📌 想問下啲讀書好勁嘅人
共 47 條紀錄
想問下啲讀書好勁嘅人到底係點溫書
因爲我其實由細到大都唔識點樣溫書
我只係將課文內容同lecture notes一嘢抄曬落筆記就會覺得自己做咗好多野咁
然後就死記硬背
which 我知道咁樣係超級唔efficient+effective
但係我搵唔到其他有咩方法可以學得快同記得快
始終上面嗰個溫書模式已經習慣咗 有啲難改
所以想請教下入到大學都可以讀到易如反掌咁嗰啲人到底係點溫。。。。。
咁多版ppt喎？我而家asso就話死記硬背都仲應付到啫
入到u點算😭😭😭😭😭
請大家救救我😭😭😭😭
理科人
先唔講溫書
如果嗰科有興趣
未上堂就已經會睇定嚟緊教嘅一課
當然會好多睇唔明
咁就 mark 低 到上堂時問
會學得快好多
咁溫書時就主要 check 下自己係咪真係明
例如做下卷睇下識唔識
唔識就睇返明佢
識就練下認唔同題目嘅答題技巧
其次係需要死記嘅嘢就用方法記
例如 chem 要記唔同金屬嘅 reactivity 就
甲臘蓋美女 -> 鉀鈉鈣鎂鋁
又或者作啲好 on9 嘅故仔串埋一大堆嘢
例如要記住 abcdef 呢幾個英文字嘅次序
就 apple 個 boyfriend 隻 cat don't eat fruit 之類
另外難明嘅 concept 會試下寫/畫出嚟
明咗就記住幅圖佢
本身寫/畫嘅過程都會幫到你加深記憶
最後最重要係要夠瞓
夜瞓唔緊要 瞓晏啲就得
嗰陣我仲會堅持每日去自修室之前要去茶記食個早餐
一來可以確保11點前要去到
咁就會準時起身
二來食飽先有力溫書
希望以上嘅都可以幫到你
最最後祝你順順利利
1. 每睇完一課書，in your own word 寫份note 出嚟，唔准抄書。
2. 將note 再簡化，用一疊index card 寫重點。
3. 搵個同學你解釋課文畀佢聽。唔識解釋即係唔係真係識。
4. 錯題簿，收集做錯嘅題目。
溫PowerPoint先
然後叫AI gen mc questions操練一下順便背埋
跟住用白紙將每一課大綱背默一次 然後再嘗試用精簡嘅字句去細化個內容 然後對一對有咩錯漏 跟住一直用呢種方法累積啲白紙 到考試之前就只溫白紙
最基本嘅道理：
叻嘅人，學新嘢之後，唔係靠死記硬背，而係理解：時序？形成原因？演變過程？影響因素？可能出現的結果？
明白咗過程、邏輯，就較容易記得每一步、每個細節，熟習咗個思考模式，就可以用喺類近嘅課題。
上堂老師派嘅、講嘅嘢，已經係簡化咗嘅嘢，學識用一啲 圖像組織（graphic organiser）方法幫你梳理下前文後理，記低老師講嘅嘢，唔好依賴電腦/app 去幫你整筆記，因為佢整完出嚟你連佢有乜重點遺漏咗你都唔知，只係靠電腦/app 去整筆記，學到嘢嘅只係電腦/app，到做功課、考試時你望住堆筆記你完全唔知發生乜事。
我自己一路聽lecture 一路思考，腦內組織一下整個脈絡，例子可略，用自己既文字整理資料，你慢慢會發現Lecture既結構，將呢啲內容變成點列、腦圖，用你方法整理筆記，之後你唔洗再重新睇Lecture Notes，只係睇自己既Notes就可以。
講天份的，你由合格到攞B Grade，可以靠努力。當你見到d 人4.0 GPA 又唔洗點温，你就會像我脫離這個學術伏，專心儲錢。
1. 滾雪球 (snowballing)
人嘅記憶好似雪球咁，由細滾到大
所以一開始搵你最有興趣、最易明嘅topic入手先，之後慢慢再based on已知嘅嘢問上去，咁就會慢慢累積到
2. 圖像化
將理論用圖畫/故事形式描述出嚟
咁可以喺腦海形成一個畫面
方便理解個概念
3. 用比喻
比喻可以將複雜嘅概念簡單化
每次諗起啲theory就會簡單咗
4. 搵重點
無論咩科 咩系 幾難嘅嘢都好
都係由唔同嘅知識點建構而成
嗰啲知識點可能係definition 可能係concept
只要你掌握到呢啲重點 咁其他枝節嘢就只係呢啲重點嘅引伸 變相記少好多嘢
5. 先理解再記
人對冇意義嘅嘢係記憶力勁差
當眼前嘅嘢你唔明 對你大腦嚟講就係冇意義嘅嘢 所以要明咗啲嘢先
eg. 叫你記3847474848 vs
0123456789
9876543210
一定係後者容易好多
因為後者係有意義嘅（由0到9順序同倒序）
至於點先叫做理解到 就係你可以apply落去啲題目到 喺唔同情境都應用到
6. active recall & learn from error
直接做題目+問問題考自己
依個年代有AI
唔好send file得直接Send一句幫我整 就叫整理
點整理
整理到咩程度
咩目的
你要寫清楚比佢
建立一個專for你讀書嘅system
以上問題你可以搵AI問
一步一步建立
唔建議問POE
你問返D有料嘅AI
建立System你可以用Claude code
無的，人地醒點讀都勁，呢㕷讀書習慣之前已有，後期好難改。去到大學仲死記爛背搞唔掂，課程太多。
如果讀mkt major 或者其他business course，可以用AI 整flashcards 幫你去記啲好重要既concepts，但唔好太依賴AI，因為始終要靠自己思考過真係明嗰concepts 會容易記好多，好老土，但好建議你多啲睇business case 或者上網睇搵相關既marketing campaigns 當故事咁睇你會更加容易記同埋for 你之後寫文嗰時會容易啲apply 返出黎，因為mkt 唔係真係純粹靠亂吹水，你去到高啲既year 甚至之後出黎做野都會幫到你，唔一定要去專登睇好長既case或者新聞，其實你上LinkedIn 見到有啲人會分析campaign 或者講下對嗰brand 既睇法都已經可以用黎做參考。
如果係讀要計數既科好似finance, accounting 呢堆，就真係要靠自己不停練數，做嗰啲textbook 後面既練習，會好悶，但當你操熟左，你去考既時候就唔會怕，我見到好多同學都係衰係嗰啲計數科到🥲雖然我唔知你怕唔怕計數但好似business stat 嗰堆真係會搞死唔少人既GPA
加油🥲 練多啲就無問題! 上YT 都好多人教concept
你而家嘅方法係抄完再背，等於冇用。
讀書勁嘅人唔抄，睇完合埋書，用自己一句話講返出嚟。搵關係，兩頁之間係因果定對比，唔係分開記。輸出，默寫/教人，唔係齋睇。
你背到嘅係字，人哋明嘅係成個邏輯。
到考試，你喺度撈記憶，
人哋係直接推答案出嚟。
由今日開始，停咗抄嘢，
試吓睇完一節就合埋書，逼自己講一次。
另外，我會係整理完筆記後進行複習，複習的方式係當自己係講師，對住公仔將所有重點講解一次，講到順為止
Psychology PhD
我試過温一科好悶又聽晤明嘅，硬背咗60頁紙
其餘有興趣嘅科就張theories apply入真實例子
本身對腦部結構好有興趣，記parts就狂睇video clips
用影像，聲音，場景+其他記憶法，你可以上網揾記憶法
將重點羅列曬出嚟，用紙筆抄一次，然後先拎嚟睇明理解，最後再背誦。
所謂重點，一係就老師提及考點，再唔係past paper常考的知識點。
利申，讀u果陣係有scholarship。
理科人
Summarized, 分類，比較，把差不多相似的東西放在一起記，然後比較相同，不同或順序或相反。總之單個項目之內記重點內容，不同項目之間找互相關係或變化。再配合試題答案記重點。
最後由頭到尾背幾次。
先睇一次文，順便highlights重點，係notes寫低大綱再抄一次重點/點列/畫圖/箭嘴圖，亂唔緊要最緊要自己明，再搵ai出題，自己練習，有錯就睇返notes ，然後再練其他題型/混合其他新野。
小學雞果時會一路寫完之後，再口語表達一次，初初實講到1999，自屌幾次就會順暢，效果幾好😂
建議先看一本叫「為什麼聰明人都用方格筆記本？」的書，主要是學習如何生成有效筆記，當中也會說到一點點思維模式
接下來就是、將課文內容篩選為回答考題時的精華，再想像你要教一個外人、你要用什麼文字表達對方才聽得懂，並且能連通現實能接觸到的事物上
我唔係讀書好勁嘅人，但教過好多讀書好勁嘅學生 。佢哋>80%都會自己做筆記，用手做，寫落本簿 。盡量上完堂之後嗰一兩日做 。（當然有更勁嘅人係可以將所有嘢在腦入面圖象化做筆記，但真係唔係好多人得。）
做乜嘢？將學咗嘅嘢用自己個腦 process 一次，用 note form 寫返出嚟 。可以係 point form、table、圖象等，仲要留啲空位畀日後加嘢（所以其實最好係用活頁簿。）有啲仲會另外分開寫生字表，簡單記低解釋同埋讀音（如果係難字嘅話）。
當然學習模式因人而異（所謂嘅 cognitive styles），但共通點係經自己個腦消化同思考過嘅就特別記得同識得運用 。我諗呢樣嘢應該人人啱用 。至於有冇恆心做落去就睇施主你嘅造化啦 。
😂 讀大學先更加唔駛點睇ppt同lectures
其實要睇你讀咩科先比到建議你
同埋唔駛憂慮讀asso後入到大學後的生活住先啦
不如諗下而家點讀好asso
睇下active/passive learning嘅分別，抄書抄notes highlight notes都係passive，好難記憶
Notes愈整齊（不論係咪ai gen)，你就愈記唔入，你覺得自己明咗，但係其實未明，叫做流暢幻覺Illusion of Fluency。所以notes如果唔係自己整嘅，其實溫notes係弊多於利，裏面有好多context會冇咗，加上冇主動整理同思考，其實會更加難記
另外唔好覺得notes係必須，見過好多notes靚嘅人出嚟成績唔好，成績好嘅人唔少都無整過notes，但佢地會keep住問問題，問每一個terms嘅意思，同另外一個terms嘅分別，分類比較。
試下用題目去考自己嘅理解，答嘅過程啲concept會慢慢通，或者自己文字總結，如果有textbooks 就用咗textbook resources 先，或者可以俾notes俾ai再問ai
記規則 唔記硬知識
用規則推演出知識
圖像學習法
習慣用已有嘅理論框架解釋未學過嘅生活話題
將跨課題、跨學科嘅知識點串連
識講故仔：將你學到嘅嘢翻譯成一段故事，講比朋友，如果佢地get到，就證明你學到嘢
將學習變成遊戲：理科嘅可以做吓experiment，讀數嘅就玩desmo。嘗試將學過嘅嘢應用出嚟。雖然唔會話背書背好咗，但係對於發展self-learning嚟講，係一個唔錯嘅long-term investment
用自己嘅文字寫notes
我係數學/CS嗰邊
數學嘅Theorem 首先真係狂抄lecture note/書 但過程要去理解 去到咁上下就會get到個flow 然後就自己勁on9咁串到成個故仔去記
CS嗰邊 例如Memory/ data structure / Algorithm 全部都係用畫圖去學+温
1. 用自己own words寫notes唔係直抄，connect 唔同chapters同concepts之間嘅links
2. Active recall，每次温完當係要教人咁講一次温咗啲咩，睇下自己有咩唔記得
3. (香港教育only) 直接做exam papers睇自己有咩唔識再温
你要先了解你係邊種嘅學習風格喇
https://blog.sharecourse.net/blog/post?tid=124
知道係邊種風格（我覺得唔一定固定某一個風格，可以係混合型）就循嗰個方向去摸索屬於你嘅讀書方式
每個人有自己擅長既記憶法：聲音/圖像/行動…你feel下自己係邊種先
寫筆記係同你自己思考方法好掛勾，例如我用關係+圖像去記憶，筆記會係mind map / flow chart咁樣，或者用唔同顏色將資料分類，不停將啲概念對比/關連…玩到件事好明之後，再用AI問清楚啲概念/考下自己，最終消化出黎只會係一張cheat sheet 咁上下既野，主要用黎串字/記年份地點/常見錯誤
呢件事要定期做，唔好最後先做
其實唔係易如反掌，都花時間的
我文科人
唔應該單純抄做筆記，溫書用嘅筆記有用之處在於，你將上堂內容消化左，用自己嘅理解、文字寫返出黎，寫成自己理解到嘅系統。
因為lecture notes、書本係人地寫嘅，人地有自己一套理解方法，死背人地一套係唔work。
Engineering PhD
你要明白啲理論，唔係記得
再上高階啲就唔係靠記，你會見到professors 係proof啲theorem出嚟
理科人
未分科之前文科係咁記
落堂後用自己語言整理一次上堂notes 用唔同顏色分開唔同嘅記憶點 部分會加埋畫圖 顏色同圖像可以幫你加深記憶 到考試嗰陣可以諗返哩啲類型你習慣用咩色寫 都幾大機會諗得返
沖涼沖得勁慢嘅我會貼notes喺牆一邊沖涼一邊温習
Ask AI , what is the effective ways to learn
你要溫嘅係marketing concepts, 而唔係量化了一頁頁的PPT.
剩睇書冇用,要做多D 問題, 唔識做再睇返書, 應該點蠢都保到你入U掛, 如果咁都唔得, 你要接受自己唔適合讀書, 搵下其他技能發展
真心 見過真係叻嘅人 其實無筆記
靠睇完 個腦整理左 明左 就收工😂
連pastpaper都唔洗操
做幾份了解左個模式就ok
但真係金字塔頂點嚟
落一層真係努力温 但都好快掌握到啲嘢
我身邊啲同學都唔多做筆記 反而係重覆睇書同解題去領悟 但都考得好
我個人認為 唔係嗰種style就唔好跟佢哋嘅方法
你要諗清楚自己需要乜嘢
專心聽lecture 聽prof 講一次 再自己睇一次 已經可以記得好多 剩低嘅再慢慢溫多一兩次就得
我唔敢講係讀書好勁個啲 利申係f5
本人將書入面啲字簡化嘗試寫短佢做成一本自己睇嘅筆記 然後嘗試一段一段 一行行咁背曬佢 （本人咁樣背好曬全科幾本書🌞）但睇下你自己記憶力係咪ok個啲 唔係嘅話唔建議試呢個方法
自己整fill in the blanks
自己畫mindmap, table, chart
自己寫一次summary
自己試下講解一次俾人聽
如果你個科會易搵到日常生活事做連結會易記好多，淨係靠字母開頭都有機會你手recall memory
溫完一次其實只係當起個schema嘅concept
想記得好啲嘅話溫完之後最好操下題又或者用flash card幫手
我細個果時係背默....當然只係背默攞分既keywords 啦…開頭時係難架，但背背下記性唔知係咪好左。
我會自己整筆記
將上堂學咗+書消化咗再寫低
之後再睇都好快記得學咗咩同好易入腦