平時返工可能著得太頹
今日出完街返到公司
個同事望住我呆曬
佢話：嘩 你邊位 兩個人黎架喎 原來你出街係咁架 同邊個出街？你去徵婚？
：唔怪得知你識唔到男朋友
：你著到咁wet 人地對你都唔會認真
：你應該要著得斯文啲
：你咁樣好令人卻步難以接近
：有啲似塔蘿神婆
：呢啲打扮最多吸引到廿零歲又玩玩下個啲
或者30歲個啲電單車男
：你目前應該係需要一個挨近三十照顧到我嘅男人 咁樣著吸引唔到
跟住影埋比佢老公睇
可能我比佢地嘅印象係惡同cool
佢老公都話我受咗咩刺激
總之佢勁大反應

我真係吓撚咗出聲 呢啲叫wet??
其實我覺得只係算普通簡單得黎有啲野睇
對我黎講呢啲style 都算普遍 純粹可能佢少見
我冇諗住著黎溝啲咩仔 亦都唔溝仔
女為悅己者容 悅己者係我自己
聽佢講到勁無奈🫩

其實我聽完佢講咁多我只係得幾個想法
點解要規限自己點樣著去特登吸引某類人
清楚知道自己鐘意個type就自然會黎
唔鐘意就唔會埋身
咩年紀咩類型都好 每個人都有佢地自己喜好 兩樣野都唔掛勾
老土啲講 鹹魚青菜各有所愛
無可能滿足到世人咁多要求
我更加唔想迫自己就範
鐘意就鐘意 唔鐘意咪鳩就

我無奈嘅位係
首先 佢唔清楚我想要一個點嘅人
但就用佢角度幫我諗
其次 我自己照顧到自己
有人照顧 陪伴 扶持
係bonus only
你話我要著得斯文啲去吸引成熟 照顧到我嘅
咁唔通我著得wild 啲sexy 啲又唔得咩
係你就係你架啦
衣著打扮係比人第一印象
但吸到啲咩人都唔100%關衣著事
如果要靠衣著去令一個人鐘意你
咁佢鐘意你個人定你啲衫？？
有時比人問我著衫咩style
我唔識答 （freestyle掛
因為我從來冇定義過自己穿著

最後想講 佢影比佢老公睇
可能佢覺得我都玩得
當下我都冇唔舒服嘅感覺（佢勁快手影咗
純粹好愕然
佢問佢老公有冇筍盤介紹俾我（唔洗了唔該
呢個同事係口沒遮攔咗啲
但佢都有講：今日咁靚blablabla
不過靚唔靚唔係重點
所以大家都不要勞氣了 മ◡മ

哇wet同電車男咁有年代term都講得出 我呢個化石姨姨都嫌老，即刻唔駛理佢咁多

Cls 我睇你其他post你先得21歲 點解要吸引啲30嘅😂 你同事咩料

你同事in到2026仲講緊電車男 去wet 著衫要為男人😨😨

一生愛潮爆，佢來自潮州

Wet呢個 term 好老...

咁佢真係有返咁上下嘅

你公司喺邊鼠鄉下？

呢單野入姨姨數算 公司蘑菇

你唔覺得佢咁樣講嘢好冇禮貌咩，佢咁樣評論你真係勁唔尊重😞😓

連我媽都未咁話過我 思想問題

著件衫都咁多野講咁多評論
你要日日對住佢真係辛苦晒
你著得好好睇❤️
唔洗理佢眼光狹窄

謝謝！把口生係人地到 但我選擇保持自我風格🫵🏻

你着得好靚😍😍

我挨近40
完全唔覺得你咁着有問題

呢啲說話聽足幾年
由質疑自己到麻目了😔自己覺得靚就夠！！
幾年後你會多謝自己咁敢著！
靚靚！

想知你平時返工點著

明你🫂女仔着咩其實係比自己睇 唔係取悅男人

咁都叫wet嗎.

可能太out了 諗唔到點形容我╮(╯▽╰)╭

幾有特色！支持

件衫有咩問題
好斯文好大方喎
同wet完全冇關係
你同事好冇禮

著得好好睇喎

Mmmmmmmmmm, 你啲同事係咪對「wet」有啲誤會😳😳

靚! 好睇!

大返你同事「我唔溝仔，我溝女既，依家溝你，你受唔受溝」
嚇L到佢以咪咪再煩你

著得好好睇，明明呢d 已經係斯文風格， 佢心入面嘅斯文應該係老土囉🤡

What the fuck
同事講出聲已經小過界
仲要影俾同事老公睇係咩玩法
希望同事可以Stay in your lane la 🐒

不得不說張相入面個look好靚

成段字都白花油味濃
班呀姨是咪就黎退休？

我都中意你哩套衫❤️點解我唔覺得wet既🤣你又唔著得暴露，呢種打扮都會識到男朋友（各花入各眼～～
你同事根本就係攞自己主觀嘅睇法，黎擺落你身上🙄🙄

我話過我鐘意會打扮嘅男仔 佢話你咁樣好難搵到個match 到你嘅 話太誇有啲難跟 me be like ( ᐕ)？

點會誇 而家係咁樣嘅style
唔駛理佢講嘢

啲衫好靚想知邊度買

@_haku_88_

佢30既話咁諗都唔奇既， 因為好多十八廿二慶呢啲look

著到咁wet …?
我仲以為好性感🥲🥲🥲 你同事欺騙我感情！
Btw 你同事係清朝人？我老母60路只會嫌人條裙太長🫠

四個大字 ： 關你撚事

本身未碌到你張相淨睇文字仲好奇緊你著成點，點知碌到落去原來咁普通，周街啲女仔都係咁著啦，搞到宜家反而想你啲同事咩款多啲🤣🤣

相中的衣著似去街囉，反而有興趣樓主先前的衣著。。。

唔好在乎人哋，我覺得你型型地又幾有女人味，自己舒服最正

多謝你🥹諗起呢個同事話我呢個年紀仲未有女人味 等大個啲開始有就溝多幾條都唔成問題-.-

😑呢種人真係搞笑，唔好自己三觀加入人哋度。你保持自己就好啦，呢啲是是非非由鳩佢🌻每個年紀係會有唔同變化，但唔代表年長一定就唔可以打扮幼態，正如女仔唔一定要著裙，都可以著褲。我睇到嘅係，你用心打扮自己出街，呢個係一件開心又幸福嘅事⚘️⚘️⚘️值得繼續靚落去

咁你同事都幾慘...著衫係為咗溝仔😭

唔洗溝啦有老公🫩佢平時都係t shirt牛仔褲 真·有穿衣服

好好睇 有sense
最鍾意呢啲style
Btw髮型都好好睇🩵🥹

多謝🥹！每次比人讚衣著都好開心 琴日比個靚女讚對「美」有sense仲話我啱做同美學有關嘅行業 超感動

我認同佢講呀
真係可以考慮吓
或者當興趣share吓自己扮靚心得
我會想睇🩵🫣

見到柒羊就知有taste

電車男
唔係電單車男😂
電車男係十幾廿年前一套日劇
當時啲人用套劇抵毀我地呢班動漫宅既人

多謝更正 佢的確係講電車男但我未聽過以為佢講漏咗隻字🤣

你啲同事都幾冇禮貌😂。。

個別😔佢都有好嘅一面嘅 純粹係今次可能震驚咗佢

底面兩件顏色調轉就好睇得多
白色底黑色面=輕揹重
黑色底白色面=重揹輕 黑色底可以輕輕透穿出白色 層次啲
純粹個人觀點與角度路過

收到收到 本身有件同款黑底但唔見咗 唯有白色頂上(;´༎ຶД༎ຶ`)

Wtf 呢啲叫wet???

下次背心短裙一波話佢知咩叫wet🫵🏻

：我著到咁都係因為你
：關我咩事
：係囉 關你咩事

一句車埋去 關你撚事？

@jimchim.cf

點解呢套嘢會同塔羅神婆扯上關係？

想像力人人皆有

咁着冇問題, 仲幾靚

梗係有啲人成日鍾意大驚小怪😂
都幾廿歲人都仲唔清楚有啲咩適合講😂讚下人有心機咪得，係都要講啲無謂野批評人 no one cares ok?😂😂😂
最中意欣賞啲會打扮襯衫既人，你襯得好好！！

就係因為你平時着得太頹，突然間扮靚佢哋咪接受唔到囉 接受唔到有人靚過佢哋呀嘛

其實返工要著制服 我從來冇同人鬥嘅心TAT

又唔係着得暴露, 睇唔出有幾wet

香港人就由佢啦，你咁著去到日本大把人讚😁

其餘個幾個都識讚 仲叫我換套衫落黎比佢地睇 fing 下條裙轉兩圈(ﾉ˶>ᗜ​<˵)ﾉ