好記得，我平時唔點運動
出院嗰幾日 係我最辛苦嘅時候
行1層樓梯都唔夠就會喘氣
就算慢慢行平地 行一陣都會喘，要唞
但我入院之前
收工行成個鐘返屋企都冇嘢😹
想知多啲細節可以DM我
我仲好記得 逢星期四有雞翼食
簡單一句你去咩病房都係地獄
不過聽人講9E比較好 但係唔熟嗰啲姑娘應該都唔大分別
九龍醫院冇得玩電話，而且你16歲你係要俾人睇住沖涼，而且九龍醫院隔日沖涼一次，除非你有特別需求有皮膚病，去廁所唔會俾人睇住，但係你入去應該頭幾日都會俾人綁住腰冇得落床去廁所可能要包尿布，而且探訪時間係一至五2:45-4:45，星期六日就係10點到12點？我唔記得朝早嗰個詳細時間，晏晝照舊2:45到4:45 。而且未夠18歲唔可以俾朋友探訪，淨係可以家長探訪，本身成年可以家長探訪嗰陣時攞埋部手機俾你，但係好似之前有人犯規然之後冇啦，你未成年就完全冇手機，而且朝早得3分鐘打電話時間晏晝得5分鐘打電話時間，如果可以去聯合嘅話你就去聯合啦
睇完comment ，入左病情會唔會仲差左。試過去探病都覺得有d恐怖，可能比探監好少少掛
雖然我之前唔係入九龍醫院精神科
但其實每間醫院精神科都有分別嘅
我係入兒童醫院嘅
唔係間間都咁無情嘅
但九龍醫院精神科我聽啲frd講係真係地獄嚟架！
係咪都綁住你 沖涼又限時間 手機又冇🥲
時間好難過 仲將你個精神搞到加倍癲咗😭😭
我15歲（3年前）嗰陣都住過九龍醫院幾個禮拜，係地獄嚟
其實想捉你入院即係想你自願入院啦 你唔肯就得 如果係官判你強制入院 根本都無得你揀 問都無用
我入過青山7次 九龍就無去過 係因為情緒病同OD入既
未入過九龍，不過psy ward應該全部都冇得用電話，得探病嗰陣屋企人俾你嘅話可以用