心情太差 發癲 1999勿插

點解我跟男朋友講電話就是「玩死佢」
我知道佢要返工 我都儘量早call完
話我呢樣嗰樣 我已經好努力 儘量符合你哋（父母）要求
我10:15pm係你哋屋企 你又話我「晚晚chur死佢」
大佬 我11pm先會自己走 反而佢可以係屋企即刻休息
我特登走到咁遠黎搵佢 你話我「chur死佢」？？
我就係就佢唔洗特登出黎香港島wor
你話我做咩？？

然後 係呀 我有抑鬱 咁我都唔想架
你哋日日話「唔該你快d好返 fix你d情緒issues」
我係男朋友手機見到你話「叫佢快d fix返好情緒 咁樣先對你（男朋友）最好」
大佬 我都想佢好 難道我唔想？？ 唔通我特登抑鬱去害佢？
我明白你擔心我既情緒會影響個仔
咁但係我都唔可以一朝一夕改變到冇抑鬱？？你當我超人

日日不停咁話我「玩到佢死」「快d fix返」（隱隱約約話我玩死個仔
我愛佢 我亦想佢好
我咁樣真係好大壓力 每次同佢出街 講電話 我都驚同大壓力都痴線
唔知幾時佢哋又話我咩咩咩
好似做咩都錯咁

明明我同男朋友先係關係裡面既人
你哋倆公婆… 搞到我哋兩個成日壓力爆棚
情緒波動越來越大

我同男朋友都經歷好多 兩個都一直唔放棄對方
我唔想依家因為爸爸媽媽而失去彼此
究竟可以點 只能望所有野慢慢變好。

建議換咗條仔，經歷多唔代表啲乜，重點係夾得舒唔舒服。

一係就從此無視佢老豆老母用返你兩個舒適嘅vibe相處，不過睇你行文又唔覺你做到。

都係換人吧啦🙂‍↔️

感覺你男友都係企係佢父母嗰邊比較多，如果你以你男友為結婚對象，你自己真係要三思一吓 ( 真係擔心你情緒會惡化落去 )

其實就係你男朋友太弱勢，佢父母先會講到咁多閒言閒語～～～你男朋友淨係識迴避，個情況唔會有改變🤷🏿‍♂️🤷🏿‍♂️🤷🏿‍♂️

但係佢爸爸真係超強勢 連佢媽媽都唔可以反擊… 我都體諒男朋友唔可以反擊..

人哋父母睇你唔順眼
搞到你辛苦之餘
你同你男朋友亦好難長遠行落去
不如揾過個屋企人冇咁麻煩嘅男朋友啦

但我真係唔想因為咁樣就放棄/失去佢

唔駛理佢父母咁多，佢父母擺明唔鐘意你，就算你好返晒佢都係會唔鐘意你，最重要係你男朋友點樣

結婚除咗兩個人都要睇埋對方家庭 自己考慮清楚🫡

你唔會控制到人地鍾唔鍾意你，你可以控制到既就係盡量少同佢地父母接觸，少d上佢屋企啦，你好想見既咪去佢公司樓下接佢收工，自己控制到情緒既就唔會抑鬱啦，要睇醫生架

好明顯佢父母唔同意你黎佢地屋企，咁你就唔好去。11點太夜，你男朋友唔休息佢屋企人都要休息。

我都尊重佢爸爸媽媽 係去之前特意問左媽媽先～

你男朋友係自己住？定同父母住？真心如果我有個另一半成日都要嚟我屋企直到11pm先肯走嘅屋企人，我應該痴咗線，因為我嚟講你係外人嚟。冇人會想自己屋企成日多咗個外人。「chur死佢」其實藉口嚟，建議你哋date唔好再去對方屋企，或者男朋友早日搬出嚟自己住。

唔係呀 我好幾個月都冇去佢屋企 剩係嗰晚za
平時話「晚晚」係講緊講電話～

Then your man should make a choice. 人通常會拖泥帶水或者含糊不清，係因為唔知自己嘅決定係啱定錯。佢冇辦法喺父母面前defense，通常係因為佢都覺得呢種行為有對佢父母造成影響，佢都啱唔曬。佢一係就諗另一種大家都舒服啲嘅做法，一係就要堅信自己做緊嘅嘢係啱的了。

你上佢屋企 最後係自己一個返屋企？？

咁我哋真係住好遠 我都體諒佢第二日要早翻工

搬出嚟住

男朋友爸爸媽媽超嚴
話未結婚唔比個仔搬走。

出去租間studio 唔好再上男朋友屋企

咁睇落你真係好痴身喎🙂‍↔️自己搵啲野做下啦 日日去人屋企 啲老野會覺得你cheap同得閒

唔係，平時係傾電話only～ 個日係幾個月內第一次去佢屋企..

認真唔開心就分啦，唔好曬自己時間😮‍💨人生好短

如果佢成日都daddy mami前後冇啲主見就諗下算
因為佢父母對你有啲偏見
一係就哄下佢父母

男朋友唔defend你？🥹

都有 不過佢爸爸family power超大 佢或媽咪講既野都聽唔入耳😔

咁樣嘅話真係冇嘢好講嘢

你咪試下唔好主動搵佢，要佢約先肯出仲要謝絕上佢屋企，出多幾次夜街，等佢個仔再夜啲返，睇下到時邊個攰啲，到時再睇下邊個玩死邊個

唔上佢屋企，避開唔見佢父母

咁咪唔好日日咯，偶然可以做下其他嘢轉換下環境

分啦等咩

放過師兄啦。