尖沙咀海港城臺北棧
#食物中毒？

你好，

我係臺北棧負責人 Jacky。多謝大家關注，關於今次食物安全嘅問題我哋非常重視。我已即刻到兩間分店，親身同廚房管理層檢查所有食材儲存同衛生措施，特別係「髒髒鹹蛋黃芋泥蛋餅」用到嘅原材料（芋泥、鴨蛋、蛋餅皮、鹹蛋黃、紫薯粉等），全部已確認符合食安標準。

我明白見到相片會令人擔心，懷疑係發霉。為咗回應大家嘅疑慮，我拍咗一段無剪接嘅簡單短片示範：紫薯粉遇到水分或蒸氣會即時變藍。外賣盒因為密封，熱氣會積聚成水氣，部分位置嘅紫薯粉被濕氣沾到就會變色，而其他位置未必濕，因而出現不均勻嘅藍色斑塊。發霉一般需要較長時間，而我哋日常食材流轉快、每日開檔前亦有廚師檢查所有食材，變壞嘅機會相對低。而聽到樓主分享如果係3個鐘後先食用，外賣盒入面嘅水分應該會極度大量，所以賣相變質會更加嚴重，希望諒解。

我可以向大家保證，我哋一直對清潔衛生同食品安全有嚴格要求，並長期維持非常高嘅標準（大家歡迎查看我過往分享我哋日常廚房清潔及衛生嘅影片）。為避免類似情況再發生，我哋今日早上已暫停外賣供應該菜式。

再次向樓主及關心嘅客人致歉。如有任何疑問或需協助退款安排，歡迎直接DM我。🙏

大家好，

再次介紹自己，我係臺北棧創辦人 Jacky，多謝大家關心，想就今次事件同大家交代清楚所有事實上嘅細節。

首先，多謝樓主願意同我直接私訊溝通分享，將事情始末澄清前，幫助我哋了解問題來源。以下係我同樓主核實後嘅情況與說明：

1) 樓主確認係喺我哋餐廳堂食用餐，當時出餐期間並無發現任何品質問題，佢已經食咗大半份蛋餅，淨返少量先打包帶返屋企。樓主亦表示之後並無食物中毒或身體不適，呢點我哋特別關心。

2) 樓主係打包後大約 3 個鐘先拍片並上載，所以我哋有理由懷疑好大機會因為長時間放置係唔穩定溫度環境底下令蛋類製品變質嘅風險會增加。最初我哋以為係叫外賣平台嘅事件，所以先解釋紫薯粉遇水變藍嗰個現象；但了解完整過程後，我哋認為放置時間長係一個重要因素。蛋類屬高風險食材，建議盡快食用或按適當方法儲存以減低風險。

3) 我哋對食材與衛生管理一向非常重視。我已親身到分店檢查食材儲存與處理流程係確保正常，並會把今次事件作為檢討重點，檢視我哋樓面培訓與客人溝通上關於外帶嘅指引，必須提醒返客人某些食物請盡快放入雪櫃儲存或不建議打包之後食用，確保類似情況盡量減少發生。

補充（以上字限關係）：

為咗回應大家關心，補充少少食物安全常識：一般建議煮熟食物應於 1–2 小時內食用；若室溫、潮濕或炎熱環境，放置時間應更短，避免細菌在 7°C–60°C 的「危險溫度範圍」內快速繁殖。希望大家打包食物帶走時多留意食用時間與儲存方法🙏。

再次感謝樓主大方地同我溝通後達成共識，亦希望大家唔好再過度猜測/批評或散播負面留言。多謝大家包容同理解，我哋會繼續努力做好我哋餐廳嘅每一個細節。🙏

完美示範一個好嘅PR應該係點🙏🏼 唔該其他餐廳學吓

同一隻手套可以 除左接觸食物外，仲接觸其他咁多用具， 發霉都係遲早的事， 真係你食埋我果份了，

認真呢？咁都唔係發毛？

因為見唔到實物，唔肯定有無變壞，但係紫薯喺烹調過程中係有機會變色的。紫薯煮熟咗會變色嘅原因係因為佢含有豐富花青素，花青素喺唔同酸鹼度嘅環境會有唔同顏色，𠵱個係正常嘅物理現象。花青素喺酸性環境呈紅色，中性環境呈紫色，鹼性環境呈藍色或者藍綠色。就等於蝶豆花飲品有唔同顏色一樣，都係利用酸鹼度嘅不同，去令到花青素變色。

係會變藍色，但唔會生毛毛呀

生產過程
逐格體
你嘅全能手套
究竟接觸咗幾多樣
烹調物品？

負責人Jacky
請你同我講
食物上面嗰啲係乜嘢

😰😰😰😰😰😰
😡😡😡😡😡😡

老闆都好關心我身體健康，並且詳細解答我問題，同埋都真係堂食時間同翻到屋企都冇肚痛之類症狀，蛋餅堂食都係好食㗎我先食唔曬都打包翻屋企，好老闆👍🏻
我再解釋小小其實我從頭到尾都冇講過確定是發mo，我見到驚都係發出來希望得到答案，到目前為止都未有刪帖亦是希望老闆在足夠的流量下可以有地方解釋，祝大家都生活愉快，感謝所有人的教學🙏🏻☺️

食過你哋餐廳幾錢，每次都好滿意，相信你哋🫡👏

唔開心到手震😂好慘。無妄之災，事主嘅鄉音又中咗個流量密碼。無知又唔可以去告佢誹謗😅自己承受，真係溫柔。

建議啲人自己買紫薯粉整野食試下，有水份分分鐘未整好已經變色一忽忽😆

能重現嗎？

擺左幾日😂

變色嘅片喺邊？？？？
反駁咗啲乜

最尾後邊呀 佢煮好咗之後加咗啲水落去就變咗藍色

好污糟:千年手套 touch everything and food
好唔prof: 麵粉刮當煎剷

個坑渠乾淨到😨

店舖已開3年多，仲係好似全新一樣
我哋真係清潔得分分鐘比酒店要求仲高

同埋重點：我哋廚房除咗洗地嗰陣時，其他時間都係保持乾嘅狀態。呢份執著其實係我哋作為廚師最基本嘅原則。

第一份係返廚房 你櫃門 坑渠無油蹟
依啲野扮唔到👍🏻👍🏻
會搵日黎幫襯 加油👏

啲雞蛋有冇洗？見用同一對手套做晒所有嘢😂😂😂

我明白你想拍片,證實你煮嘢好安全, 但係你解釋唔到點解佢會變成咁嘅樣喎🤔

夠薑就回收攞去化驗下係唔係霉菌

解釋得好清楚，有埋video proof又主動同分店follow up
其實你如果由頭到尾冇做錯嘢，根本冇需要道歉🤝

你對手套摸完生雞蛋殼又走掂d餅，好嘔心

其實平時食其他舖頭啲紫薯手抓餅加蛋，叮返熱有倒汗水都係會變咁嘅色。咁啱呢間野用紫薯粉咪搞到藍色嗰度似一粒粒咁…

你餐廳係我拍咁多間最乾淨嘅其中一間😀。

3個鐘就會發霉？呃細路哥就得

笑死
好多打手進場spin走個重點，係咁講變色🤭🤭🤭
Dllm而家講緊表面d霉菌呀

本身個食物上枱原樣係咁，事主打包咗三個鐘先係條片個情況，你咁肯定三個鐘就會發霉？閣下係邊間大學微生物學專家？

證明什麼？係真發霉 非變色 當大眾眼殘？
隻手周圍摸 又摸雞蛋殼（有沙門氏菌 大腸桿菌） 然後又摸食物 遲早搞到顧客食物中毒。麻煩去考個ISO2000先做廚房

個個考iso2000先做到飲食，你地真係吾洗食。做得飲食有幾多個係高學歷呀，高學歷都吾做飲食啦，貪辛苦咩

與時並進啦！
老既可以唔強求 後生既要考iso2000囉
唔通 每一次要發生事故or疫情先可以改進人既觀念？有先進既指引為何不參考呢？
片中 聽把聲 兩個都係後生既 。 個萬能手套 摸東摸西又摸食物是真的不OK 不要死撐啦！

Respect一鏡到底
但點解唔直接紫薯粉加水

我自己都有餐廳，我知道廚房係點
但係你都拍片啦，不如試吓拍嗰條新片：
開櫃門嗰對手套唔好用嚟掂食物

熟食沾板不是用白色的嗎？

我有問題， 你點憑肉眼就可以斷定材料符合食安標準？ 人地都攞去驗下， 你睇下就得？

蛋白係鹼性，紫薯既花青素碰到鹼性會變藍綠色。
我有時早餐蒸紫薯加隻洽蛋，隻蛋就係會變咁既綠色😂
同埋我睇張相白色個部分係餅皮底，紫藍綠色先係上面突出黎既紫薯粉，毛毛似錯覺多d😂

我用紫薯黎煲番薯糖水都試過係咁 成煲野藍綠色😂

Not persuasive enough

一下摸瓶子，一下摸冰箱。一下摸雞蛋
你帶個毛手套啊⋯看用剪刀剪東西很躁
不會拿🔪切一下就好？？事倍功半

有負責人出面解釋，亦將可能有問題嘅食物下架，而條片入邊廚房算可以接受，為屌而屌做乜。
其實外賣食物本身就好易出事，呢種菜式建議唔好做外賣，凍左都唔會好食，你更加唔會知個客擺得太耐定真係你啲食材出左問題😇

吓🤣🤣🤣咁都唔係發霉🤣🤣🤣🤣

樓主話上碟係咁㗎，幾個鐘冇可能發mo la

發霉吧。。可能要拿去驗一下

接受有誠意嘅回復😍

下?

點解唔直接叫煮開嗰個人煮，你拍片，而要一路教你點煮，但條片嘅紫薯粉又落喺裏面，係咪即係落喺裏面但幾個鐘後會成舊變色😖

負責人回覆有禮又有心，等我下次都入去試下先，我見開心果躂幾正。
有心的店要留啦！各位趕人都唔好趕返自己香港人

如果好食，Yoho mall點會執，真心唔好食

塊砧板咁多刮痕，係時候換

又開櫃又拎皮 實乾淨啦 😌

PR正確示範 關公表示讚好