想問下大家有冇搭過大灣區航空🥹 體驗感如何咖?
糾結緊去大阪買機票買邊間🥲
大灣區航空平啲時間靚啲 但未搭過
HK express時間差啲 仲貴啲 又驚佢超賣到時搞到啲時間亂哂
各位有冇野分享下🙌🏼
UO有時仲貴過GBA 又窄過GBA
兩間都係有機會cut你機 我一定揀GBA
點解唔坐闊啲 包一件20kg, 一件hand carry
又有茶同蝴蝶酥食🤣
你見UO多問題，
其實係因為UO好X多機
每日閒閒地一百幾十班機上落
大媽區冇咩人講因為佢冇機，冇咩航班
最大問題係出事就冇後補
UO你呢兩日見出事
都係「航班調整」，因為佢多班
4班縮到3班，都叫有得縮
大媽區好多點就得1班，
一調整就，直接取消，閣下自理
結論：兩間都唔揀
兩星期前搭過，包20kg行李冇超重，去程寄行李排咗好耐，平時搭cx都好快，上機冇派支裝水，得皇玥蝴蝶酥同普洱，我中等身材女士唔覺得d位窄
回程杯普洱等咗好耐，同老公嗰杯深淺不一，估計佢冇哂茶葉要溝稀😂😂，上機前趕唔切食嘢太肚餓，叫咗$90焗豬扒飯同$80福建炒飯，味道普通啦，茶餐廳質素
補充一句，去程同回程都有人排排吓隊先發現排錯，佢哋係搭cx但排咗大灣區條隊！
GBA 成日都亂cut 班次😂 舊年買完驚到上機先安心啲 我之後唔敢買佢
大灣區搭過3次價格包行李和時間好無問題，還有一支水
改2次航班仲改到去第二日，最後又要book多晚酒店，永不錄用
近來搭過六次。整體上其實唔差，只係改壞咗個名。😂唯一要彈嘅係，香港地勤應該係大陸專才嚟，冇乜禮貌同埋西口西面。
UO班機時間靚都取消，改早你半日，無位塞去第2日，將4班機塞落一班機都有
我會揀UO，因為搭親嘅體驗都好好
重點係航班多，真係有咩突發都唔洗排太耐
體驗真係好咩？出名服務西喎 我就blacklist左UO
上機快又順，仲試過主動幫我寄艙，廉航我唔期待佢有咩服務，但我買水買野食時招呼到我就可以，無試過比職員西，聽朋友分享都係體驗好，知道自己比緊咩錢就要返相等服務
出名西我唔知係你唔好彩，定聽到啲西客分享，樣樣當傳統航空去體驗服務啦
利申，有特價先買，否則會考盧返傳統航空
GBA屌多過讚
如果覺得自己好運都可以搭下
我就唔會
東京去程48小時前被grp落之後一班 應該係個期啲機要定期檢咁上下
事前成個星期有cut 問佢CS部佢只係回應叫我睇機場航班牌
古天樂蝴蝶酥好好吔
降落個一吓好震
東京回程個陣 當地地勤要我寄埋一隻細登機行李 （原本諗住閘入面買最後一波）
冇追加費用 佢計總重量
最後候機室勁嘈 成田閘口遠到爆
打橫行到最右
而UO打直去到尾
啲位闊啲 有小食同枝水派
有包寄倉行李
搭咩航空都有機會cut同改
搭過一次啲crew好有禮貌，專業，係年紀大啲，同埋日本個櫃位係臨時的，但架飛機都好舊，同埋機型有啲驚
已經搭過4次大灣區航空, 新淨位又闊, 開始加USB 插頭比人用.
睇你想坐A320、A321（UO）定係B737（HB）
飛關西機場嘅話，廉航可以揀Peach （MM）
一日未起飛
一日都唔知道你班飛機唔會俾人取消
飛機上面冇乜特別,都係同UO 香港航空差唔多,落到香港就一定係搭巴士搖吓搖吓先返到嚟T1用嘅時間會比其他行公司多.
舊年CNY搭過GBA，d位舒服&寬過UO，會派水，來回程都準時。 online checkin兩人派位會一齊，唔似UO特登分開。
飛前都擔心會delay，因為網上話GBA唔夠UO多機，有事會勁delay，但好彩咩事都無。
第一啲位闊過UO
有杯嘢飲有蝴蝶酥送
最緊要係有時連埋行李都平過UO