後日同朋友去西藏
有無咩要注意？
(已停煙酒+食咗一個禮拜紅景天）
曾在西藏工作的過來人：
1. 一落機行慢d，放慢自己，頭痛係正常，會慢慢適應的
2. 買支潤鼻膏，可防止鼻乾燥出血，我係買鼻可舒
3. 帶維多C，補充維他命C，如果發病，果邊無太多水果可以補充維C
4. 西藏紫外線超勁，防哂要帶SPF50+ 先頂到，帶帽，帶太陽眼鏡。
5. 唔好依賴氧氣，唔洗聞就唔用
6. 頭痛可以飲可樂
7. 高原安比紅景天好用
8. 頭痛食必利痛，頭暈聞白花油，西藏食物都好油要帶胃藥，必定長期坐車要帶暈車丸
9. 信我，帶出前一丁，你會多謝我的。
10. 可以食煙，可以飲咖啡，唔好飲咁多酒，如果無明顯高反可以沖涼洗頭（我日日都洗）
唔好亂咁影戴紅色頭巾既康巴族人
老一輩藏族覺得影相呢個動作會take左佢地既靈魂
（曾經住左拉薩一年）
唔知點算就 扎西德勒
見到地下有白色既粉筆筆跡唔好踩落去
通常係屋企白事指引個靈魂
見到搭起身既石頭唔好破壞佢
注意防曬 物理防曬的那種
作為去過西藏多次上過5000多的過來人心得（樓上有提的不多贅，他們都講得好詳細）
1. 動作放慢
2. 講嘢放慢
3. 身心同乜都放慢（放慢好緊要，要講三次，香港人習慣太快）
4. 高山反應（並不是高山症）是人到高海拔身體開始調節時出現的反應，通常為輕微不適，主要為頭痛頭赤，有此反應時不要過份恐懼，先放慢、休息，聆聽身體的訊號，慢慢便覺得不適減退，表示身體已漸漸習慣高海拔
5. 如持續不適，不要再往高海拔走，可以的話回到低海拔。有些景色，可以下次再看，不要勉強身體（後果可以好嚴重）
6. 即使感覺身體習慣了高原，都不要輕視，別做愚蠢的事（例如在高海拔地方影跳跳相，曾試過有同行老外本來適應咗，在納木措同布達拉宮跳住影相即信嗰晚又不適）
7. 注要不要讓自己感冒，感冒容易令高反變成嚴重的高山症，記得帶夠衣物，唔著可以放埋一邊但唔好諗住頂一陣無乜嘢
8. 如不適或感冒發病不要勉強出行，要休息夠先好繼續旅程
9.頭一兩天到拉薩或高海拔地區，我習慣不沖涼洗頭住，只稍為抹身清潔，如因為熱水涼會令血液行得快，易出現較嚴重高反頭痛，覺得身體適應了先開始沖涼、再洗頭，又，水唔好太熱。
小卓，我去了一次，求快，成都直飛，第一晚睡不到，痛好痛😭
推薦食羊
高海拔加寒冷
令身體更需要熱量
而且西藏山區養出嚟嘅羊
真係好食啲
佢哋各種食法都好正
紅景天冇用，去香港藥房買海拔適，提前一日開始食早晚一粒，食足全程，前年同6個fd一齊去實測過好有效！
仲有好多靚相😏😏同埋所有野都唔可以快..慢慢做
帶多啲濕紙巾~洗手液~胃藥帶少少...
不過呢D睇體質.後生仔應該頂得順.屋企就係有上左年紀既親戚去.然後頭痛冇走.最後爆血管🤔
真係大鑊啦我都好擔心廁所嘅問題🥲
私人廁所係點架？有張凳有個膠袋嗰啲？
係丫 當時再加左件速乾長斗篷在外面遮住
郊外基本九成係旱廁
我見到清潔姐姐只係掃垃圾🥶
冇用水去做清潔㗎
（因為水嘅資源在西藏太寶貴）
所以我會在出面處理 再抌走個膠袋
（通常廁所外邊有大垃圾箱）
😢😢😢
最錯係食定红景天,它只是去水丸,西藏有高原康藥丸,又平又抵又有效.
唔好諗住同個朋友無聊搞gag 大笑，我試過喘氣到PK😅
兩樣嘢通常唔使做都得😤我親身經歷 反而成日做開運動嘅容易高反 如果係長時間停留高海拔嘅話唔建議一直吸氧🫣有可能會醉氧 最緊要係唔好覺得自己一定頂得落🫣🫣我就見到有一個喺高海拔做掌上壓暈低咗
有呢種擔心係好嘅🫣最驚係一啲覺得自己一定得嘅去到玩嘢🫣對大自然有敬畏之心係好好嘅👍😁
我而家係尼泊爾3700米都係一直食海拔適，除咗有時手腳同埋塊面會麻麻哋之外都正常無事！
Oh nice !!! 好彩琴日買左
今晚開始食先！
好多ill advice 真係有用嘅係 有位人兄講嘅海拔適 。 去之前一日食， 去到食多2日 或者跟醫生指示 。 吸氧只會令身體唔學識適應 。 可以有一支for emergency but it’s not something you should use at the start. 我去過西藏同南美都係咁做 。 當時其實我係去咗昆明（千幾海拔）一日 之後先去拉薩， 令身體可以適應到
帶番事令 易乾燥 個鼻會好唔舒服 搽入面 最好有血氧機 可以check住 其他個啲去到買都未遲
之前Covid政府係咁派個啲😆同埋如果你係做開運動個啲去前一兩個星期要停一停 葡萄糖同暈浪丸去到要買 雖然唔知你打算個強度去到邊 不過就算自已無用 比啲團友都好
補充，當時 我好吾舒服，吾舒服到行吾到。有個當地人，見到我甘樣。佢即刻帶我啲朋友去買 濃縮葡萄糖水 俾我飲。飲完短暫有改善，起碼行到番酒店。你地落地可以買定。咩名吾記得，但當地一般啲賣藥既店都有。一盒有4.5 枝甘上下。細細枝。同可以落地買定樽氧。
真係食開煙既人無咩高反反應
我自己覺得吸氧氣令你更辛苦
（20年前自己去）
時間上許可可以坐車慢慢上高海拔
當然我當時係大學生冇錢坐飛機，係由北京坐火車同大巴咁去，只係唔舒服左一日。
20年前衛生環境一般，但都係一個生活體驗，而家諗起都唔知自己點解當時咁大膽。🤣
嘩，好開心呀！期待你去完之後既分享+靚相！我本身都復活節假期去但因事取消，唔知大家有無包車司機推介呢？希望下年可以成功出發！（我發覺好去西藏包車都好貴下,要努力儲錢）
幾年前同朋友去過，包車4人小隊+開車導遊
紅景真係冇用+1
去邊都慢慢行 唔好急
另外我個時就坐車尾瞓底，個人暈到出唔到聲講自己唔舒服（平時靜開冇人覺有問題
我就係好彩被導遊發現高反有啲嚴重，被即刻帶咗去睇醫生打點滴，之後嘅行程都好精神😂 所以如有同行隊友，要互相留意大家狀況
我哋都好似提早體驗老咗之後嘅感覺，行快兩步都喘氣，明明都係20幾歲😌
係我睇完醫生後變成最精神嗰個，行路個陣做佢哋嘅拐杖
無食煙，落地一小時。已經高反。2 日都高反緊，酒店職員見我得番半條命。主動同我去左當地醫院睇醫生。同行朋友有食煙。無我甘辛苦。記得要book 有氧機既酒店。血氧儀我無，因為果種吾舒服係吾洗check 你都知。你會好想走，好想番屋企。類似係keep 住微燒，吸極都吾夠氧既感覺。西藏好靚，即使好辛苦，我都會想去多次！玩得開心啲
之前有哮喘底，但Touch Wood好耐冇吸過ventolin
有朋友就互相照應啦，我去嘅時候，乜嘢頭痛、屙嘔都冇。
淨係慢、攰、斷片。
第二日睇醫生，佢寫紙俾我要我即刻離開西藏。
之後，朋友同我講番我第一晚係西藏，唔小心割損手都冇反應。
第一天不要急，慢慢行，休息多一點，會有少許頭痛，如果頭太痛，就即刻看醫生。
希望樓主玩得開心d
另外希望你唔好delete post🥺🥺
啲comment非常有用
已saved🙏🏽🙏🏽
上年去完少少分享
平時腸胃唔係好穩定嘅話，建議一定要帶定腸胃藥，因為西藏嘅食物（一般中菜餐館）都幾油，朋友帶咗燜燒罐同出前一丁去，竟然係咁多日入邊我哋食最清嘅一餐😂喺拉薩住市區酒店都仲係好多選擇，但去到其他地區酒店比較隔涉冇得揀嘅時候有啲乾糧/杯麵會幫到手
唔少景點，特別係啲湖都好大風，吹得耐真係會頭痛，有可能加劇高反嘅不適，帶頂帽披肩或者風褸，加多副太陽眼鏡，絕對有助你更加享受風景
乾到仆街，記住帶潤唇膏
去到不要冲涼先，免得感冒。先多休息，多飲熱水。停煙唔使，洒就唔建議飲。紅景天冇用㗎！唔使咁緊張嘅。呢個月份去林芝睇桃花，好靚架。
個個都好似講到好嚴峻
搞到我自己都好緊張🥲
Thanks 🙏
上年揸完電單車去西藏唔洗停食煙。但未適應到高反千奇唔好沖涼，我個陣7個人有3個人頭幾日沖涼，全部第二日頭痛發燒高反嚴重，最尾有一個要去當地醫院然後提早翻香港。我就係靠飲多啲可樂食多啲白飯我認為係有用。我個陣係頭暈難呼吸先聞氧，千奇好死頂。記得動作盡量放慢
請帶多幾筒濕紙巾🧻，你會好需要。
如果早上都已經有高山反應，夜晚建議用鼻管吸氧瞓覺，因為瞓唔好，第二日反應會更嚴重，本人經歷🫣
記得真係要慢,慢到好似整親腳噉就差唔多
買定牛奶朱古力
去完廁所企穩先好行
如果會去雅魯藏布大峽谷,最好戴頂好柒嘅防蚊帽,如果唔係你唔使食飯,食飛蟲都夠飽
红景天无用，食完心跳加快照样高反。头痛可以用止痛药缓解
行唔唔好行咁快
香港速度搞唔掂
一起身唔好即刻落床
有時間去下當地嘅茶館同啲藏族人傾下計, 聽下佢哋嘅文化