屌，好L驚，屋企門口被人放煙頭同埋釘，放到好L端正，貼埋一齊，好似同我肅立咁。
係被人做記號定係我諗多咗😭近排屋企得我自己一個

建議大門內裝多幾個鎖頭，屋入邊可以多重反鎖，淘寶拼多多好多好平，急嘅話落去五金舖應該幾十蚊。安裝嘅話要用電螺絲批，可以叫有整過嘅朋友幫手，都唔係太複雜，係10幾分鐘之內嘅事，安裝之後會安心好多。你甚至可以裝防盜感應器，夜晚臨瞓之前開着佢，如果大門俾人郁就會即刻響。

離開屋企之前開電視大聲少少，最好係開YouTube有啲人講嘢，然後按Loop。啲燈唔好熄晒。裝CCTV容易有拗撬，要同管理處同埋隔籬鄰舍溝通清楚。

屋企入面可以裝CCTV影住自己大門口，門口附近放鈍器，例如短身嘅棒球棍，水喉通，厚身嘅鐵尺，長木棍之類。其實主要係俾啲信心你，等你覺得自己唔係手無寸鐵，必要時可能夠你一命。

呢幾樣嘢係我住喺外國多年學返嚟嘅Home security basics, 希望幫到你。

Thx😭😭好有用嘅意見，擺定左個鎚仔係房

最好床頭有一件(我會建議係戰術電筒，都係淘寶或者鴨寮街幾十蚊)，屋企大門口側邊有一件 (中型鈍器，上面我講嗰啲)

裝C C T V係會影響憐居
CCTV向住自己大門或開門的玄關位
安心之餘，不影響他人
武器呢家野要小心使，
看清楚不要亂來，傷及無辜🥺

講得好啱，所以屋企門口放鈍器最主要都只係為咗壯膽，香港嘅屋如果有鐵閘基本上佢都好難入嚟，冇鐵閘嘅話建議唔好開門，防盜鏈都唔好依靠。無謂擺自己喺一個有機會要同對方面對面肉搏嘅景況。當然都好希望唔好有一日會用到，但係拳頭在近官府在遠，嚟緊呢一年要學識有兩手準備，唔主動攻擊，但係亦都唔可以完全冇能力保護自己同身邊嘅人。