📌 巴士奇遇記，好癲😵
共 46 條紀錄
巴士奇遇記，好癲😵💫
搭搭吓九巴87D，個女司機一路揸揸下，去到拔萃男書院附近，唔知係咪cut 錯線定點，突然間勁大聲話唔識揸，話自己唔知點去尖沙咀、唔識路🫣
依位有口音嘅女司機就不停問：「而家行邊條線？轉左定轉右？邊個路口轉？」
下層乘客呆咗，有乘客大聲嘗試教佢點行，轉左定右、行邊條線，架巴士就開始慢駛，但飛埋站😨
有個阿叔忍唔住，叫女司機「起身坐落黎抖抖」，話佢幫手揸（真係嚇到呆咗） 最誇張係個女司機好似猶豫緊，似乎竟然想應承😳真係想俾乘客揸？
有乘客不停打去九巴熱線，但冇人聽；
撳鐘又唔停，站又飛咗！無啦啦窩打老道駛去亞皆老街，再慢慢出返彌敦道。
仲有乘客一路教佢揸，叫佢睇下有冇人要落車，點樣泊返埋站…… 又有乘客安慰佢: 唔好緊張！
最後去到尖沙咀司機再飛站，要行返轉頭😅
依家就算投訴各個部門都只會hea鳩你話啲司機係跟足程序聘請返嚟
衰啲講句分分鐘要成架巴士係橋度飛落街死返一百幾十個人政府先會正視
依個就係2026嘅香港情況
即日已經報咗九巴bot1933，
期望日後加強車長嘅培訓同應變能力
其實佢請咁多新港人，完全唔識路，我工作係交通管理，試過揸雙層九巴司機，行吓停吓，跟住上車問佢有咩問題，原來佢唔識路，去荃灣方向，咁我教咗去點行，以為佢OK，佢又再停埋一邊，唔敢繼續行車，因為唔識路，好彩佢冇乘客吉車，佢都好叻打返公司問點樣做，最後九巴搵車嚟帶路。
87D一條直路都唔識揸🙈好痴線。
佢應該九龍塘會個站後唔識cut2條線上橋
下次拍片報東張啦，只係今年，都已經有幾單有口音或直情唔識廣東話司機，唔識路，兜錯路，唔識應變，又唔識同公司講，又唔識報警，揸住咁大架巴士，載咁多人，又溝通不能，又無應變能力，訓練又唔夠，根本係道路炸彈，而家d公司都好似宏福苑個d無良公司咁，明知d野唔掂，但乜都唔理，平就用，一日未爆大鑊就當無事發生，班人就係諗唔關我事.
根本支新移民或外勞通病
呢班友唔喺香港讀書長大
你係唔會明佢個腦諗乜同點運作
做飲食就攤上廚房有油嘅大台瞓覺
送外賣就倒瀉完落膠袋倒返入杯
而家就整個唔識路大叫嘅巴士司機
常人覺得荒謬嘅嘢佢哋覺得冇問題
而家巴士司機好奇怪
屋企有條巴士線（273s）接駁火車站
有次巴士司機好似揸小巴咁，係司機位問有冇人落車，見冇人應就飛站。其實當時有人按鐘，佢係車頭問，車中間同上層乘客聽唔到，最後要係燈位畀乘客落車。
尋日搭同一條線司機直頭更改路線，改行另一邊去火車站。
Ok啦香港咁細，慢慢行，點兜都兜到一個位俾大家落車。
19幾年前香港既主要紅日連假，參加大陸三日兩夜，即係深圳關口後某個位大集合嗰類團。
嘩，旅遊巴司機同領係part-time ，仆街呀，回程時，上到某條公路兜咗兩三次，前坐團友發現入咗迷理境界，開口問司機係咪迷路，係係係，當年未有GPS 地位，幸好有部分團友經常參加呢類團，熟晒路，口述帶司機路，最終比預期遲咗4粒鐘左右返抵深圳，啱啱好趕到最尾兩班火車回港。
九巴服務
見步行步
炒哂D資深車長
再請過批
咪攪到多意外囉
喺度幫九巴同個司機做打手嗰啲，下次你搭中呢啲有問題嘅交通工具同司機，或者俾的士Uber兜路，都記得要好似而家咁撚大愛唔好屌。
個司機panic，自己都冇能力handle，冇諗過成車人命喺佢手。大吉利是佢扭歪咗炒粉咁點算？
做司機識路係基本下嘛？！九吧簽埋晒啲濕鳩外勞約焗住要請廢人，但又唔俾資源去train，得到嘅咪就係呢啲情況囉。
司機都准請外勞呢個政策本身就癲，將成車人嘅性命交去一個人生路不熟，只接受過短時間培訓，甚至連溝通都有問題嘅人手上，真係得班坐喺政總嘆冷氣望海景有司機接送嘅高官先諗得出
支持報東張，唔識渣真係大癲，成車人啲命係哂你手，係咪on9
我只係遇過司機臨到總站之前，行錯咗少少！因為佢哋好慘，如果臨時果日唔夠人，會無端端揸開嗰條線，要佢哋突然改揸第二條線，可能一下唔記得咗，咁就行錯咗線！其實咁樣安排佢哋都好慘呀！
N年前，中學放學搭6D返歸，白板嚟，當然坐望到司機揸車個位啦，去到九龍城左右，司機話唔識路，咁嗰陣我咁細，咪指比佢睇點樣行囉
不過我去到金碧樓就落左車，唔知個司機點樣啦
大概，2016年左右嘅事
行錯路行返啱就得，不過飛站就真係睇到車長應該幾慌張下😅😅我試過最近一次亦都係最癲一次，早繁坐980X恒耀上車，好地地沿住大老山公路行Keep住行中線，點知到沙瀝分支佢唔記得要Cut入去行獅子山果邊落大圍過青沙，可能以為自己680X，結果直接入埋大老山隧道佢先發現行錯，一路行埋觀塘繞道到麗港城出口先出...，直行轉出觀塘道上啟福道天橋，到舊九展果邊，明明入中九直鏟返落西隧就可以，點知佢冇入到中九直接衝入啟隧...出東九龍走廊＞加士居道天橋＞麗翔道＞海泓道＞翺翔道＞西隧。好在東九加士居道出奇地唔塞車，最後比原定用多8分鐘時間到西隧，比後車九巴間接爬頭。
唔識路好正常，之前睇新聞，新人得師傅帶一轉講下邊到有注意位，之後師傅睇新人行一次個條線就叫做學左。 通宵線仲勁，考天才波，靠報站系統提下一站係邊咩站
其實司機會不會身體有狀況？聽落佢精神狀態不太平常，不知道會不會是短暫性失憶症之類，腦中風？
覺得乘客們好好，有安慰司機
點解無人打去投訴？ 你唔多人投訴九巴咪覺無問題law? 以前好少聽過甘事情會發生！！
E+九巴服務好差，將啲行咗好多年好哋哋嘅路線改到兜嚟兜去（82x)，超長，由以前行45分鐘到變成E +個半鐘先到，正常人一定改搭地鐵，但輪椅人士上落地鐵麻煩唯有繼續搭佢。對司機都唔好，轉轉揸成兩個鐘先返到總站可以去廁所。唔知換咗啲咩高層咁唔顧大衆感受
我都試過教43荃灣去青衣，佢係沙咀道轉入去大窩口佢冇轉右直行德士古道上咗石崗回旋處，佢不停問點樣返轉頭，我即刻行去車頭同佢講邊個路口出⋯⋯我係職業司機😂
It’s new Hong Kong. 慢慢就慣。
舊年年尾收工排隊上巴士，上上吓，前面仲有兩三個人，個司機講左句嘢就系人面前關門，開前兩三米，再開翻個門，原來佢想比後面嘅巴士埋站，痴線，啲阿嬸追住架巴士，我呆住望佢關門開車再停車開門，從來冇試過咁
依家youtube咁多巴士迷拍嘅路線片，好心啲高才通睇熟晒先出嚟揸啦，youtube香港又唔使翻牆
87d路程長，太子旺角附近又多車，唔應該比駕駛經驗少既人揸車。說真的，87d遇到女司機應該100分之1
點解九巴無個gps幫幫手，如果唔係揸日揸香港路，一揸錯左訓練路線就唔識修正
我有個朋友舊年搭巴士，坐喺下層後面近通道座位。司機係南亞裔人士，突然dup 停，搞到我朋友成個人跌到瞓咗喺通道。好彩最後冇事。
我啱啱新年嗰時都遇到巴士行錯路🙈我都post咗上thread😂
試過坐101去堅尼地城方向，因紅磡發生交通意外需要改道，阿姐唔識路結果去左尖沙嘴碼頭落左一半人！
依條阿叔講少句當幫忙啦,個司機已神不守舍佢仲講啲嘢刺激佢,我唔信佢真係會幫佢揸
上星期日279X， 個司機不停㩒廣播，一個接一個，無停