廣州既張國榮fans club咪直接認囉，喺咁係度兜圈，人地問你來自邊度就答：我地來自唔同既地區個啵。認係來自廣州好失禮咩？

我唔會笑d設計肉酸，想騎劫4月1既悼念活動都無問題，起碼都用返繁體字尊重返丫，我唔揣測你地動機同目的，想人唔歧視就學下光明正大，蠢就唔好耍小聰明，尊重返本地張國榮fans就無人會比說話你地聽，話知你地暗啞底點樣丫

呢班廣州fans同Red Mission個班前輩比真係差天共地，Red Mission個班前輩基本人人都有同哥哥互動既故事，獨家相，對哥哥所有野都如數家珍，會對後輩傳承同交流，呢班就完全無底蘊，睇呢個直播成日見到有廣州成員直播打咭威威，可能唔少人當抖陰既原創故事係真🤦‍♂️

獻花同清理一向係另一個義工組織榮の聯盟負責，唔係Red Mission。三年前佢哋入紙申請政府reject，之後就變咗內地團體。
內地嗰班有冇入紙我就唔知，但係嗰年開始見到全部內地榮迷係度做糾察。

Red Mission唔係解散咗好耐啦咩？
其實清場個度我覺得無問題既，理論上d人係文華放低d花，d花後續點處理就係主辦話事，睇直播佢話自己係同政府申請既，咁我當佢哋係主辦

直播入邊佢地清完場有掃地我覺得做得好，不過好明顯內部無好好統一，對外同人講d花最後何去何從，唔比人拎係道理，但哥哥生前都係提倡唔浪費，如果有人好想拎，比人拎唔會有問題，一個人拎得幾多丫

都係個句，咩人搞都ok，唔好最後令到有人唔高興就好

RM從來冇正式話解散，我相信有keep做註冊團體嘅，只係冇搞活動。
以前做法係安排架車收走啲花同花牌燒俾哥哥，而家做法係點就唔知了，但相信佢哋都有安排好，畢竟都唔係第一年做。

哦哦～我誤會咗佢哋解散咗

直播d相關人士話花會掉晒佢囉，咭/相/信個d先去沙田化

我都好想RM再搞活動，一來佢哋好熟哥哥啲嘢，二來佢哋好知紀念晚會/生日會啲片有咩元素最好睇。
咁都ok啦，有安排好就ok，尋日見到啲義工都好好，又照顧長者榮迷。

我都曾經識d前輩係會員，佢哋真係好好