📌 小弟今年中五，夢想係
共 68 條紀錄
小弟今年中五，夢想係做飛機師，請問有冇前輩或者師兄可以俾建議我吖，想盡快裝備自己但唔知可以點做🙏🏻感謝您！！！🥹🙏🏻
問問Daddy肯唔肯一百萬（淨係學費+少少生活費）/兩百萬（包生活費同大部分生活開支）比你揼落鹹水海之後仲有錢比你買樓比首期讀大學
香港冇得參軍，冇空軍出路比你揀
所以香港只有1.入因航Cadet 2.入GFS 3.比接近100萬買HKIAA嘅cadet博conditional offer 4.外國考CPL再返黎in DESO/直接唔好返嚟外國儲鐘做CFI再in 外國航空公司
Which呢度所有最難路徑最低成本係考因航cadet，so call唔使而家俾錢+直入major airlines
唔知你揀咩科成績如何，但係cadet 網頁講明英文 數學 物理要Good passes，如果有Degree係Advantage，ILETS要6.0 above minimum
如果你超級有父幹，而家叫老豆科水比你一中六畢業用超長暑假去外國學飛半年考個PPL又得，有成績直接入大學aviation Degree包考CPL洗球幾兩球又得
如果你超好成績但係完全冇錢嘅話，建議揀啲實際搵到食嘅科目，考返個牌搵夠錢再諗in cadet， 國泰好鍾意啲專業人士捨棄高薪厚職過嚟做cadet 嘅故事
續..
香港有2個途徑 :
1.去國泰考「見習機師培訓計劃」
優點:免費 缺點: 要一堆面試，入到嘅機率唔大
2.自費
優點 :冇咁大壓力，容易去到考CPL嗰步
缺點:預算 100萬+
Threads 好勁，一個帖
隨時引哂香港的飛機師出來
讀緊HD140師兄經過
要confirm自己真係鍾意先,
google搵下去珠海飛一轉,四千蚊40分鐘,你就睇得出自己鍾唔鍾意
講下我故事,小學睇衝上雲霄覺得好型所以想做,去到中三知道自己physics差放棄咗,去到中六先知原來係有hi dip有得讀揸飛機,然後就報咗
總共係讀四個sem,我喺第二個sem嗰陣自己買咗一堆flight sim嘢,結果玩咗半年就擺低咗
後尾第三個sem完咗上咗去珠海飛一轉,發現見到真飛機坐咗上去自己真係控制,其實麻麻地興奮
我諗我個故事就係咁多,作為一個唔係機師嘅,我只可以同你講唔好令自己後悔
(我中史地理,估唔到dse畢業地理啲嘢都仲用到💩(我係一個唔鍾意讀書嘅人,所以你都諗下你自己會唔會鍾意讀書
順便講下真正幫到你嘅嘢
1航空少年團(大部分airline嘅pilot都會推薦你,因為真係學到好多航空嘅嘢(空氣動力學),但我自己聽返嚟身邊後生嘅friend都會話,入面好著重紀律,基本上都係係咁步操呢個就見仁見智,btw航空少年團係有年齡要求同埋佢哋係間唔中先請一班
→續
2多啲接觸航空業/飛機,包括但不限於去博物館,去政府舉辦活動(消防救護學院會有open day,而open day會有飛行服務隊,香港機場有時都會搞唔同嘅活動,最近就見到有禁區五日遊,你哋參觀唔同地方
呢啲可以show到你真係有興趣
亦都可以令你自己知道係咪真係有興趣
更加重要interview可以畀佢知道你有去過呢啲嘢,你真係有興趣
其實一百萬唔難儲
如果國泰實習計劃面試失敗
畢業後就必須做一些可以搵到快錢嘅行業
例如銀行sales， 一路儲錢，一路向夢想進發！
另外護好眼睛
加油！！！
師弟 我只能幫到呢到， 8萬美金有找， 包考到去CPL, 之後學校再俾d學生你教， 直到1500hours.
BtW, 全部生活費另計
https://www.slingpilotacademy.com/
搭單問下，報CX cadet 係咪一定要有飛行經驗？有冇人完全冇飛過，剩係靠prep interview 而入到
出年中六限制比較大
因為今年Cathay I Can Fly已經due左
AIAT嘅話唔知你學校會唔會報
（贏咗可以去澳洲）
而且中六要DSE
學校基本上唔會俾你報呢啲嘢
讀U嘅話可以揀PolyU或者UST
冇記錯兩間都有Aviation Engineering或者相關科目
但要睇你elective 揀左咩
同埋你要諗吓自己係咪真係想做機師
有錢嘅話可以報住HKPAPA之類嘅活動先試吓
因為要做機師過程真係好燒錢
同埋最緊要去check Medical
如果色弱色盲應該做唔到
遠近視戴咗眼鏡可以矯正就冇問題
仲有啲隱藏疾病
高血壓心臟病嗰啲
https://www.hkiaacademy.com/tc/our-programmes/flight-training-and-engineering/professional-courses/flte1201-cadet-pilot-programme.html
機管局有個香港國際航空學院，我見佢有見習機師。（學費：85萬，包埋美國 or 成都8 個月既學費）
不過我唔係依個行業既人，可能要等行內人 comment 個認受性 (我估應該OK既，又係HKIA，又有CAD 背書）
小弟不才，唯一俾你嘅建議係，呢條路絕對唔短，係好長先岩，好多不同時間點都會有人失敗或放棄。所以邊撚個潑你冷水，包括你自己，都唔好撚理，有問題就解決，繼續做到得為止，加油🙏🏻
AAEP
YAA
參加呢啲唔係學到嘢咁簡單，仲可以識到一班志同道合嘅friend先係最緊要
見到有人share話可以去珠海飛
但我都想Suggest下不如試吓去澳洲飛呀，其實價錢唔係差好遠
澳洲飛一個鐘大概$2000港幣左右，咁當然你仲要計機票同住宿，但係我覺得都好值得去感受吓外國嘅航空文化同埋練一練英文嘅對答。
本身想講打飛機個啲廢話
點知咁多人認真比建議
加油呀樓主！！後生係要追夢架
聽講都會大學就黎開program
不過要百幾萬。。。
一球當然有得學，但市價真係唔洗一球嘛。如果你老豆老母生生性性早兩年拎左個加拿大PR，仲有少部份學校係「大學本科價」讀aviation tim。
唔洗錢既大把人講左，要錢（但唔多）既可以係讀外國牌既online ground school，其實都係幾千港紙有交易，平過曬香港批學校。
依家個互聯網好勁，你有心唔洗錢都可以學到好多野。
岩架啦，後生要吃多的苦，然後大左先可以吃更多既苦；醜小鴨長大左變天鵝點解呀？唔係因為佢努力而係因為佢本身就係天鵝呀；努力唔一定會成功但係唔努力呢？係一定會輕鬆架；比你有天份既人都努力緊，咁你努力黎做咩呀？
你好，大家萍水相逢以上係我身為人生前輩想俾你既少少建議，望笑納。
休息多啲 保重身體 一日唔可以飛咁多轉🤣
Btw 認真講一句 加油 立定目標 勇往直前🔥🫵🏻
我覺得你依家可以玩住MSFS嗰啲咁樣先，跟住之後嚟緊暑假參加HKIAA嘅嗰啲summer camp（我由form two開始每年都有去，去到而家F4嚟緊嘅暑假都會繼續報。）
另外可以同我一樣，apply I can Fly去攞多啲行內嘅Insight and knowledge （如果你冇apply嘅話31號deadline咗下一次應該係兩年後）
仲有attend多啲Aviaiton Related嘅Event 同埋識多啲Pilot。
我就唔係啲咩「成功例子」，但叫做同你係同路人俾吓啲意見咁解，亦都會話一路上好多你講話冇可能又話唔會做到，但講真嗰句啊，香港有接觸了解到呢一個圈子嘅人有幾多？keep住你自己嘅passion and I believe we will meet each other in the cockpit someday 🙌
坊間有d 咩program 或者course, 好多人都講左喇，我就唔重複。我個人覺得比較有用嘅係，識返d同道中人，差唔多年紀又都想做機師嘅，大家一齊努力，互相幫助，咁會快好多。另外，要識d行內人，啫係識d現役嘅機師，深入了解下份工實際係做咩嘅。
加油
讀書的話選擇好多
IVE/CCCU/HKU SPACE/HKCC都可以考慮但
千萬千萬要英文和數學底子要夠好
其實你入到U 成績唔太差 係Yr1-2認真讀PPL內容 飛一次 準備下面試技巧 可能已經搞得掂
當年prep識3個係大學未grad已經入左去cadet
當然前題係你真係喜歡飛
利申我未喜歡到會想做飛機師
留意下國泰幾時搞I Can Fly
識下啲同樣對航空有熱誠嘅朋友仔
唔好自費考CPL
唔好自費考CPL
唔好自費考CPL
如果最後做唔到真飛機師🧑✈️，上嚟做threads飛機師✈️
https://careers.cathaypacific.com/en/careers/jobs/hong-kong/cadet-pilot-programme-29631
祝你早日夢想成真
之前參觀過航空公司同機場 佢哋都有講過要點先可以做到機師 要岀國讀 考牌 預幾百萬 好似差唔多真係要300萬 所以認真其實屋企唔可以輕輕鬆鬆一次過攞幾百萬出嚟嘅話真係唔好考慮
首先唔應該上網問未做過既人，搵個飛機師老媽問下都make sense d
讀好啲書就得，唔好聽啲人講話要用幾十萬去讀去考CPL，嗰啲人呃鳩你，讀完都唔會有航空公司請你。
參加空童軍先 air cadet
再睇吓係唔係真係咁有興趣
約個朋友，然後唔出現，即刻做到飛機師
不過如果想揸飛機，首先你要有錢去學，然後英文要好，最好有理科底，畢竟空氣動力學就係物理
學好英文，強化聆聽力，還有 你最好必需生得矮，還有數學 計佢條數 真係唔易