屋企隻貓貓日日食玩訓
皇帝級服侍，有生肉食
有日無啦啦尿道炎
痾唔到尿，一痾痾血尿
嚇到我即刻帶佢睇獸醫
醫生同佢講壓力大，我都唔知邊度壓力大
又無搬屋又無裝修，又唔係有陌生人上門
我返工日日俾人屌仲大壓力
睇左兩次獸醫，keep住食藥，食處方糧
使左10000 up都無改善
我而家望住佢都壓力大，我係咪可以尿道炎
各位ching有咩方法減輕到我壓力？
有冇睇第二個醫生？
我隻貓一開頭血尿 醫生都話壓力大
但結果睇第二個醫生做齊驗血超聲波驗尿
先發現係有結晶
同醫生討論完 總結問題係出自於飲唔夠水，貓砂盆冇定期清理 同埋太細 令到佢忍尿
最後按醫生介紹嘅方法
醫療方面：食尿道糧 消炎藥 放鬆膀胱藥 膀胱保健藥 每日堅持俾佢充足水份（好多貓都唔自己飲水 我就後來堅持用三mL嘅針筒慢慢餵）
最後複診就冇事了
另外我見到你有帶貓貓出門沖涼 句嘢都可能係壓力原因之一
隻貓如果唔鍾意沖涼，通常都唔逼佢沖 最多用清水洗下手手腳腳
同埋多啲梳毛 去油
要當佢透明,唔好成日望佢,接觸佢,抱佢,你成日喺屋企都會令佢製造壓力,疫情嘅時候多咗好多貓尿道炎都係因為啲主人喺屋企😪
有尿石嘅成因多數就係唔飲水同忍尿
而唔飲水同忍尿嘅成因 就多數係你屋企嘅setting唔合隻貓心水 統稱壓力大
我地人類成日覺得自己已經對隻貓好好點解佢仲壓力大 其實個道理就好似亞洲老母嗰啲為你好咁 未必係個細路想要嘅嘢
所以要學習點養貓係好緊要的
照左超聲波未？確定無石先可以考慮係其他原因。
大多數情況下，尤其男仔，都係結石/晶石多過乜鬼野壓力。
每日宣揚一次，唔好食凍乾唔好食凍乾唔好食凍乾。會生石。
我隻貓貓而家都系咁
佢挑食全部都貴罐罐同奇境乾糧
一月尾先第一次，而家又泥過🥲🥲
醫生都話要轉處方糧了
我哋都5知點餵佢飲水，我哋濕糧溝水之後要用匙羹🥄一匙一匙咁餵
鮮食佢只會食蝦🫠🫠
我果隻最近胃口差左
帶去睇獸醫檢查左一輪
都係判斷係壓力
我估我呢隻壓力來源：
新年多人黎屋企
窗出面成日有雀
樓上裝修嘈音
結果最後妥協
本來得廳有插電feliway
依家房都加多個
一屋兩個
禁止外人入屋 😓
屋企主子之前都係有血尿，之後發現咗有個pattern係只要無人係屋企，然後我哋返屋企嗰下先會咁 (自己兩隻貓貓獨處全日係無血尿)
後尾睇咗好多資料同片同blogs先發現原來有機會係分離焦慮症，之後我就每次返屋企都讚佢用啲時間陪佢玩，出門唔講byebye講goodnight，隔咗一星期就無事了！
每隻貓貓唔同，但係都想share下俾你知多一個參考🫶🏻希望你貓貓早日康復💐
食hills cd stress，濕糧更佳，裝貓樹同每日勤力清貓沙，不需要洗澡除非有外出，他們本身就會清潔
Same😺有食獸醫糧有加汪喵減壓supplement但都間唔時唔知點解發生🙂↔️其中原因我懷疑我主子唔中意突然天氣變潮濕…
避免做佢唔鍾意嘅事例如沖涼。有哩啲UTI episode我會用埋feliway diffuser，最重要係安定主子情緒😺唔開心好易UTI血尿
我之前預約左貓咪行為治療師，consult完做左一系列調整之後就改善左，血尿通常係情緒問題
俾猫聽頌缽，舒緩到壓力，聽聽下會訓著。
試過3隻猫係咁。
呢個情況可以係膀胱結石(成因可以係基因、糧唔好、飲唔夠水)，結石通常有菌，啲菌同石就係屙尿有血同屙唔到尿嘅主因
快啲揾過個醫生照一下膀胱超聲波，confirm到有既就睇下可唔可以做手術盡快拎出嚟，我個女個醫生話尿道糧只有一半機會慢慢溶到粒石，但粒石溶到咁上下就會有堵塞尿道嘅風險，所以我最後決定做手術，避免食全餐，做完手術好快就乜事都冇(但好唔好做手術都要睇返你隻貓本身嘅condition同年紀)
如果需要推薦醫生既就話我知💪🏻
會唔會有結石？我隻貓以前都試過，醫生只係開d抗抑鬱既藥，之後都係多飲水 或者比蔓越莓之類既補健品佢食 冇再有過
同樣情況 後尾買咗寵物用蔓越莓粉 利尿 你都可以食定啲🤭
其實係咪你本人壓力大，貓貓/寵物感受到主人情緒。之前我貓貓尿頻又血尿，我好緊張佢就一路唔好，睇醫生都話唔係身體問題，之後我唔理唔望佢，自己睇吓電視放鬆吓，佢要屙嘅時候就唔好衝埋去望住佢。
半日就好咗。
佢嘅壓力可能就係嚟自你嘅壓力？！ 貓貓同主人有連繫的，你心理狀況佢哋會感受到，放鬆啲～～
我個隻一開始都係咁 但照完發現有石 最後決定做手術拎出來
印象中都係唔好咁雜食。利申：養過十幾廿年貓。體質一隻隻架ja，有D雜食都冇血尿問題。
係咪改過啲糧？我以前養開主要俾餅餅，幾年後我想改食主食罐同蒸雞諗住好啲，結果我仔就係尿道結石要做手術，醫生又係話壓力導致，後來回想返我就係改左啲糧，後來醫返好我放返餅餅係度任食，佢就touchwood無再復發
聽聞大力索貓腳可以減壓，你索哂四隻腳
專業意見請收看其他，樓主加油💪🏼💪🏼💪🏼
“我都唔知邊到壓力大” 俾你隻貓聽到呢句一定好唔開心😞
有冇再覆診？
我之前隻貓都壓力大🤣 🤣醫左兩個月洗左$25000，結果生埋結石，後尾轉睇另一個獸醫，住院三日，插尿喉，出院後食藥同開左新處方糧，就慢慢好番
我隻貓之前都係咁
屙唔到尿睇醫生話佢壓力大
帶佢行山之後就減輕左壓力屙到尿🫠
會吾會貓砂問題 因為有d貓仔會插jj落貓砂尿尿（我都係睇其他人講會特意留意 的確有d會
我之前隻貓睇醫生
都係話自發性膀胱炎(即係壓力大)
跟住過左個幾月都唔好
睇另一個獸醫 照一照
發現原來有結石 雖然全部都細粒
但因為咁塞住左一部份尿道
最後都係要打麻醉做手術
所以最好去睇多個獸醫 照清楚穩陣
Hello, 可以試試我地產品啊！針對泌尿問題，可以試試我地Urinary+ Care , 仲攞埋SQF Level 3 國際驗證，我地岩岩先將佢帶黎香港！
https://pethealthstation.com/products/貓咪泌尿道守護配方-urinary-care