後日同朋友去西藏
有無咩要注意？
(已停煙酒+食咗一個禮拜紅景天）
曾在西藏工作的過來人：
1. 一落機行慢d，放慢自己，頭痛係正常，會慢慢適應的
2. 買支潤鼻膏，可防止鼻乾燥出血，我係買鼻可舒
3. 帶維多C，補充維他命C，如果發病，果邊無太多水果可以補充維C
4. 西藏紫外線超勁，防哂要帶SPF50+ 先頂到，帶帽，帶太陽眼鏡。
5. 唔好依賴氧氣，唔洗聞就唔用
6. 頭痛可以飲可樂
7. 高原安比紅景天好用
8. 頭痛食必利痛，頭暈聞白花油，西藏食物都好油要帶胃藥，必定長期坐車要帶暈車丸
9. 信我，帶出前一丁，你會多謝我的。
10. 可以食煙，可以飲咖啡，唔好飲咁多酒，如果無明顯高反可以沖涼洗頭（我日日都洗）
乾燥係堅！我返到香港成個月，打乞嗤都仲有血絲，另外，佢地d奶茶都幫得手，飲完個人舒服好多，好同意第5點，可以唔聞就唔好聞氧氣，最重要係慢，所有動作都放慢，留意呼吸都要夠慢夠深，低海拔人呼吸好奢侈，平時冇留意吸少少就呼已經好足夠，但上到高海拔，每一下都吸盡都只有平地7成，所以要盡用，就冇咁易高山症，學瑜伽腹式呼吸，可以幫到初起高山症，因為我一上去就連指甲都紫晒，都係用腹式呼吸調整返，全程冇聞過氧。
this post is very useful! saved!
原來有潤鼻膏呢樣野😯
天氣一乾我呻個鼻涕都流血，月頭去日本日日流😂
睇你係邊區，機場至拉薩都係文明社會，拉薩係一線城市黎，配套好足，街道乾淨，整齊整潔，去到百巴，林芝，巴松措都仲係乾淨，一開始上山，超過5000海拔開始失控，因為果d山廁所係無專人打理，廁所係起係山邊，個窿係直望到落山底😂所以你屙嘅屎屙嘅尿係直接飛落山，連落地聲都聽唔到
飛落山都仲勉強可以接受，聽人講過話會堆好高，我好驚會見到呢個場景所以一直唔敢去
驚督屎搭好高可惜d
定錯過係世界最高 5200 海拔既郵政局 寄一封信比你愛既人 / 家人 / 自己 可惜d~
🥲呢個moment可能我對督屎塔嘅恐懼大於對美景嘅嚮往，暫時係咁，以後唔知