📌 幾個月前，失智嘅屋企
共 96 條紀錄
幾個月前，失智嘅屋企人偷哂屋企嘅值錢野去當，俾哂啲錢騙子。我地失控對佢大罵一場，佢沉默不語。
我陪佢去警署落口供，對住警察，佢先敢偷偷地講心底嗰句：「騙子話唔俾錢佢地，俾人發現咗，國安會上屋企捉我，一定會連累到我屋企人，所以我好驚，唔敢俾佢地知…」
聽住佢呢句，我眼眶泛淚，但唔敢俾佢見到。
落完口供，佢緊接一個月繼續聯絡騙子，激到我地札札跳。去當鋪贖返哂啲野返嚟，因為財困欠債，舉家決定賣哂俾相熟行家，換多啲錢還債。同時，我地亦時時刻刻防住失智嘅佢，驚佢又再偷哂嚟俾騙子。
「呀妹，我收埋咗你嘅耳環同鏈！你收好佢！」
賣完啲野之後先發現，原來佢收埋咗我啲野，無賣到。曾經一度以為已經完全失去咗佢嘅我，呆咗係到。原來，佢嘅心仲有我。
今次，我忍唔住眼淚，跑咗入房喊。
照顧失智者係一件好痛苦嘅事，目睹住親人靈魂從眼前消散，同以前完全唔一樣，仲要好似湊細路咁氹佢防佢，有時佢更會講啲傷人嘅說話、做出令你傷心嘅行為。
但當有一刻，發現到佢心入面，喺一團混沌之中，仍存有對自己嘅愛，我覺得好開心，同時亦好痛心。
呢一條路唔易行，但我唔會放棄，會一直陪你走到最後。
手機不明來歴電話阻截，
手機電信商處理，
祝願平安
已經換哂電話號碼同鎖咗佢手機 但佢太醒目識用好多方法 我地都好頭痛 努力解決中 多謝你嘅建議！
睇字都感受到你嘅佢嘅關愛。都聽過失智後性格都變埋。惟有當佢地K1,日日問下佢地發生咩事。電話set做只聽聯絡人電話。WhatsApp 就日日靜雞雞check下記錄，block晒唔識嘅電話。祝福你和家人。
好彩識用電腦睇佢whatsapp 捉咗佢好多次偷偷地5分鐘放風都去搵騙子 心很累
Block完佢識unblock 仲會背人電話號碼 依家鎖咗佢手機 等佢只可以打俾緊急聯絡人（親人、好朋友）最多夜晚俾佢玩一陣
多謝你
我爸爸57歲就已經失智，今年65了。呢8年身為一個照顧「照顧者」嘅我，無時無刻都體驗緊呢種痛心。失智長者就好似鬆開手嘅氣球，明知佢哋係天空但你再無機會捉緊佢。我好慶幸你屋企人仲識得用手機、識同騙子交流、識得收埋你啲珠寶，因為我爸已經唔再認得我了、需要人貼身照顧。假如你屋企仲有其他照顧者，記得提醒佢哋好好休息，適時關心下佢哋🤍
雖然咁講好殘忍，但預演告別都係慢慢放下必經嘅過程🤍
願你身心安康
明白你，曾經我都有相同感受，可以就襯仲行得走得去多啲地方盡量影多啲相製造多啲回憶
佢只會每況愈下脾氣會開始比較暴躁情緒更容易波動，你要有心理準備往後當佢仲有行動力加失智會更難處理，照顧佢重要但你更需要照顧好自己情緒先同佢打仗，祝福你🙏🏻
同路人🫂
佢行動有啲困難 你都提咗我要多啲陪佢 一齊製造回憶
依家佢有啲啲行動力都已經好kick 我想像唔到遲啲會再發生咩事🙂↕️
多謝你嘅關心 我會好好照顧咗自己先
建議開始申請院舍，趁有時間，可以揀間就腳、方便探訪、環境好、職員好的，家人會放心。到迫不得已的時候才申請，選擇就少咗。
申請院舍不是遺棄，而是尋求更妥善的照顧。
原來如此
有需要的話，也可以嘗試聯絡綜合家庭中心的社工或醫院的醫務社工，按身體狀況（而非年紀）去申請
你們都要保重，輪流照顧，俾自己「放吓假」🫂🫂
醫務社工搵過了 可能真係太多更嚴重嘅case 唯一做到嘅只有refer俾社區中心
社區中心都有唔同target 目前去個啲都唔中 仲努力搵緊
好快佢會失智到變得好乖任你哋擺佈最後好似BB咁沖涼廁所都要服侍 。 請珍惜最後時光
以前認識未婚朋友，幸運地請2個可靠工人
姐姐照顧失智母親，因為晚期要照顧卧床吃飯
有相熟可靠朋友介紹，這個幫忙很多，包括家人們的生活質素、安全
屋企經濟俾佢搞到好有困難 所以先會無人平日睇住佢 就算有啲閒錢都會拎去俾佢治病🥲
多謝你嘅分享 遲啲有能力 我地會積極考慮請工人睇住佢
抱抱🫂辛苦你了！
我也曾照顧患有失智症的親屬終老，一路走來實在有很多汗水和淚水。照顧家人同時也要好好照顧自己身心💌
真的 好多時候要人提醒先會諗起要擺自己係第一位 呢場係一場要打好耐嘅仗
這是一堂深刻及深沉的一課
遇上了
幸興不幸
如遇冷暖之水
自己才知
Not Or Not to be
是的 一路上嘅辛酸苦辣只有自己明白 啲相好靚 多謝
謝謝
大家努力
大家幫自己加油
我哋由細嗰被照顧
至
而家成為一個照顧者
是一種回饋給我哋嘅長輩
唔好傻啦
你要做嘅係送去老人院
啲騙子成功一次，就將你哋資料轉賣俾俾其他騙子。等其他騙子逐個上門繼續啊。
你屋企唔係大富大貴嘅話，你唔捱得幾多次
的確 收咗佢舊手機number日日勁多sms同不明電話 應該唔會再用
點解佢會咁樣執着找騙子？動機是什麼？先對唔住我不知道失智症做事是否可以推理，但如果可以找到源頭，再諗辦法解決可能會好啲。
祝身體健康，平安喜樂
動機就是他們怕家人會被傷害到，所以一次又一次上當被騙
問題係點解佢會覺得家人會被傷害？係唔係後生嗰陣時經歷過咩事？又或者得到個一啲資訊，覺得家人會有危險？
其實好簡單，老人家聽到騙徒講自己仔/女系出邊同人打交，打傷人，要賠錢，吾系就警察拉人留案底，再加埋警告老人家吾可以同屋企人講，啲老人家一聽到甘就會好慌，會照啲僕街嘅說話去做！我爸爸就系甘俾人呃左，就算我地平時已經耐不耐同佢地做思想工作，話呢啲一定系呃人，有咩事一定一定要親自打俾我地求證，都好，但去到個一刻，佢地都會慌到吾記得左我地講嘅事，只求快啲俾錢俾啲僕街，平息左件事佢！
趁仲認到你，行得走得，珍惜呢段時間陪佢多啲，佢都會好驚自己慢慢失智
叫做平平順順咗二十幾年 然後就一個大浪湧過嚟 差啲死 死唔去 呢半年就繼續喺滿是沙石 蓋過頭嘅大浪中掙扎
所有經歷如果死唔去呢 個人就會越級跳㗎喇😆Level 🆙
咁最近一切安好嗎？
最近繼續為屋企人到處奔波 但自己情況都尚叫穩定 做咗好多人生第一次嘅決定 瘋狂upgrade中
https://youtu.be/qHQ5QcqhsnQ?si=bcEye8TKitu-gfsL
只有面對過腦退化的致親，才會明白這歌歌詞的意義。
如果情況許可
儘快帶佢去精神科治療
錢預左就冇左
但唔好失去埋你家姐
送俾你，李克勤 《失魂記》 ，加油 https://youtu.be/qHQ5QcqhsnQ?si=fnV2vmSFvKHY0v45
其實將所有佢嘅財產換咗，等佢俾唔到騙子，另幫佢搵日間中心，等有人可以幫你睇住佢。
多謝你嘅建議 我地努力搵緊地方俾佢日間可以去玩下😭
咁講好衰，一係搵人阻佢例如請長照，一係送佢去老人院之類
真係怕嚟多一獲要破產
你唔可能24/7咁防，你同屋企人都要休息。班騙子知你老豆失智易呃就只會keep住一直用唔到身份搵佢+呃錢。
班騙子係成個圈子+KK園區輪流上陣。
辛苦你了 祝福你們早日得到內在的平安 這事情能輕鬆過去
Smartone有個功能，call guard要喺個list度先可以打到俾佢！隔絕咗好多騷擾電話
我地唔係用緊smartone 多謝你呢個資訊 有心！
Is it genetic also with adhd?
因為當鋪真金白銀典當 而啲錢都俾哂騙子還唔返俾佢地 所以咁樣唔可行🥹
這個愛的羈絆真的是又愛又恨
在遠方默默為你祈求
看到你說不會放棄佢
我相信這個感受是佢心中仲記住你嘅稻草吧！
開心唔開心都想嚟脆上分享下
緩解內心嘅鬱結苦悶吧
有類似經歷，
無人能有百分百嘅身同感受，
因為哪怕係同一件事，發生喺唔同成長背景、年齡、經歷嘅人身上，都可以好大分別。
但係想同你講句加油💪🏻都認同有啲留言叫你多啲上脆分享吓 唔好太壓抑自己💪🏻你已經好努力了
一開頭就要防 得自己信得過 出面過夜我從來唔會瞓着