📌 復活節同未婚妻帶雙方
共 73 條紀錄
復活節同未婚妻帶雙方爸爸媽媽去冰島玩10日 。親家們素未謀面，有冇高級大人比下求生之道？
Background: 我爸媽住英國。之前未訂婚又唔好意思介紹佢地，所以今次係第一次見面 。
素未謀面你都敢一齊去旅行仲要十日咁多
睇怕你都係胸懷大志嘅人
無嘢難到你
根本連呢個post你都唔使開嚟問
照顧好你未來老婆就夠，你老婆先係未來一齊過日子果位
四大長老啱傾就係Bonus，唔啱咪算，反正咁遠路，日後都無乜機會見
本身諗住如果一世人只去一次冰島，就一定要順手帶埋佢地 😭 訂晒野先發覺出事了
可以錢解決嘅問題都不是問題！
可以book車book tour就book爆佢。
記住，你和女友所有討論都唔係搵對錯、誰是誰非，而係一齊去解決問題～
另外，冰島旅遊網站幾幫到手，
可參考下：https://guidetoiceland.is/about-iceland
仲可以用呢個網站book tour
帶自己父母去旅行：難度5星
帶人哋父母去旅行：難度10星
帶兩家父母去旅行：難度30星
帶兩家父母冰島旅行：難度♾️
(5星為滿分)
建議join local tour🙈
冰島唔係人人啱玩⋯⋯🙈
家族旅行要避免揀冰島
最好唔好一齊去
分分鐘婚都結唔成
我媽咪成日話 同親家保持美麗嘅距離係最好
唔好太熟 大家客客氣氣都可以
過時過節 透過我同老公互相送下禮就ok
同未婚妻夾好自己睇自己長老，prebriefing 唔同人有唔同生活習慣，叫四大長老咩都要人一忍，當俾面兩個初級成年人
心理建設都非常重要㗎
今日即刻prebriefing 🤭 thanks
睇嚟將會有旅行連續劇睇…
10日去冰島…真心勇
帶埋素未謀面嘅長老… 勇x♾️
樓主記得報平安😂 祝福你
2日Tour好似有啲少…
報多2日外判工作穩陣😂
趁仲有時間去viator望下有冇團啱join
自駕… 唔識講
左軚唔多慣，仲要雪地….
後備用：
Save定多幾個當地住嘅司機，
有咩事用錢，包車解決
Quote定個價先，未必用嘅
個邊冇uber 架…
第一次見面就旅行，仲要日對夜對24*10=240小時，未訂機票就即cancel, 訂左就good luck
今次真係我都只可以同自己講 good luck 😭
冰島超多大陸人去，當地會唔會有華人開嘅旅行社，有的話就跟團啦，減少好多磨擦
有 book 一兩個 local tour🤞🏻見到面唔對路就再 book 多D 😂
10日冰島...... 你份人咁勇，我真係祝福你。
頭一晚扮壞車
迫晒四大長老公路吹風20分鐘
之後佢哋四個就會好團結
僅供參考
你地之間揀一個人，其他 5 個人一齊喺冰島做低佢
呢 5 個人就會因為有共同利益/犯罪既把柄而成為最強最緊密既伙伴
我每年都會搞家族旅行 一行7人咁（包括我媽 老公父母同呀姨＆姨丈）都有同佢地去冰島14日🇮🇸、澳洲塔斯曼尼亞+墨爾本13日🇦🇺
係plan行程前當然要先問佢地想係去果度想體驗到d乜🦭🦜🍞唔好大細超得一邊enjoy個trip。
例如：我媽去澳洲唔食蠔，但我老公屋企人好鍾意食，我都會搵d海鮮餐廳，可以滿足到奶奶，又唔會得失呀媽。
不過我覺得旅行食/買/玩/睇既野都事少，因為長老有野做，當日行程完左，返到民宿/Airbnb 既2家相處問題先係最大🥹
1. 因為平時都唔會見面，所以2家人見得最多既最少公因數就係你地2公婆，事無大小都會問你地，一個問題可能由唔同人問3-5次。所以最好有個whatsapp group 一次過將d行程時間/景點簡介/餐廳menu，掉哂上group。
2. 另外出去食野冇乜問題，但係返到民宿煮食先係問題，ps班女人係問題。由煮咩食，去邊買，點樣煮，邊個煮🔥最好都分配哂工作，唔好俾一邊指揮哂，亦都唔好乜都唔做唔幫手。
你唔會諗到就算簡單食公仔麵，都可以分一次過煮10人份/2份2份煮/落埋粉一齊煮🙈🙈
個trip一開始你地兩公婆可能會少me time，因為都要照顧自己果邊既屋企人。但都要搵時間讚下對方當日有咩做得好。因為你地都要enjoy個trip～
最後仲有一樣好重要既野，唔好期望2家人去完旅行就變好friend，其實個感覺只係參加美X華歐洲十日八國12天旅行團咁既氣氛。大家互相尊重同保持禮貌，保持輕鬆既心態就會work到。
加油
唯一解救之道，去到 hi 完就 bye，三個 party 分開玩
有酒店就吾好Airbnb簡房係危機
呀媽會唊仔醋 take care老婆之後要對阿媽做一樣既野，例如夾完餸俾老婆夾俾阿媽 影完老婆影阿媽 扶完老婆扶呀媽 去買枝水都吾好忘記預埋其他人
要堅持頭嗰幾日💪🏻
仲有，飲食習慣了解下 太吾一樣既話幾餐分開食可能仲好
要同未婚妻夾好 要佢明白今次係孝順仔囡trip 我哋呢啲歲數同父母去旅行嘅機會唔係得返好多次 好好珍惜！提早同女朋友心理建設 有咩唔滿意honeymoon補返
最後如果呀爸係隊友 應該可以平安渡過🙏🏻
好彩全程酒店 希望每日都有少少私人時間. Good call to 咩都做一份比阿媽 🙏🏻 應該會有幫助 。各方都有一個隊友一個豬隊友 😂
我都試過親家旅行團 meet the parents 澳州外父外母，同香港父母+佢哋再婚伴侶 八個人日本關東遊差不多十日
plan嗰陣我都覺得壓力大到想嘔諗起就頭痛，但最後結果還好。
我地本身住喺日本，對去嘅區域有基本認知，可以處理晒翻譯同溝通。plan嘅階段要問曬所有人有咩期望有咩想做，知道大家都會話無所謂但其實有所謂😂 開個excel砌行程，盡量滿足要求，再share畀所有人，如果有時間就畀佢哋睇吓有無異議。如果無時間，而佢哋話無所謂就就咁去。
到真係旅行既時候我係導遊角色，講解/翻譯/同酒店溝通，老公主要揸車同support。可能因為大家第一次見，所以都會自覺啲😂全程都無無理要求或者投訴，中間因為天氣影響有啲嘢要臨時轉，但最後順利旅程完結。
因為你夫婦係成個團嘅中心連結+你initiate咗呢件事，所以除非有邊位成員有去過冰島/好熟，四大長老係會fully depend on你哋。
- 要plan每日行程係基本，唔好預太緊湊，留翻啲時間buffer
- 問定大家有咩想做，盡量滿足
- 同太太傾定大概點分工（eg邊個睇Google帶路）
打到呢到先見原來樓主過兩日飛😂 加油，未必係你想像咁差嘅。我完咗個trip係攰但整體感覺都OK，如果有機會都會想再去，畢竟父母年紀開始大。
見有人話，最緊要照顧未婚妻👍佢先係同你結婚嗰個，長老分隔兩地其實無咩機會見。
咁已經安靜唔少咖喇⋯
減少共聚嘅時間
唔好講太多話題
結左婚 都唔夠膽 帶曬兩邊長老去
老人家 一定覺得自己仔囡蝕抵左
兩邊都唔討好
行程安排得smooth d
就算失預算
兩個後生都唔好係老人家面前鬧交
自己盡快搞掂
希望兩邊都係無所謂 睇得開 大方既老人家
Btw 佢地兩邊都係I人既話
佢哋唔會有事
只係你踢唔郁佢地🫠
#我四大長老都係I到不得了
我情願係I到不得了 🥹 我地各方都有一位係有個句講個句，唔經大腦嘅
去冰島玩咁大
唔岩牙就響車度困獸鬥
祝你好運
另外樓主要人救命講聲
咁岩easter我都響冰島🤡
好難想像你哋到時响冰島咩情景…仲要互唔識😅
我帶自己媽咪爹d去澳洲8日，有幾刻都想反枱🤣
Btw勇者無懼 💪🏻
我都未想像到 😮💨 8日澳洲都 not easy
又貴又沒有什麼地方好玩。一杯Starbucks 咖啡美金$13。帶多啲錢去就是
What!!! 素未謀面就帶兩家父母去旅行，真係玩死自己，我兩家識都唔敢敢做。還要去10日咁耐，真係good luck!!!
師兄, 我都犯左同一個錯…神隊友定豬隊友就睇今舖.. 共勉之! 😂😂
大家就住玩，頭兩日握晒手，隔兩日嗌早走。
現實大把朋友好地地去旅行都有拗撬，good luck!
結咗婚都唔需要四大長老一齊去啦，仲講未結婚，仲要10日咁耐。
大家各自搞掂自己父母 你預左自己今次係做苦力 司機 導遊 攝影師就得 唔好預自己係去玩
你系有咩睇唔開，點解要兩家唔識仲要系長輩一齊去旅行😂😂😂
雙方都要有決心同sense 湊掂自己爸媽，出發前叮囑佢哋，有咩私了，唔好擺上臉。但又唔使過份熱情，最後做唔做親家都好，始終都係兩個獨立家庭。唔使開個大group，因為佢哋無！需！要！交！換！電！話！
係咁多先，希望幫到ching 🫡
試過一次 個時結左婚
我奶奶當住面同我媽講 話覺得佢個仔好中意同我邊親戚玩
話覺得佢嫁走左個仔
問都唔問亂黎拎左我枝牙刷用又冇問題
臨尾兩日我屈到喊
上面人士講唔好做既原來做哂 太恐怖經歷