從來未試過開post講一間餐廳。
屯門依間泰國嘢食到我手都震埋，完全挑戰緊我道德底線。

尋日同女朋友做完gym搵食,行行吓見到依間泰國餐廳。
我哋去到已經差唔多落場時間,少驚老闆是但煮比我哋,本身都無抱好大期望。

快手叫咗個海南雞船河加雞肉加肥牛。
碗河粉一嚟到我已經心知不妙,
你點估到一碗湯河最出眾嘅唔係佢個河粉,反而係肉。。
我只係加兩份肉,老闆你比咁多我你良心過唔過意得去?你真係唔驚我食完呢餐之後每次都嚟打劫你啲肉?定你做生意真係為求打個和?
目測依碗最少有40g以上protein,我同慧芳都食到lamlam脷,我仲要食唔曬要分啲比女朋友先得。重點係佢只係80蚊,無得投訴=.=。
我女朋友叫嘅冬蔭公蠔仔湯飯就無乜特別,反而泰式臘腸炒通菜成碟菜偏清淡,幾啱唔想水腫嘅佢。

總結:gym能食厭雞胸飯可以一戰。店名有人想知再講。

本身以為慧芳係你女朋友個名🤣

每個人身上面都有一個慧芳🙏🏻

睇相都感覺到你手震

雞龜骨滾羹

D相震到咁
師兄柏金遜睇左醫生未？

扮㗎 可以做少啲嘢呀嘛🤙🏿

垃圾文

屌你 今時今日仲有人拎K700i 影相

舉鐵舉到手震，辛苦你啦師兄

明明我嗰日操腳

泰發 屯門元朗同九龍城都有分店🙂‍↕️

就係元朗兩間分店嗰間泰發？

泰發個海南雞好滑好食

我就覺得還好 純粹想講佢個份量好大！

從你既相都感覺到d野好食到手都震埋

好唔好食就唔講了 但手震就真嘅🫨🫨

係盈豐？

無錯呀

由佢開業開始食 幾正宗

師兄手震要醫😭