想問下大家係情緒崩潰嘅時候會做啲咩行為讓自己脫離呢個狀態？
呢排成日情緒崩潰，有啲困擾
🙏🏻🙏🏻🙏🏻
首先盡情咁喊…喊到攰就深呼吸～
抹乾眼淚 。諗吓最想做啲咩（食嘢/畫畫/跑步/自己行街靜靜/碌一日手機咩都唔做/聽歌
等等咩都得）
情緒好返啲..就要遠離會令你情緒失控既野一段時間
搵AI人傾訴下 。因為有時係唔想同識既人傾
Ok了又一條好漢 。加油❤️
攞紙筆，寫晒啲感受出嚟，諗到乜寫啲乜。唔使有文有路。好多時寫寫吓就會睇清楚自己唔開心嘅根源係乜，再諗點解決。但如果係齋嬲要呻要發洩嘅話可以撕爛埋張紙掉咗佢。
有精神嘅話做埋運動發洩，唔鐘意跑嘅話出去少人嘅地方行一兩個鐘。
唔得就睇心理醫生開藥，有陣時真係荷爾蒙亂咗你靠意志力搞唔掂㗎，我係過來人。食呢方面藥唔代表你一定係病人，你肯食藥就一定係個負責任嘅人
游水幾平靜到個人，情緒好崩潰就去感受下其他嘢，唔諗嗰樣令你情緒崩潰嘅嘢，聽吓歌，脫離個情緒先，再慢慢思考點樣解決。
想令自己脫離情緒崩潰，你首先要學嘅係認識自己同愛自己！💛 可以透過頌缽1對1，讓你慢慢回到自己，唔使再受情緒牽動。
就算呢段時間我未有公開之前，情緒都會有唔好，不過我都會要喊就喊到攰去休息、出去行下，睇吓海景、行下小山路
做啲同平時唔同嘅嘢，去啲唔同嘅地方，食啲唔同嘅嘢，見啲唔同嘅人，聽啲唔同嘅歌。
Just feel something different.
睇下twitter D大佬畫師出嘅post (例如睇鐘意嘅cp (不過其實我幾雜食咩都睇）同人圖／漫畫之類
睇完之後超爽
曬太陽～ 放空自己～ 畫畫～ 或者睇轉日落/日出～影張相💪🏻
沖個熱水涼
又好好渡過一天
睇下笑影片 笑下 會有思維諗下自己所做的野值得嗎 何必苦苦面對 還不如笑着活在自己世界
如果喊出來會舒服啲就喊出來，喊完冷靜後就要了解及面對返件事，才可繼續行落去
仲有力就搵ChatGPT分析
無力就停
專注呼吸
有得喊就大聲喊
It’s ok
攰就抖
眼瞓就瞓
聽佛，轉念，一諗到人死乜都帶唔走，就唔會咁執著，會叫自己開心啲，放鬆啲。
首先停止social media最少三日
然後可以不斷約朋友出街食飯傾計 呢一樣非常重要
狂喊 喊完會成個人會好攰跟住瞓覺
起身又一條好漢 曬太陽放空散步
即刻睇去日本嘅機票，如果你想即刻去旅行嘅話就即刻去，唔好等其他人
想喊就喊到夠 喊到攰休息 肚餓就食嘢
如果做啲運動 可以減輕情緒壓力
喊到差唔多就會攰 我宜家就係呢個狀態 啱啱一直攬住公仔喊
崩潰地高歌 認真 我有成個list
一言不合就要play and sing it loud
豬式振作：瞓覺，瞓醒覺之後會肚餓，食完嘢就唔記得lu~ 🐷
有時候寧願痛痛快快喊一場仲好，通常喊完瞓醒就會舒服啲
Open small account and then bullshit
shit on threads, idgaf anymore :)