小弟今年15，由有記憶起已經住喺新界比較偏僻啲嘅私人屋苑，距離市中心都要20幾分鐘車程，加上小學同而家中學都喺九龍讀，所以基本上冇同學/Frd住喺我附近。
其實我睇Story見到公屋都幾多Mk仔Mk妹，成堆Frd一齊玩其實都好似幾正，有啲羨慕佢地可以每晚食完飯一落街就可以見到成堆Frd一齊玩一齊做D On9嘢🥹 反觀我自己食完野落街，喺屋苑入面嘅公園同球場都基本上無人，就算有都好少係同齡人（我個屋苑20幾座已經算大）💔 仲有我唔知點解覺得私人屋苑啲人好冷漠，唔似公屋嗰啲咁熱情，我自己覺得公屋成個Vibe都歡樂啲有故事D。
唉希望我下世可以有個住喺公屋嘅童年，識一班同齡嘅鄰居，每晚食完飯都一齊落街玩🥹🥹🥹
心態幾好 二世祖好好善用幻想不務正業
呢世都可以好好過 就住老豆副身家敗
得閒嚮threads鳩講幾句刷下流量 寫意👍
小學真係會 不過都好睇人 我記得我細個自己落公園玩會比人恰 有啲童黨都幾惡下
記得以前同層既細路會一齊玩 大家開晒門跑黎跑去
升左中學就冇喇 都係同返啲同學玩
其實冇乜特別。。。
真係呀 個鄰居仲早十零年搬走埋😞
近幾年先聯絡返一齊玩🙈
睇落去好正啫。。。中學忙咗之後呢其實大家就算喺同一個屋苑都好少見到
小學差唔多日日都喺屋企樓下個公園度一齊溫書一齊食嘢、中秋節大家仲約出嚟睇燈飾。升咗上去中學人影都冇，唔係溫書就係打機 約出嚟打都費事
突然諗起我13歲時候
我屋企都算中產 父母專業人士 讀津校
同學真係好平庸 有人住屋村 亦都有人住九龍塘
我哋放學行下潮特買下野 冷麵自由斟自由
直至識咗班IS嘅朋友 我先知自己身邊嘅人幾咁窮
有一日屋主去咗旅行 個女係赤柱自己house開P
有過100人去左玩 間屋亂到飛天就不在話下
但就誇張到13歲自己偷阿爸架車匙夜晚去買酒
然後班人飲醉酒拆咗neighbour架法拉利車牌
呢個童年回憶 對於我呢啲平民百姓簡值畢生難忘
之後我就順順利利去咗美國讀書 join埋frat house😅
當你住公屋，5、6人屈喺3、4百尺，得間板間房甚或你張床就喺個廳果陣，你又唔會咁諗😂
你搭𨋢落公園獲得一班住得近嘅同學同時，中隨機附送自言自語嘅黐線佬、垃圾屋居民、一路行一路打仔嘅新移民或者周圍屙尿嘅阿伯😂
🫂
同樓主一樣、由細到大住將軍澳小學返黃埔中學返何文田、以前每日朝早遲過6點半起身就會遲到之餘基本上從來無得喺空閑時間同朋友玩
我到宜家22歲人一樣搵緊方法彌補返童年
作為過來人想同你講呢段孤獨嘅經歴絕對係人生嘅寶物
人地玩緊嘅時候相反你會有好多好多空閑時間鑽研興趣、反思人生、呢啲唔係個個人嘅人生都有嘅過程
喺呢個青少年空閑時間嘅投資亦絕對有能力影響你嘅將來
當然我都理解比起呢啲野樓主係羨慕人地有得成日同好朋友去玩、一個人摺埋都唔係真係啱每個人
好在宜家有IG有Discord、即使無得面對面玩但相信你朋友仔都唔會嫌棄同你一齊打機嘅
🫂 You are not alone
🫂🫂🫂真呀，唔記得講埋添每朝6.幾起身真係好辛苦🫠
中學生喺學校玩夠先返屋企咪得，就我屋企嘅跨區返學，係屋苑冇識同學，除非同區讀中小幼。感覺而家啲中學生返咗屋企就唔會再出街，喺屋企黐住個電話已經搞掂
但係好似如果喺自己邨或者自己嗰幢識另外一堆新嘅Frd又同學校D Frd唔同，即係社交圈子唔會限制喺學校😭❓
我同你差唔多，都係住比較偏僻嘅私人屋苑，我坐巴士去市中心都要半個鐘，繁忙時間可能要九個字添，無論係去補習定同朋友出街都要搭好耐車
唔關私樓定公屋事，你主要係住得離你學校遠，冇同學住附近所以冇人玩

小學雞住私樓，有幾個同學係住附近，一樣會約埋放學一齊去玩
細個好多同學住公屋，直頭唔想俾人知自己住私樓。細個身邊冇人玩game gear，要阿媽買多部game boy。細路就係鍾意融入朋友圈子，唔想特別唔同。
其實你要學識欣賞自己擁有嘅，好似住公屋嘅獨有自豪感，才令你有而家嘅錯覺。
細個住單棟私樓...係條街掘頭巷...細過會落樓下周圍爬山坡仔...踢足球打乒乓波...
住公屋都未必可以隨時落街玩啦，啲小朋友讀津校，日日六七樣功課又默書又評估又考試