📌 已經肺癌四期，唔知自
共 58 條紀錄
已經肺癌四期，唔知自己幾多時間。而家個女唔聽話，我都唔知可以點。
將阿女既生命交返俾阿女。
管得幾耐丫。阿女都要面對佢既生命。
肺癌嘅標靶藥幾好，對準基因嘅話，治癒率都幾高。
兒孫自有兒孫福，自己照顧自己身體先。
呢位太太都係肺癌四期，佢都係積極治療，搵下香港防癌會/香港癌症基金會幫手。
https://youtu.be/t9btLPcxe1U?si=NxuzdlBmVbzxFdxS
比起諗唔知個女點，不如諗多啲自己。我媽咪都係肺can走，covid初期發現果陣已經3期，決定唔醫走左去深山野嶺到調節自己，結果又比佢過多幾年先走。但都可以俾吓啲心理準備個女，教下個女點樣安排。我果陣爸爸同媽媽兩個月內跟住走，唔係有朋友幫手我真係訓係到。
美國華裔作家，寫《落葉歸根》嘅Amy Tan，喺自傳寫自己喺14、5歲嗰陣遭遇哥哥父親同時確診腦癌4期，佢描寫自己嘅逃避心理非常細緻。
或者你仔女都係逃避緊自己嘅悲傷？
講定你想講嘅說話， 唔聽的話都冇辦法，佢有自己嘅課題，好好靜心休養🙌🏿💪🏿
先照顧好自己，你ok開心，身邊的人會跟住ok開心，係真㗎。當然如果實在開心唔起身都係ok嘅。可能呢個過程囡囡都經歷緊一場自己處理唔到嘅情緒戰爭。穩住自己先，可以的話，減少將擔憂焦慮嘅情緒傳遞俾佢，安心做需要做的事，其他嘢就交俾時間唔需要擔心太多。祝福你🧡
作為一個前中學老師呢，我的建議是先別太焦慮孩子的學業，這個將來有的是時間追回來。最重要的是處理親子關係，讓女兒覺得你責備她不是因為妳不愛她，或覺得佢吾叻，而係佢已經做得好好，但可以更好。我的教學經驗是，只要學生和家長既關係夠好，只要學生對自己有信心，基本上學生是出不了甚麼大問題。也請盡力別對孩子失望，有時候孩子看世界的角度和我們就是不同，但他們的世界也是很難很複雜的，可以的話多鼓勵，有自信的孩子往往比較願意投放時間在學習上。我明白這些都是講就容易做就難，特別是你現在的艱難處境。但主是滿有大能的是醫治的主。願主賜給你和家人力量！
個女大啲自己識諗，唔使擔心，自己喜歡做乜食乜就去，上天自然有安排❤️❤️
🙏願妳在剩餘的時光裡少受病痛折磨，願你能在安靜溫暖的氛圍中平靜的離去，願你能上天堂來世健康又快樂。
阿女幾多歲？唔知你所講嘅唔聽話係咩情況啦。如果仲係小朋友，純粹成績唔好，我覺得比一個快樂嘅回憶佢啦。如果已經係10幾歲青少年，係聽唔明嘅，都聽唔明。
至於你嘅健康狀況，現今醫學發達，睇緊啲10年，治療癌症多咗好多突破。去到第四期都仲大把治療方案，唔再係以前剩係得止痛同埋紓緩治療。就算要買貴價藥物，大不了走去深圳，價格相宜好多。如果有能力嘅。唔好介意錢，諗住留俾下一代。下一代自然有下一代嘅生存方法，係你嘅嘢，你就有權去用。
樓主，俾機會你老公照顧個女啦，宜家你要打仗呀！阿女嘅事同老公商量點照顧
照顧好自己身體先，請好好休養，放鬆心情迎接每一個難關。
個女就讓佢過自己嘅人生啦！
有d野改變唔到，事教人就會醒，太憂心對自己身體唔好，保持開朗睇開d
係時候俾啲時間自己，仔女有佢哋嘅命，盡咗力就好。
能力許可就見多啲朋友親戚，行下山，睇囇之前未睇嘅劇同書。
我父母因病走左，最後寧養都好辛苦，就係爸爸因為癌發前生活習慣好有運動所以寧養嘅時候較我媽媽好啲。
可以嘅話都搵律師或者寫低遺書處理遺產，仲有最緊要嘅係諗清楚想唔想俾人急救。我媽危殆時我揀咗急救，最尾嗰兩個星期佢係插住喉郁唔到好辛苦。條喉喺個嘴角嗰度磨到流晒血，手手腳腳插到爛囇。
同屋企人講清楚究竟想唔想急救，如果唔係屋企人唔知你意願話要救返嚟嘅話棧辛苦。
如果想急救嘅話都俾啲心理準備自己會好辛苦
加油，剩低嘅時間好好做未完成嘅事
要睇情況，我媽媽同我爸爸嘅體能就係因為差別好大，媽媽當時係感冒併發肺炎，種菌加大抗生素都冇用，當年媽媽格硬救咗返嚟都係痛苦過身。
爸爸就因為本身做開運動，肥肥白白個底都幾好，當時要緊急切腸做手術，醫生都係樂觀先做手術嘅。
其實啲醫生會話俾你聽㗎啦，如果你維生指數唔高呢佢都會建議你同埋屋企人唔好做急救。因為搓返嚟都好呢你斷晒肋骨嘔晒血，跟住好易細菌感染變咗做肺炎或者敗血症，自己又呼吸唔到食唔到嘢，攤喺張床度郁唔到，要靠營養劑吊住條命，啲營養劑好澀㗎，會整爛你嗰啲血管，拖落去都好辛苦。
係唔係咁染肺炎好麻煩？ 我見好多感染肺炎都就快。同埋媽媽感冒嗰時係咪因為冇戴口罩定點樣？ 定係做晒防禦措施？都會有感冒肺炎？
嗯，另外如果你之前係成日都瞓床嗰啲嘅話就更加易肺積水，咁你肺炎真係好攞命。
都係嗰句啦你本身身體健康有體能嘅話你自己啲抵抗力再加埋藥就可以對抗到肺炎。但係你做化療嘅話就一定會削弱咗自己嘅免疫力，所以就通常化療嗰啲病人都會叫佢唔好食生冷嘢，就係驚平時唔會有事嘅腸胃病會搞到一發不可收拾。
而家唯一可以做就係養生，儲俾多啲體能俾自己，化療時候至少撐到啲藥。我爸爸發現時已經係大腸癌四期，一般都係確診之後三至六個月就會走，但係都有唔少人係可以撐多個半年，我爸爸就係撐到兩年半，最後係因為腸臟再次塞咗，癌細胞擴散到肝同埋淋巴，冇得再切腸就要寧養。
最後亦都唔好拒絕止痛藥，既然已經係去到最尾階段就唔好忍。
睇咗你對上一個post，趁現在帶個女去玩、去做啲精彩充實嘅嘢，佢對你最後嘅回憶係視乎你呢一刻點樣創造
多些愛你嘅女，講多些鼓勵性說話好過。當女兒感受到愛，一切就會搞掂。
明白你嘅擔心！保重！靜心休養，照顧好自己先！🫂🫂🫂
由依家開始，每一日白紙黑字寫一封信畀佢，有啲說話佢依家唔明，大個咗就會好；
親手寫嘅文字有溫度嘅，就算你離開咗，佢都可以憑住你嘅信明白你對佢好
個女係另一個獨立個體
佢有自己思想
顧好自己先