📌 工程師月入65,00
共 69 條紀錄
工程師月入65,000，欠二百萬，十條二線數——佢嘅錢去咗邊？
佢坐喺我對面，外表斯文，戴住眼鏡，講嘢有條有理。工程師，十年經驗，月入六萬五。點睇都唔似會欠債二百萬嘅人。
我問：「啲錢用咗喺邊？」
佢猶豫咗一陣，細聲講：「抖音。」
「打賞主播。」
呢幾年，佢單身，放工返屋企就開抖音，睇直播。主播叫一聲「哥哥」，佢就送禮物。一架跑車、一束煙花、一個嘉年華、一個鳳凰來儀——幾百、幾千、幾萬，咁樣送出去。
「我知自己癲咗，但控制唔到。」佢話。
結果：信用卡爆晒，借財務公司還卡數，再借另一間還第一間。十條二線數，利息滾利息。每個月出糧，六萬五，找完min pay，戶口得返幾千食飯。還咗兩年，本金冇少過，仲要欠多咗。好彩同屋企人住，如果唔係唔知點算。
最近幾個月，佢連min pay都還唔到。收數電話日日打，SMS未停過。上個禮拜，有人上門拍門，喺佢門口攝紙仔。佢話：「我驚到唔敢返屋企。」
佢問我：「我可唔可以做DRP（債務舒緩）？」
我睇完佢嘅數，同佢講：「Sorry，真係幫你唔到。」
DRP要逐間債主傾，事實上，好多銀行或者財務機構都唔接受DRP。而且，只要有遲還紀錄，銀行九成以上reject。
就算我幫佢遞表，都只係浪費金錢同時間。
出邊肯定好多律師樓、註冊會計師、顧問公司，明知佢搞唔掂都會幫佢遞，有錢做咩唔賺？但我唔會囉。
佢問：「咁我點算？」
我話：「你嘅情況，連IVA（債務重組）都做唔到。」
佢沉默咗好耐。
我冇催佢。我知道，要一個月入65000嘅專業人士接受自己可能要破產，需要時間。
其實，佢屬於專業人士，如果佢早多幾個月嚟搵我，我絕對有信心幫佢搵到一線做清數，因為我哋好擅長做專業人士/公務員貸款。
最後，我同佢講咗一句：「你唔係壞人，你只係喺最孤單嘅時候，用錯咗方法慰藉自己。但而家，你要面對現實。」
佢走嗰陣，問多我一句：「係咪真係冇辦法做DRP?」
我同佢講：「講有都係呃你。」
我知道佢有排消化。
如果你都面對緊類似嘅情況（或者已經預計到未來兩三個月開始乾塘），就要開始搵啱嘅人問。
唔好等到有人上門拍門先嚟搵我，雖然我乜都處理到。
越早處理，選擇越多。有需要，PM我。
債務累積嘅機制
- 信用卡分期：睇落輕鬆，但利息高。
- 私人貸款：用嚟還卡數，結果越滾越大。
- 二線數（高息貸款）：十條二線數，代表佢已經去到財務公司借錢，利息可能高達年息三、四成。
唔好話抖音，喺香港街頭賣唱嗰啲，親眼見過嗰啲中女獻身又獻金！規勸極都唔聽仲當你仇人呀！疫情前每個星期喺赤柱賣唱嗰個所謂男神！👈🏻嗰班中女同老女人一日裏面打賞過千Cls！
至弊勸完嗰啲咁嘅女人轉個頭佢哋走去同返個男神講：話多口嗰一個勸佢哋唔好打賞畀錢佢，本身聽歌有個群組嘅跟住多咀嗰個畀人block埋添！
只可以睇吓有無親人肯幫佢清咗條數， 等佢甩身再去銀行借返上佢自己身上。 6萬5， 稅貸都借唔少啦。 不過有無人有能力， 而又肯幫佢就另一回事
看得太多抖音或者無無謂謂嘅短片，人也變得蠢，失去思考能力及浪費時間！現在還要賠上自己的前途兼面臨破產，唉！ 何苦！
佢需要叫雞，學富豪搵AV女優果種花大錢嘅。
原理好簡單，當你喺台南食過體溫牛，返香港立即食素。
雖然話叫雞能醫百病，但內心太脆弱嘅人一樣衰沉船，比條女吹兩野隨時一樣變周身債！可能死得仲慘。
聽過有人講
課呢啲係一定窮過叫雞
叫雞起碼自己有體力限制
課呢啲幾星期甚至幾晚就可以輸身家
呢個case諗起一首歌：🎶人天生根本都不可以愛死身邊的一個~
無奈你最夠刺激我~凡事也治到我~
認真唔明啲人點解睇啲女吹兩句水就俾咁多錢，見又冇得見掂又冇得掂，有乜好打賞？
打工始終打工，今個月六萬五，下個月比人炒撚左6千五都冇，下次再作勁啲既故仔
我手上嘅故仔的確係電影同電視台編劇都寫唔出
真相往往比故事更荒謬
打賞班膠樣人造人女主播。不如直接叫雞好過。 打賞主播真係世上最戇鳩嘅事之一
呢個只能話：沉迷maid cafe/牛郎店/追live女團/抖音而負債，大家既共通點都一樣🤥
CLS 攞兩球去正正經經跳下舞既話，就算香港玩都有 d 超高質。🤦🏻♂️
可唔可以認識佢，我可以每時每刻都叫「哥哥」😆我收平啲
我呢啲GenX 尾中坑永遠唔會明白。為了無揸拿嘢？ 爭兩球？
人都沒見過但一直課金真不可思議
happy 伯大前輩聰明多了
難聽啲講，去馬交打令都冇咁貴，至少肉體上得到慰值。
理解唔到😆
ptgf貴極4k / Q😅😅 2球玩到斷J啦🤣🤣
佢啲卡數同P-loan已經幾個月冇供，銀行會視佢為一個非常之冇誠信嘅客戶，所以兩樣都做唔到。所以如果佢提早幾個月處理，結果會好唔同。
救唔到咖啦 用嚟啲弱智app真係白養 9成9冇錢還
會，但係馬死落地行啦，件事已經搞成咁，除非屋企人可以幫佢還債，如果唔係真係得一條路行。
咁我手上都有case係破完產嘅工程師，發憤圖強，搵咗同工程相關嘅崗位做，捱咗幾年，之後開咗間工程顧問公司，請啲有牌嘅工程師幫佢一樣過到關👍🏿 唔使自己要做埋嗰個工程師嘅
係㗎，其實呢個世界冇乜嘢好擔心，有錢佬都唔會個個走去自己讀法律同會計啦，都係請人返嚟做
因為佢本身嘅貸款同卡數已經冇還好多期，銀行會認為佢哋係高風險人士，誠信有問題，唔會批DRP/IVA