復活節長假留港消費
有五日假期想捐窿捐罅去d小店
----------
1. 西貢Frenchy Cafe法國佬烘焙店
呢間我冇親自去，但咁岩鄰居去咗西貢，我介紹咗呢間舖比佢地。多謝鄰居既餵食，佢請我食咗舊flan。佢地話另外買既黑麥軟包都好好食。

2. 佐敦永安
相信買野既話，大多數年輕人既選擇都係去大商場。永安可能比人感覺好老餅，但其實佢有好多特色野買！
廚具嗰層有好多好靚既廚房用品，有William Morris同Gustav Klimt既枱墊/托盤。仲有本地品牌「島嶼製作」既木製產品。
地下basement既超市主要賣進口野，由其台灣調味料/外國產品。講起本地製造既醬料，大家比較少聽到既冠珍醬園都有。 可能唔多人知，呢間醬油廠已經有成100年歷史（1928年創立）。

3. 大角咀Easyjoe
雖然唔係第一次幫襯，但呢個pizza係第一次食。講明唔頂得順blue cheese陣味千其唔好試，但芝士控既我就覺得好正。pizza上面淋咗蜜糖，加上個底係薄批，鹹鹹甜甜咁，唔會好漏。
作為養開寵物既人，好欣賞佢地有係舖頭貼狗狗領養既資料。店主都係愛狗之人，想幫助更多流浪動物。

有字數限制，未打完...
如果有興趣領養狗狗既話，歡迎聯絡 @easyjoe_hk 了解更多，比浪浪一個溫暖既家 🫶🏻

謝謝推薦♡

二世祖同永安都正，佢嘅廚具部的沙煲甕撐大小用品相當多選擇，床上用品又系，再逛埋地庫食物部，可消麻一個下晝，又真係買到野，佢啲貨好耐用！
我就會去下九記食牛腩河通常3點後去，純便行下中上環，逛下活化後嘅中環街市，灣仔都幾好行，食下車仔麵之家，然後買杯咖啡嘆下，假日應該唔多人，好好逛！

多謝推介！🥹 Threads 呢兩日好多留港消費嘅post，太好啦！！

若果單計行公司，啓得sogo真糸冇得頂：擺設宽敞，人流稀疏；可能冇生意，d sales態度好好，而且容易有額外折扣，同一件貨品，一定平過銅鑼湾店；而且每層在偏侧地方都有地方可坐低抖抖或㩒下水飲，所以最近都不断去啓德崇光幫趁。

佐敦永安我係常客，經常買倒嘢😄介紹你下次行吓裕華，貨品其實冇大家想像中咁老餅，至於賣中式傢私瓷器嗰幾層，當博物館咁樣睇都幾有趣

我有行過賣衫嗰幾層，但入到去好似去咗博物館咁，賣緊襟衫、毛澤東裝嗰d😂 連我呀婆都嫌老
但我見佢有d女裝絲質衫其實都幾抵

衫就唔多啱睇㗎喇，佢有幾間young少少嘅舖，賣背包、旅行袋仔、遮同雨褸，都ok嘅

永安多嘢睇我都好認同呀！上環永安我都久唔久會去，尤其是係運動服裝嗰個Section，經常都有做減價

至於永安，3間分店經常光顧，前晚和昨天才在上環，油麻地購買日用品和零食……留港消費，我一定支持

家品部太正！托盤我在上環店已經入手（上次買有折）

永安真係好耐冇去了