就黎三張，開始有年齡焦慮
見到身邊好多同學唔係考到警察
就係結婚生仔
再唔係就係keep到自己個樣好好
再唔係就係見到去旅行麻痹自己
就覺得人生唔知為乜嘢
好似好頹咁
呢個年齡層，又買唔起樓，又結唔到婚
又冇一份好好嘅工作
大學畢業之後，好似同當年自己嘅理想背道而行
出咗嚟社會大學之後，完全比呢間大學打沉咗
唯一願望就係希望屋企人健健康康
其他嘢一啲都唔敢奢求
如果你唯一願望係希望屋企人健健康康，咁你就唔會有年齡焦慮…
人大咗覺得活得開心，係重要過其他人眼中嘅「成就」同「順利」
澳門做警察係光宗耀祖 曬命 因為佢哋人工高過我哋好多 btw我唔會想考
考到警察就等於人生贏家？
咁你都短視左啲，我識大部分入左去做都好後悔自己固定左自己嘅未來工作
其實我好怕d人成日講：你搵到份好工梗係講得輕鬆
人比人，比死人
你羨慕人地搵到份好工、 結到婚生到仔，其實人地只係目標明確，知自己想要乜。
份工好唔好，其實係自己點睇，敬業樂業，我唔知你地呢代仲有無讀過，但我同意人生最苦係你自己都睇唔起自己份工作。
佢為死老野， 唯一建議係唔好比較咁多，唔好睇死自己，積極做好自己要做既事，好運就自然來。唔你條命唔係大富大貴，就做好自己嚟積福，你有努力過、欣賞自己既努力就足夠。大學只係一個入場券，之後點行，其實係睇你自己對人生領悟同生活態度
搵到自己既position 最重要，你唔係果個lv, 就唔好同果個lv 既人比
我當時就係好有plan，plan好曬自己發展，但人係唔可以plan定，每一步都會有意外，依加份工唔會有上升空間，出面既市試曬都唔得，我算係比上不足，比下有餘，但都係好頹。
我個人唔會睇太遠，你呢一刻覺得份工無發展，唔緊要，你只需係原崗位繼續做好，睇下仲有無學習空間, 一個職業生涯，第一年係學崗位工作，第二年係溫習+思考改進，第三年係用自己方法做得更好，你無做夠三年，都唔好講你已經好了解同更新你經驗
真正要考慮係第5年，你係原崗位無再一步進展，你就要考慮轉工。但期間，你一定要有一定程度進步，例如：進修、崗位增值（崗位不變，但工作內容有提升，包括帶新人、管理或主導project ）
呢個係個人建議，唔認同可忽略