崩潰到喊
癡線㗎 明明尋日仲同我講會好好返工 慢慢還債 今日就話好辛苦唔返
我明你遇人不淑同生意失敗 你好傷心
但使唔使咁樣對我 已經冇做野幾個月 好唔容易搵到幾份工 冇一份做超過一個月。已經冇還幾個月嘅債啦 媽咪 我其實好驚
我已經好努力返pt 都搵到三萬俾你還債
但我都係好驚 我只可以陪住一個完全冇穩定工作 有錢會去打麻將，跟住輸晒錢嘅人一齊還債
走到就走啦
有啲人就係唔識感恩
你幫佢幾多次都冇用
過來人表示 佢哋係唔會改的
屋企人幫咗大半世
成頭家甩頭甩骨
到最後中風 仍然拖住半殘嘅身軀去賭 ，完全冇諗過屋企人架
所以我勸你 唔好再幫
及早離開 如果唔係你自己嘅人生都會冇咗
而佢哋到死嘅一刻都唔會感激你
佢哋根本唔會理人感受
你都快啲斬纜
只要你父母係天生無咩責任感，賭錢果陣唔識諗下仔女先，住公屋每個月打2鋪牌都夠交租，佢係呢個環境生活下，好易就變到垃圾，無責任無野驚就可以輸到盡，所以d人成日話唔供樓好輕鬆，反而無包袱就累死你
所以點解公屋咁多賭到比人淋紅油，比人打
反而私樓好少發生，就係賭嘅時間個思想
無負擔搵十蚊都賭哂十蚊
私樓搵50蚊都可能賭得5蚊就算
私樓個個都想仔女好求上進，想環境生活好
公屋只有向下跌，無好，留番少少錢比仔女過好d都無
仲唔走！3萬自己去生活好過啦！ 父母無得揀，你自己有路揀走架！
放手啦
我屋企人借到差唔多80歲都仲借緊仲未死仲俾人追緊債
你係咪想同佢鬥長命😓
因為佢覺得有後盾
果個就係你
你忍唔忍心走？唔好話長遠走
而係離開屋企一段短時間
比佢知你真係頂唔順
我唔記得邊個藝人講過，佢自己又係輸咗錢去問發哥借$30萬(之前已經問過好多人借)，發哥一句唔借，因為借比你幫唔到你，你自己諗辦法，結果果次之後佢決定重新做人。
當然「家人」呢個身份唔係咁易，裡面有好多「道德」，但要諗清楚「幫」，到底係點為止幫到？
「明明尋日仲同我講會好好返工 慢慢還債 今日就話好辛苦唔返」
典型媽🐛
帶你媽媽去福音戒賭，幫佢破產，唔好再幫佢還債，否則你既人生就跟住佢一齊玩完了
走啦
我明白至親好難取捨
但係唔走只會一直被情緒勒索
佢勒索你或者你自己勒索自己
每個人都應該為自己行為負責, 佢咁大個人你由佢負責返啦
你需要做嘅係好好努力自己嘅人生
逢家人有賭癮, 毒癮, 一律盡早離開, 否則係丟錢落黑洞.
你當已經還夠，
最後只能放手。
好好享受最後的家庭吧。
她最後都係吸毒借錢果d結果，
傷心就唯有當成回憶
幫佢即係害佢 有啲人從心底覺得自己點衰都會有人兜底所以先會一直錯落去💀
佢愛你就唔會忍心叫你還債。真正父母係寧願自己有事都唔想害左自己仔女。樓主快啲遠離🥲🥲🥲
我同你講，呢種人基面上唔會自救，你可以做嘅係「強硬」，同佢講，如果佢再賭錢或者唔返工還錢，就同佢斷絕關係，斷絕來往，機會只有一次。呢個係我嘅經驗。睇吓佢嘅反應
你係咪傻咗？仲幫佢還債？
呢啲咁嘅死爛賭鬼唔會變㗎
－係叫佢去戒賭，一係你只能夠離開呢個垃圾屋企
唔好怕，勇敢啲面對
就係因為你幫阿媽還錢， 阿媽先懶得返工
今日開始， 一蚊都唔好幫佢還， 搵到錢就請佢食餐好， 順便自己都食餐好