📌 廣州人打算5月份或者
共 72 條紀錄
廣州人打算5月份或者6月份去香港玩。
想問下呢份攻略可以照用嗎？附近有冇好食嘅店鋪推薦？我仲想去ICAC參觀，應該加到邊一日行程比較好呢？
我第二天走嘅時候要到銅鑼灣時代廣場搭車翻廣州。第二日行程點調整可以不走回頭路。
有冇本地人可以幫手睇下點玩比較好。
根據大家嘅評論、旅遊時間改成三日兩夜。有冇本地人幫手睇下攻略。第三日待定，去啲前兩日唔夠時間去嘅地方
睇呢個post完全感受到廣州人同香港人真係算半個自己人，平時啲撈佬出post俾人屌到😂
發覺大家見到係廣州人同用繁體字之後即刻好友善，原來大家都覺得廣東人係自己友
交通時間全部都好似用隨意門，
建議自己用地圖計劃交通時間
收到，我都發現交通時間有問題，正在調整。落日飛車好似下午體驗比較好。想問下第二日改成：堅尼地城-香港大學-西營盤-中環會唔會好啲。
香港人其實笑啲大陸人黎香港影icac影警署
其實香港人/全世界既人咪又係一樣睇完日本動畫去日本睇一條樓梯（你的名字），去睇一棟日本大廈（數碼暴龍住宅）
只是大陸人陪伴佢哋生大既係港劇/TVB/香港電影
有事諗野同睇野全面啲。大家做既野其實都一樣，唔會因為去日本件事就美化左🥲
下面有啲人話唔去呢度去果度，唔好去大學影響人
但我去日本啲大學見得最多就係香港人同台灣人。
只要你唔影響到人，個地方又係對外開放，其實無問題
為什麼不去西九龍文化區。
景觀比星光大道更好
順道參觀埃及木乃伊展覽
好奇，點解遊客咁鍾意去 icac
依家 icac 其實有乜嘢睇？
油麻地警署未有咩咩展之前
都仲話有個古建築物
你係講ICAC北角總部？唔好去啦，嘥時間嘥腳骨力。去下西九文化區行下，幾舒服的。上太平山頂行下盧吉道（Lugard Road）。由中環扶手電梯一路上到半山經干德道行上山頂。
推介下啲特色地方
1. 汀九機場核心計劃展覽中心 -> 深井
2. 機場維修區
3. 流浮山下白泥
4. 上水塱原
5. 八仙嶺 -> 南涌
6. 長沙泳灘
7. 海下
8. 西高山
9. 紅香爐峰
10. 孖崗山
有時間有興趣可以去下呢啲地方
路過想問「窗外就是維多利亞港」係咩意思？
同埋點解廣州人可以打篇嘢打到同一句入邊又有廣東話又有普通話咁得意？
跟晒呢個攻略？一定睇唔晒,起碼分4日,因為裏面完全無乘車時間,等車時間,又好似無食飯休息咁噃！
攻略裡面嘅地方其實我都想去，分4日都唔係問題。如果係你，你會點玩。主要唔熟路，怕走回頭路。
樓主所有景點都好，除了香港大學。
很多中國遊客到香港大學觀光，大聲說話、亂掉垃圾、霸佔只供學生使用的公共空間，令到學生很困擾。
太平山頂直接去堅尼地城吧🙏🏻
睇埋你update之后嘅itineraty，想畀少少建议
庙街好似有个夜市，夜晚黑过嚟可能好啲
去旺角可以顺便去埋朗豪坊
重庆大厦我觉得喺出边𥄫吓就得，冇伴嘅话唔建议入去，里边大多系外籍人士
星光大道晚黑比较靓，不过都睇你钟意；东面入口附近有李小龙雕像，往西南沿途行有麦兜同其他明星嘅手模
港大现时好似得weekend可以唔使预约入去，你可以了解吓；最好唔好影响人哋上课
我会推荐你掉转铜锣湾同埋中环，因为中环嗰几个地方一般差唔多太阳落山嘅时候去最靓，兰桂坊就夜晚去最好
不要說「維多利亞港」，是 星光大道/尖東海旁
「維多利亞港」是海港的名稱
又唔係「不要說」既...
而係到時你黎到香港，喺地圖用呢個詞語搜尋下一個要去既點，佢會指去海中心
改為「尖沙咀文化中心」「天星碼頭」之類既地標先會去到海旁去睇個維多利亞港
識廣東話嘅話可以搭58號小巴去埋堅尼地城沙灣道，日落影海景特別靚
都可以，只是比較「遊客區」，有點太普通。如果是第一次來，算是保險的方向。
5、6月很熱很潮濕，如果是現在三四月會好一點😌
最後，歡迎你來香港🇭🇰
你要去金魚街點解係旺角出？
太子站（聯合廣場出口）出近好撚多呀Ching
同埋條路係太子>旺角>油麻地咁行就唔駛行回頭路
因為我到時候可能直接坐車到旺角。廣州有Bus直達旺角。好似冇站點喺太子站附近。
你太子上海街邊個位落車呀，難道你想朗豪坊回頭行返太子？嗰邊如果你過錯馬路會喊出黎架
我廣州直達香港，屋企門口有車到香港。所以第一站喺旺角。
睇完我想俾兩個建議:
1、記得一定要穿舒適的波鞋 。
2、係地鐵買張八達通會方便好多，充值三千 ，整個行程各項消費都可以嘟八達通 ，非常方便好用。
參觀ICAC不是去北角嗎？1974咖啡廳。沒有北角行程呢......
好多形容詞，未去都有畫面。
day2 落日飛車，浪漫又刺激咁，想去
day2 半山電梯就係中環，唔洗最後去。可以從中環搭叮叮去堅尼地城，又可以從堅尼地城搭叮叮出黎銅鑼灣（購物區）或者去金鐘搭纜車上山頂
我覺得你第一日同第二日個行程好攰下😂有冇打算cut左旺角算？定真係好想行街？見你第二日有銅鑼灣，去銅鑼灣可以直接放棄旺角（旺角fans唔好打我呀！）
其實我有睇導航，好似景點之間距離唔係遠（行路或者地鐵都好近），但見到好多評論都話會好攰，係咪因為路比較斜。行路會比較辛苦。
我睇抖音推薦嘅路線，第一次去，步行時間大概幾多，我想坐叮叮車，大概邊個景點坐比較好呀。最好就係坐到下一個景點，唔使行。
歡迎你去逛下獨立書店，每間都有自己嘅特色！
如果行程趕，可以考慮旺角嗰幾間👍
1號小巴
此路線的全程行車里數約為10.5公里，行車時間約為30分鐘。（平均行車時速約為21公里）
小巴上山頂啦
山頂一程建讓黎香港之前一兩日再睇天氣, 再決定你想影日景定夜景, 安排做一日最早或最後一個景點
因為如果唔好彩大霧有機會乜都影唔到
用香港百達通，快撚過用QR code 出閘
食煙就搵個上面有不鏽鋼嘅橙色垃圾桶，企定定食完就抌入去個不鏽鋼兜入邊
香港扶手電梯係左行右企，你帶大型行李嘅就搭𨋢
茶餐廳隻水杯俾嚟俾你洗餐具，你唔洗嘅話都可以飲
有興趣嘅試吓啲紅Van，完全俾你體驗到乜嘢叫香港F1
記得準備定啲銀紙，同散銀，唔係每一間商店都有得俾你嘟QR code

还有ICAC不是隨便參觀的,只是在它總部地下開了一间咖啡店,可以進去喝一杯咖啡
第一天有點趕
廣州到旺角 9點發車 長途巴 來到都12點了
旺角：拍完天橋影麻雀館 可以去Top/旺中 中間有美食區 figure 買杯飲品不錯
然後不急的話 可以沿彌敦道去朗豪坊 再多走幾步就是果欄了
（旺角+油麻地預計2-2.5小時）
尖沙咀預計1.5 小時 都4點了
上到山頂應該6點了
上面的消費都蠻貴的 看你要不要8點下來去灣仔/回堅尼地城吃
第2天沒大問題 有時間去鰂魚涌也可去打卡怪獸大廈 去西灣河也有太安樓
希望你旅途愉快🫢
有興趣可以去下灣仔利東街，我覺得嗰度好有西方特色，不過嗰度好細，有興趣去嗰度食嘢休息下先好去