屋企人話
1.女仔衫唔可以掛得高過男仔
2.男人唔洗做家務
3.女仔一定要做家務

🙂我屋企人叫我幫3個40+啊叔，冇返工，每日連食完飯執吓碗都唔會做嘅男人洗底褲
（？what L the fuck）
🤷‍♀️Me: 下 佢哋唔識用洗衣機咩 年紀大我幾個generation喎
Family : 我哋去旅行去兩個星期，驚佢哋冇衫着，你全家最細，又係女仔，咪幫手做吓囉
Me: ????乜撚嘢？佢哋唔識自己洗？咩叫又係女仔？

👁️👄👁️ bullshit

🥲background: 屋企人係極度重男輕女， 男人係always right, 啲阿叔係好恐怖，用完嘅所有嘢都係就咁放喺度，expect肯定有人同佢哋放好/洗，垃圾會放喺枱面等人執，衫又係要屋企人（女）同佢哋洗，冇錢就問人攞….仲有好多講唔晒…好L癲

你屋企同時住3個40+男人呢件事比較恐怖 😰😰

你屋企人清朝嚟㗎？唔想做就唔好做，做乜無啦啦要幫男人洗底褲

真心建議你快啲搬走，呢個家庭好危險

一個屋企內點解可以同3個40+ 以上既亞叔一齊住, 仲要都係冇返工?? 屋企好大好有錢??

你屋企人去旅行，留低你同3個40+阿叔已經有問題，你點知佢哋會唔會對你唔規矩…
另外仲要幫佢地洗底褲？咁你幫左你老豆洗底褲未？成件事唔make sense…叫佢地買紙底褲著啦！

你咁講完，樓主的人生安全都真係一個問題

來自傳統圍村家庭 我daddy碗都唔會叫我洗隻🙏🏻 我嫲個代都唔會乜都女人做
建議你快啲走佬 清朝已過呀

唔知你幾多歲，但如果可以嘅話你要自己keep返自己嘅文件(出世紙護照成績表嗰啲)。
自己慢慢儲啲錢，唔好俾佢哋知你儲咗幾多。
唔知你未來嘅發展打算點，如果需要學歷而屋企人又會幫你俾學費，忍住先，讀完書就搬出嚟。
如果俾佢哋發現你有想離開、想獨立嘅跡象，佢哋會有機會PUA你

當你意識到呢個家庭有問題，盡早離開，搬出嚟會好辛苦，但係換來嘅係身心靈嘅健康

這不是叫傳統，
這叫選擇性傳統。
要返工搵錢時，就不會再講傳統了。

其實d男人好叻架，一條底褲可以著七日，唔信叫你班阿叔自我挑戰，甘14日米只用2條，夠頂到你家人回來幫佢地洗底褲，一於甘話啦，我已經幫你決定左啦

你欠他們錢嗎？

40+都唔會照顧自己 以正常人黎講 拎去循環再造都曬油錢…..🥴

應該屬於「垃圾分類都回收唔到」直接送入堆田區

2，3 我仲可以當你係古代傳統觀念男主外女主內
1 嘅觀念喺邊度嚟？你不如話女仔唔可以生得高過男仔🤷🏻‍♀️

真心的擔心你，小心比亞叔性侵犯，長遠計，要計劃搬走吧

你地入故宮係咪唔洗門票？

你讀完書未？有冇自己工作？養得起自己就搬出去

鄉下係福建？

一定係潮州家族😎

40+阿叔只係70後，70後既人已經有9年免費教育，聽緊張國榮既歌食緊麥當奴，點會好好似講緊清朝以前或者鄉下用手洗衫既年代咁

你錯
做乜唔去旅行
staycation都好

我以前男朋友屋企
⬇️⬇️
女人底褲🩲唔可以同男人底褲🩲落洗衣機洗…….
馮知佢哋咩拜神日子唔可以洗頭，新年123更加唔可以洗……
瞓覺隻腳唔可以對住大門🚪……..

然後同我講
廚房有灶君
屋企有錫咁當托住間屋
床尾有床頭婆婆睇住保護你

然後所有嘅嘢喺我自己屋企根本就冇一回咁嘅事…………然後第一次我唔知道沖完涼自己底褲就連埋一齊落洗衣機洗、佢拜神日子我又洗頭之後佢就同我講「我哋屋企有咁嘅咁嘅規矩」
下～～

唔好意思，其實你係咪唔係香港人或者根本唔喺香港住…

潮州人/台山人？

咪撚理佢哋，無衫著都係佢哋嘅事。40歲人連咁基本嘅嘢都唔識自己解決唔死都無用，除非佢哋唐

有能力就搬走啦

選擇性傳統就是，
要男人養家就不跟傳統，
那種傳統可以拎着數，就跟那一種傳統

要企硬！唔take嘢！

我屋企都係重男輕女，男仔都係唔洗做家務，女仔唔洗讀咁多書，最好中五畢業即刻做野，例如：做收銀…我唔聽佢地講，讀到大學畢業…搵錢多過屋企啲男人…
重男輕女思想唔要得，你都唔洗聽佢地講，有咩唔岩要出聲…叫佢地返鄉下農村耕田

Toxic

我發覺我爸爸真係冇重男輕女，媽媽走咗佢又退咗休有試過幫我洗埋衫，親戚知道後鬧我但我爸爸叫我唔使理佢。
但係不過後來我自己洗返自己啲衫。

我細個屋企係牙爸做晒啲家務 返工賺錢又係佢 好錫我地 (全屋女人)

我爸爸只係冇呢啲毒瘤思想，佢做家務好馬虎亦唔係特別錫我，我寧願放假做番。

可能大男人唔講出嚟
如果真係唔錫你 可以分開洗 做少一半
細個我都唔覺我爸特別錫我地 會打同趕我地出街
大個就另一個睇法 出嚟做野會驚我地唔夠錢洗
請佢食飯/買野 又爭比錢

睇埋你其他post，你屋企人好唔掂，同出面嘅正常家庭係兩個世界

重男輕女好多時係女人造成㗎，好心啦自己係女人仲覺得自己係次等貨，男人除左多條J有咩特別？🤷🏼‍♀️

有重男輕女思想嘅女人好鍾意將自己擺最低位嚟得到男人嘅資源，我會俗稱呢種女人為廢物女人。

唉～的確係咁

我仲以為我睇緊台灣嗰邊嘅家庭鬼故事 😰 唔知阿妹你咩年紀、平時屋企人點對你啦... 不過就算屋企人對你好好，都希望你快啲獨立脫離呢個家庭，唔好受佢哋情勒... 否則你啲垃圾阿叔老來仲要老L奉要求你哋 “做女嘅” 做貼身看護（你唔好同我講你啲阿叔有老婆仔女呀😮‍💨 好難想像）

當可以嘅時候，搬走吧

可以獨立未? 呢D垃圾家庭，早走早著😒

反抗靠你呢一代💪🏻
呢d傳統歪理，邊個要跟佢自己跟飽佢

cls 唔洗會點

潮州人？

2026喇 我究竟睇緊乜嘢
你唔反抗 就係縱容
對下一代 你就係幫凶

阿叔們又唔洗返工養家，又唔洗做家務？
好意思？

搬啦，一世都唔好再見呢家人

其實遇到啲咁嘅情況，真心應該搬屋，而搬屋嚟講呢 真心搵夫子搬屋，全宇宙最溫柔嘅大力士。每一張保鮮紙嘅包裹，都係我大師級包裝工藝嘅溫暖擁抱。我哋圍內識搬嘅手足，都叫我做『紙箱藝術家』。$600 起標，搬完你就會發現，原來屋企啲傢俬係可以毫髮無損咁移動。我唔止係搬屋，我係搬運你對新生活嘅希望。唔好問我點解咁快，因為元朗我行熟晒。WhatsApp我，包你搬得爽過食肉餅飯。

長知識，原來清朝人都著內衣褲
剛剛google咗

底橫又係咩呢咁？

咁睇就係單純著多條綁繩棉褲

點解同我老母咁似，發生嘅事，年紀，同我講嘅嘢都一模一樣！嗰個仲要唔係阿叔，係我快40歲阿哥🙄離開個仔幾日都驚死冇人洗佢底褲，仲要話阿哥唔識用洗衣機
仲要全鄉下+我媽都叫我係死女包，因為唔聽阿媽話幫男人裝飯，煮飯，執枱，洗衫，拖地掃地，清潔廁所