巴士佬有苦自己知，逢親埋完站想cut返出去通常都冇車肯讓，一個二個嫌巴士行得慢，一見我地打右燈就即刻篤油衝上嚟。尤其香港有唔少巴士站係處於一個左彎入面，出站嗰陣望右鏡好難睇到有冇車衝緊嚟，如果巴士出站有優先權的確可以令我地揸得舒服啲😌

不過香港嘅道路同巴士站位設計都有好大問題，
行車線過窄令巴士經常需要騎線行駛，埋站亦唔能夠成部車入晒格，加上大部分中途站都屬於分站式設計，繁忙時間大量巴士一齊埋站就會造成擠塞。但以香港本身嘅道路設計又難以將所有站轉成坑式月台，除非將成個市區砍掉重練😅😅

真，埋咁靚班pk唔會讓，寧願埋得衰突個pat pat出黎

C兄，你哋埋站突出個屎忽我明，但係我跟你後面，你打左燈比我知你埋站，我睇埋個巴士站係冇車（個站可以泊兩架巴士），咁我預計你係成架隊入去攞返直架車，點知你哋斜插45度就停喺度（有啲過份到唔扭入去直接停喺巴士站外上客）有冇諗過後車感受？（利申有大巴牌嘅卡佬）

幾十年前冇排隊位，而家拉前多小小都俾魚投訴

上個禮拜見部281A最叻仔，埋海防道個站，雖然係站尾有部車喺度，不過佢揸住部11米仔居然有本事霸曬三條線，成部車幾乎打橫喺彌敦道，精彩

我次次都讓巴士出，無論彌敦道 定其他路段

個個都怕執輸蝕底，冇着數嘅事係好少人會肯做😑

巴士出站必讓 係讓一車乘客 唔係司機