岩岩出完bonus 而且今年既bonus比上1年好
即係我appraisal都係好grade
但上年接咗個伏project
全Team人走晒 我已經係第4手
做嘢OT到9點幾 最終搞掂咗
但老細們唔appreciate我地既付出
到而家都覺得個system唔複雜
但其實魔鬼在細節
Anyway啱啱轉咗新黎既team head大陸人
本身都想可以合作愉快
但佢見我準時走 就覺得我好唔OK
但我之前做野日日OT做到身體都有問題 佢唔了解
依家終於冇咁忙 佢就覺得我咁樣唔OK
問心 個個都會有想偷懶嘅時候
但如果我多野做嗰日 我會快快手做晒手頭上urgent野先走
我唔會點同人傾計 只係想準時放工休息
但其他人遲返 成日同人傾計 最後遲走 佢唔理
佢淨係會覺得我準時走唔OK
佢要做野做得好 又要自願OT既下屬
我真係好攰 我黎m都有史以來黎得好少
有個月仲停左（得1-2滴） 嚇到我去睇醫生
我身體話俾我頂唔住

但係我覺得我好唔爭氣
呢一個月明明已經決心走準備遞信
我收到bonus嘅一刻好開心因為有一嚿錢
我竟然有個諗法係想留喺度做
我覺得好差點解會有咁嘅諗法

（留言續

喺呢度除咗錢 冇其他嘢值得留低
我應該要為咗我身體而辭職
但呢排一路見到大家都話市道好差 好難搵工
話唔擔心搵唔到下一份就假既
但又真係好想休息幾個月先再搵
身心健康返再出發

打工為錢，上層既野你唔好諗住可以改

所以想直接裸辭 但又擔心依家好難搵到下一份工

日日照準時走
得閒就用公司福利睇醫生開埋假紙同病歷證明
某d柒頭如果要bully你就連埋醫生紙比hr

其實依家暫時得閒d 都仲可以準時
之後project一忙 應該就難d
我依家都久唔久拎病假 因為真係要複診
但長遠黎講 又好似身體健康最緊要
好似離開呢間公司先可以recover再重新搵工
但又好擔心難搵新工 又唔知之後份工點
但我又真係好想改變 矛盾🥹

我覺得你要調整嘅係你個心態
你要識區分責任同期望
你係一個有責任感嘅人
你咪將你嘅工作負責任地咁
按schedule 處理好佢 令到人無手尾跟

但係當你無野做個陣 留係到OT無野做
無產出 呢d唔叫負責任
呢d叫浪費大家資源
你自己要識分
番工唔係為左得人認同的

其實係老細角度一定係push你地嫁啦
因為你咁都搞得惦 咪比下一個難題你
唔係請你返嚟做乜
最緊要自己識得say no

每一間公司所有人都只係生命嘅過客

但身體健康係跟自己一世
係好老土但就算轉咗下份工可能都有呢d老細
因為你咩都搞得惦 唔比你做比邊個

但如果你係需要休息嘅 自己夠錢咪抖
預6-9個月搵到工都接受到咪走
你如果知d timeline係幾時-
咪計返日子同紅假唔好蝕比佢遞信

咪尤佢唔鐘意
改變唔到人就改變自己心態

我唔係上司奴隸
佢唔鐘意有本事搵人代我

但我責任感重 我依家都努力改變自己諗法唔好咁上心
但身體差未好返 好想搵個份工 但又擔心依家市度差 難搵工😵

所有老細都係咁mean嘅，因為要俾下屬一種權威形象，不容許下面有任何錯失或異議，否則佢管理時就好多阻滯。明白咗老細特性你知道佢係改唔到嘅，唯有調節自己心態，喺工作同健康之間搵個平衡點。
我好欣賞你會盡心為麻煩工作OT到做曬先走，係正確嘅工作態度，我都好多時做到lunch冇食通宵都做埋佢，但係工作唔忙嘅時候我都會準時放工，因為不停損耗係會”過勞死”。我哋都係實幹型，唔識玩果種慢拖細磨冇生產力嘅職場文化，可惜老細就最鍾意遲放工嘅員工。
如果老細冇當面話唔好準時走就唔洗理佢，否則我會俾佢知我前排OT太夜身體受唔住, 要趁唔忙時休息好準備下一個job, 如果老細咁都要炒你唔做就算，出面搵工真係好難唔好隨便辭工，老細各有各刻薄之處，同請工人一樣，睇你好唔好彩。
加油！

多謝你呀，我問心我真係唔係冇責任心既人，但上唔上心唔係一時改變到，依家因為身體好似頂唔住，而且我真係想轉換下環境，但又擔心下一份難搵 （始終依家經濟差）..但其實做左幾年野有d積蓄
唔試又唔知，我會認真考慮係咪真係裸辭🥹🥹

咁如果𧗾量過你可以暫時冇糧出頂得住開支，而且壓力大到身心俱疲，只要屋企唔係等你出糧開飯，咁义下電都好，工作嘅嘢幾十年長做長有。

你知個做法 味係同人聊天&遲走 唔好做嘢

我知自己唔係呢隻style 我只係唔想浪費時間 淨係想做完野就收工
所以依家想裸辭🤢

融入唔到你味走 暫時而家社會冇制度保障番工努力的人 你可以立志去改革

我睇晒你啲cmt感覺我地工作態度差唔到，我上份工又係做到黎唔到m🥲
我覺得做壞身體或者我覺得再做落去有機會抑鬱（我差啲奶嘢）所以覺得裸辭都要走，其實不如話bonus係俾咗個機會你休息一下，搵過第二份更加好🥹🥹🥹

你應該旅居一年洗滌心靈，再留當地生活工作

一日唔OT心情都好D

過去的你和未來的你鄙視現在的你

所以有咩建議呢?

走啦 身體最緊要

驗身無事再決定。
touch wood仲有公司保險。
然後可能corporate唔啱你，因為好難唔toxic. The game is rigged.

影響到健康都唔走
有舊錢support你休息幾個月都唔走
驚搵唔到下一份又唔走
咁你幾時先走？等身體差到真係返唔到工？定等中六合彩？身體係你自己嘅，得你自己先可以錫住佢，捱壞咗喊嗰個係你，休息下啦💪🏻

市道係差 不過都支持你轉工

我都係中意做哂啲嘢就走，唔洗傾咁多計

真呀 但身體有事 我覺得我唔應該為錢而留低🤢

將你bonus 嚿錢分俾大家，咁你一來無嚿錢就唔係為錢留低，二來無嚿 錢就無野值得你留低

唔講笑，你嚿錢都好快會轉移俾醫生🤑

大陸人team head好難有運行 佢地會鍾意用返自己人 玩政治

如果你依家唔走
咁留名等睇你一兩個月後再出post😂

個身體都俾咗咁多訊號你
你都仲要堅持

送上無限祝福

好多人留言勸但佢心入面其實有決定
每人都有自己命運
事教人 一次就會
除左祝福都無話好說

大陸文化係toxic牛馬文化，內卷嚴重，要求無償OT，一個人當幾個人用，我之前都試過呢啲管理

你係時候埋定吓地雷

我都係無限ot
Wfh 日子做到10點幾
有時揀返office起碼有收工時間
有時發惡夢 訓教合埋眼都好似見到個outlook咁
最後同你一樣壓力到無黎m
果刻真係身體俾你嘅信號📶

不用想，身體健康最緊要。

點解啲北佬腦細總係咁沒腦？東家唔打打西家！！

忙係行業問題定公司問題？

你睇下自己調唔調節到，我經驗好多時係心理控制多過真係身體上既負擔。

你都算好
好多人冇bonus 冇人工加
騎牛搵馬，hea 住做

唔好理佢點唸，身體係自己，做完嘢準時走

你跟老闆傾下，重要係畀佢知道你過去的付出同身體已出現的狀況，你唔講，佢地可能扮唔知，或者唔知道原來你suffer緊，佢地聽到第4手都應該知道唔易搞。你對工作負責，也要對身體負責呀，建議你跟手安排平日睇醫生，畀病假紙或者早兩個鐘收工，再睇下老闆反應。如果真係唔理解，公司太無情，就唔好對佢地太好，更加應該準時收工；個市真心差，有工都可能伏工…諗一諗再睇定d先。
身體行先，先有力諗其他野

工有好多份
身驅得一副

國際慣例，收咗bonus 梗係即刻遞信

我都想出完bonus就遞信，因為日日ot到我病左，到病左都放唔到full day sick leave。真係好心灰，會問點解要咁對待自己。

呢啲問題唔是你解決，有個心想走唔會因為果少少錢就唔諗，將你嘅責任感留係有價值嘅地方，有啲嘢只係純粹過唔到自己底線，放低咗就發覺原來無罪惡感，搵定工啦。

準時收工點解係偷懶

多舊bound 係俾你多啲時間去搵工 等你唔使擔心咁手緊

有需要可以同「大陸人」傾傾，道出你的處境，有部分「大陸人」都會「講道理」的，同樣某程度上俾個heads-up佢。唔係到時「爆鑊」佢哋又姓賴，話之前無人出聲。（雖然好多時出聲都無用）

準時收工唔代表無嘢做，日日OT也不代表勤力，大多人吹水「扮工」「扮忙」，正常老闆（不論鬼佬，大陸，香港）也很容易「被騙」或「扮睇唔到」，有一種「無事就無事，有事先算」的心態。

保重身體，盡量找個方法減吓壓！

我自己都忙到KP，遲啲同事離職，加上又有新project同未請到人，稍後我都「大檸樂」，出面market都唔太好，共勉之！

老細唔appreciate又咪一樣加你bonus, 打工為錢啫, 唔使理佢哋啲嘴臉, 做好自己我行我素, 最緊要有糧出就開心

不過都理解唔係人人可以睇得咁開, 日日返工唔開心都會屈到病, 幾多錢都補唔返, 真係影響到身體就建議盡快走人