📌 忍唔住想講，白水e單
共 41 條紀錄
忍唔住想講，白水e單野其實帶出一種極其諷刺既意味
佢成個回覆係 “希望做到”：
- 提倡女權/反父權，反性別不公，
- 指出對方製造性別對立係危險，
- 肯定男性困境，男人都需要關心
但實際既效果係完全做唔到，甚至相反：
- 男人呻會惹黎受支持既說教，女人呻反而唔會，成個論述 itself 已經體現緊性別不公
- 男人提出男性困境，惹黎女性都有困境/困境更嚴重 etc. 既論述，直接demonstrate左性別對立
- 原post男人表達情緒求關心，end up 白水成個回覆同討論都只係令到d人開戰，冇人去關心原post既情緒，
一口肯定男性困境，一手遮蓋男性困境
基本上個良善既意圖冇一個係做到，
而e個問題本身唔關白水事唔關荼毒室事，
e個係普遍女權人“提出主張”嗰陣，都好易呈現出黎嘅現場🚬
最後都judge係男人責任
不過要保住啲妹豬fans係要咁嘅
Btw 好撚match 泥菩薩呢首歌🥹🥹
人為了行善 做好事 卻在途上做遍惡的事
菩提樹下鋪着全是血衣
純白到成佛並不易 惡行其實由善念開始
我總因愛幹壞事 下毒手出於仁慈
https://youtu.be/GLHUzvH0k0s?si=PAMa0gX1nXmn3yb7
「多一根苦一生」就係借啲依表達緊男人好慘，女人唔慘，個個視而不見，我都講過我作為男性既困境好多次，我又真係無比人批評過，因為我無同女性對比，仲要咁撚陰險
單野真係好睇得出好多人係難以認識普遍性同特殊性既關係。
當原po表達「男性有男性困境」類個普遍性後，佢其後為自己個po賦予嘅特殊性「女性無女性困境」自動被忽略左。結果就係白水試圖同時指出二者時下面自動就此開戰。
A：「我好肚餓！就黎餓死！屋企好窮，我無飽飯食！」
B：「拿，呢d係資本主義社會對你既剝削，我知你好肚餓，但你要明白點解你比人剝削先得㗎嘛🤓」
「B講得好啱！你地鬧B既全部都係hater！資本主義萬惡！」
覺得原po講頭四句，的確係表達緊自己作為男性遇到嘅困境：「男性嘅情緒經常被忽視，缺乏渠道傾訴」
但係佢用後兩句作結，成段文嘅主旨就變咗「做男人好慘呀，女人就easy mode啦」
我都相信水老師並唔喺要立壞心腸（真心）
可能一切都係佢嘅計算之中，犧牲自己，引起大眾對父權嘅討論同反思
關白水事
表達方式有問題就會變成咁
而佢作為一個推廣普及哲學嘅人嚟講
以佢嘅學識應該係處理到
但佢揀左最差嘅說教手法
原post求關心，其實白水講乜都好，係咪都應該有唔少人可以表示關心？
如果要入白水，我諗「每一個回帖既人」無比到關心，都應該大大力去屌，但你無講
你講到帖主需要關心，但現實唔係…咁你有無pm帖主同佢傾關心佢？ 你寧願花時間同精神開一個帖，都唔係用於事主身上，何嘗唔係一種偽善
香港人就係咁，大大粒花生炒到慶，都無一個人真正令事主得到需要既關心（假設佢真係需要）每一個人都係偽善，包括「你」
事主睇到啲回應都係唔係關心佢既，你覺得佢點諗，下一次真係有需要會唔會求助？
請問，你老老豆豆，pm左佢去關心佢未？
傾左幾多句？ 唔好出黎撚化呢個果個
真心你都無做過乜，咪又係炒花生
唔好講呢次既事主，呢啲事日日都發生緊，你有無關心過佢地，男又好女又好？
定係你其實都係只係食花生？
唔止你㗎….9成以香港人都係咁…偽善
其實可能未必有你諗到咁複雜。好可能係佢一開始get錯左樓主想blame女性，咁佢咪直接指正返樓主blame錯左，要blame嘅係父權社會。如果佢get嘅野係正確，指正樓主blame錯就合理(假設父權社會係真正嘅cause)同合人情。
但係樓主並無blame女性，結果比人話打稻草人，但白水又死唔認錯，仲扭曲到話咩佢原本reply嘅對象喺普遍blame女性嘅群體，所以咪變左說教咁，用回應普遍現象嘅野去回應個人情感，d人咪覺得佢唔共情係度說教。
白水係咪真係get錯，我唔肯定，但肯定嘅係佢嘅所謂澄清係詭辯。明明係回應緊樓主，例如反覆用[你]字呢個第二人稱，如[有啲就係你所講嘅關注], [我明白你係有你嘅困境］，但面對稻草人指控，都要死撐話其實係回應緊一班怪女性嘅人，將回應嘅對象滑轉。完全係侮辱人嘅智商。
我只係見到一個現象
成個post 俾佢騎劫咗，個post個L個係度講男女權。（後續引發討論無問題，我係講緊佢騎劫咗人地post的行為）
到最尾有邊個關心樓主？
白水講野有無錯。可能無錯，但我基本睇都唔想睇，至少果一post，樓主需要這種認知？鼓勵安慰完佢，等佢重新振作再黎說教啦
時機錯9晒
我一向都話，女性主義者係一班好出色嘅自我實踐預言家。
#永續社運
女人呻都會俾人話佢點解唔分手/離婚嘅(雖然比例冇咁高)
你地又太美化女人
男性女性或者加入多元性別
本身就各自有獨立既困難/問題/處境,
講男性有咩困境絕對唔會造成任何對立關係
我係窮 呻自己冇錢 有錢人就好可以食好野
呢個當然係同任何比我有錢甚至富人比較
但比較呢個行為本身唔帶有任何負面意義
亦唔代表我怪罪緊任何比我有錢既人
白水既言論只係喺我呻窮果陣
叫我唔好怪有錢人 應該諗下資本主義造成咩結果
我唔否定佢既觀點
但至少佢係曲解左原PO本身單純抱怨 甚至可以話只係陳述
自己生為現實男性面對既困難
而呢樣亦係白水本身都肯定左係父權社會的確會造成既問題
但佢認同既同時都做左原po "no one fking cares" 既一員
當然其實亦唔係罪大惡極
佢既原意可能只係想大家多d留意自己跳緊果隻舞
但就不合時宜地搶左人地原來想唱歌個舞台
去表演自己跳舞
其實有冇可能樓主只係想呻，comment句加油就可以move on，咁大段又男又女嘅comment完全係唔知做乜9
佢仇女又唔講 如果成個討論去連登個風向就倒返轉
咁事實上當時樓主著眼點係講緊啲做男人幾慘 但事實上宏觀啲睇 其實兩性（sorry依家仲有跨性別)同樣都有佢地要面對既問題 我相信當時白水既留言係想帶出依樣野
如果樓主試下講求安慰可能會有人氹呢 不過對方未必係荼毒姐～
其實女人呻都會引起說教，成日都唔明點解要對住人地說教，我知你真係好叻好成功讀好多書，但人地唔需要你嘅說教，人地只係想呻下，尤其我係女仔我更加明，有時我放工同男朋友呻，我男朋友大多數都係安慰我，但我知有啲女仔嘅男朋友只會同佢地講道理應該點點點，但其實我啲女仔fd都有自己諗法、都會handle到，白水唔係佢父母唔係佢老師，唔需要教佢點思考，更加唔需要喺佢難受時教佢思考
其實就咁講做男人好慘冇講到做女人都好慘已經係性別對立。依家係咪講每一個嘢都要100%咩都啱曬？只係發洩自己耐心嘅諗法就唔可以講出嚟？
其實咪直接反映咗男性點解係hard mode, 講出黎就會變成錯.....
如果原post無d咩「噓寒問暖」、「多一根苦一生」嘅講法，會多好多人共情。
其實兩邊都有問題，原樓主呻還呻，拎女人出嚟比較做乜，痛苦呢樣本來就冇得比。白水講嘅內容冇問題，但係原樓主本來就心情唔好時走去解釋就有啲不近人情，將心比己邊個人想自己唔開心時仲要俾人說教。
我睇唔到有乜理由要assume 白水真誠地帶有善意 或者 呢一段事後講講既就真係佢原本intention.
also 佢由頭到尾都無關心過原Po. 只係有say sorry. (順手鞭多兩鞭)
佢唔係第一日做Kol 啦. 上文提到既負面影響, 佢應該要諗到. 如果諗唔到咁佢 思考質素真係差咗啲...
最大問題喺啲人唔識睇氣氛/無social etiquette
或者覺得threads係無需要social etiquette
誰絕對無害 像天使? 我未成佛 誰又是天主?
間中因愛幹壞事 但動機不必懷疑
臨死總計 得大過失
為何又要羞恥?
這是新正義
睇咗另一邊話成個脈絡
多一根苦一生係回應返女權最初提出嘅多一根爽一生
如果佢係親身示範社會實驗既話
佢好撚成功咁引證左原po主既諗法🌚
Cm入面個班「反駁隊」仲懶醒咁說教原po主🌚🤭🤭🤭
師傅有情緒困擾不如搵社工/心理學家/精神科醫生？
網上鳩叫同埋怨女人幫唔到你同佢幾多講真
根本成個channel 本身都係一堆垃圾，睇過幾堆，拋下理論，為吹而吹
老老實實，想引發思考同健康討論，可以用「性別定型」易入口啲，一黎就「父權」又曖昧或者陳義過高，拋書包說教，唔係個圈都唔知你講乜
其實個問題點會單純係父權咁簡單，但呢個藉口太方便啦
無論男人定女人，開post呻但又無point就係開戰料，就係咁