📌 想問下大家結婚對戒應
共 49 條紀錄
想問下大家結婚對戒應該男仔比錢定係兩人平分？我諗住一人一半但係屋企人話應該男家比埋⋯
作為超獨立自主又結咗婚嘅過來人，冇「應該」邊個比，屋企人可能有啲傳統觀念地覺得男家負責比錢、女家就回禮，如果你哋雙方都ok就冇問題。但如果你都想幫未婚夫分擔下，我個人係非常欣賞，我唔太認同結婚係男家負責曬，我哋兩個都唔想麻煩屋企人，所以我當時都完全冇過大禮、冇收禮金、冇向男女家拎錢，全部兩公婆自己搞掂，簡單地行禮食飯，不過我哋戒指用不銹鋼好平😆所以邊個比都冇所謂，最後啲支出都係對半
其實邊個買唔需要同屋企人交待喎
你哋兩個自己Agree咪得囉
屋企人Hea講咪算囉
對戒唔係求婚戒
一半好應該
BTW. 當年我(男)出晒(只簡單行禮+屋企人食飯)
然後紐西蘭 Honey Moon 左3星期 2人去3人返 😂😂
我覺得其實應該係男仔買，愛你太太，就何必要計較d乜？
無乜應唔應該，只有你想唔想. 唔好經常性俾其他人嘅價值觀影響
求婚戒：男朋友買
對戒：我買俾佢、佢買俾我
本來佢預自己買晒，但我覺得要佢買戒指俾自己好可憐🥹 所以最後係我送💖 我覺得咁樣更開心☺️
我已經主動同未婚夫講左婚禮既支出會一人一半 , 因為個人覺得婚禮係屬於雙方，無話一定男方比晒，不過我唔打算俾屋企人知其實係一人一半，到時當係男方俾晒。而媽媽想有過大禮，但表示會簡單d 去安排，我會尊重呢個部份，因為都係媽媽想表達對個囡呢個婚事既重視。其實關於錢既野都唔太需要同其他人交代，最緊要係你同另一半有共識 ，祝你所有事順利 、幸福 🍀
成個婚禮, 冇話應該唔應該, 你兩個傾掂就得
最應該係唔好咁易俾人加把咀, 增加你地煩惱,
包括四大長老, 問乜, HEA 答得架喇
你態度應該係, 要求救先搵人幫手, 做決定一定係你地,
最後你兩個都傾一個, 最決定係優先,
我嗰時係俾老婆決定大部份野, 有爭拗就兩邊暪算,
煩小好多野, 求生慾強✌️
那我自己就覺得男人老狗就唔好咁孤寒，咁介意嗰隻結婚戒指邊個俾錢
咁當然如果女方唔介意都可以一人一半，始終係你哋兩個人嘅事
我屋企都咁講 我幾乎結婚時乜都同另一半AA 屋企人仲話我貼大床 我差啲都被影響到 最主要睇你自己覺得 唔好畀任何人影響
我地22年結婚，果時咁岩fb見到廣告揀左個純銀workshop 一齊去整對戒，2千蚊有找，我book workshop 所以我過左數，銀碼好細都懶得問老公攞返/分，諗住婚戒係日常粗戴，我地都成日做運動，專登揀平平地易打理唔怕花既款整
結婚對戒都係有限錢，都結得婚就唔好計較啦。
當年我作為女方俾哂。
買樓首期、裝修、供樓、所有駛費都係男方俾。
所以我覺得對戒真係好濕碎。
如果兩個人經濟能力唔係相差好遠
結婚對戒互送好合理呀
屋企人就唔洗交待得咁detail啦
呢啲係你哋兩個人嘅事
我果時⋯⋯
我：婚紗、 化妝、 back job( 雜項）， Honeymoon
老公： 戒子、酒席（禮金扣倒就扣）
反正以後係一齊生活嘅人，不用分那麼細
戒指男人買好正常，除非你求婚同你好大方，有錢就冇所謂
你諗住一人一半 但你未婚夫點諗先?
佢都諗住一人一半 你咪私底下比返錢佢或者送野比佢
我冇問過佢🙈但係佢好似係諗住比曬因為戒指落左一半訂金都係佢比，我本身就諗住預早攞戒指個時我比埋個一半～之後送野比佢又得喎🤔
有時男人（我）諗唔到可以點樣對鍾意嘅人好
就會想出錢出力
如果鍾意嘅人願意大方接受 仲有少少表示
例如講句：多謝 我就已經會好開心
求婚戒同結婚對戒都係老公俾曬
但wedding 其他雜野我出返曬😋
對戒嘅金額唔算好高；你哋兩個自己搞掂佢就可以；實際上邊個比；對外講邊個比；你哋兩個自己同意就可以。
咁你扮係男家畀曬跟住畀返一半錢你未婚夫！ 咁咪得囉❤️
我對婚介，係結婚前我叫我老公一齊去workshop到一齊自己造，好平，唔值錢。其實同得對方結婚，應該睇清楚晒佢為人先肯同對方結婚。因為你都揀得佢做你家人，唔會太計較呢少少錢
睇你地自己啦
我同老婆大家都有出, 我地只係搞reception, 最親果D就去酒店食飯
因為我地留左一大筆錢去美國幾年
屋企人最初都有幾句
不過知道我地既plan後都明白我地點解會咁做
我係女，我畀曬
又唔係貴，拿拿林揀完畀錢走啦
仲有大把野要買
有心一人一半你咪一半錢再同屋企人講男朋友買😂 你話你想男朋友俾哂佢想一人一半就話煩啫
你有本事咪你俾晒都沒問題
同理，你男朋友有錢咪佢出晒
唔好係有著數時就搬屋企人出來
你父媽夠叫你認真讀書，有沒聽過？
因為之前有計劃擺酒之類，所以個時我講左結婚戒指呢啲就一人一半.不過宜家擺酒過大禮禮金咩都唔搞，屋企人話幫我地慳左唔少佢唔通連對戒指錢都要我比埋😮💨不過聽完大家嘅諗法～我決定一人一半～企硬～唔take 其他野💪🏻🙅🏻♀️🤞🏻
其實冇話邊個應該俾晒，我結婚就係佢比有時就係我比，冇乜特別嘅item一定要邊個去俾
計我話連戒指都唔洗買，既然連大禮個啲傳統野都無做，甘洗咩因為舊爛鬼圈圈去煩😎
理性同我講，明明有三個選項，但啲女人永遠提兩個，仲要講到第二個係好大讓步，笑死
你up緊咩🤣啲女人係咩女人？樓主講到明想一人一半，但屋企人期望男方比，咁第二個選項嘅意思係男方比曬，對「啲女人」係好大讓步？你閱讀理解同寫作係咪0分