想問下有冇信教嘅人講下係邊一刻或者邊一啲嘢令你決定開始信教
當你走投無路，冇嘢可以依靠嘅時候你就會信。人嘅盡頭係神嘅起頭。
至於有冇覺得一啲時刻係俾神遺棄？
答案係冇。不過禱告後等好耐先有轉機或者回應係真嘅，要有耐性等，而且等完得到嘅結果，係會比你預期嘅結果更加好。
2003 年8月6日我正式將人生交給主。
當時我17 歲會考放榜，仲記得嗰日朝早同教會姐姐同埋其他弟兄妙妹一齊祈完禱讀完經至返學校拎成績單（old school ah ma), 竟然拎到22 分（嗰陣14 就可以升中六）， 呢個分數對於當時有抑鬱的我係一個神蹟分數，因為我16-17 歲嗰年有界手/失眠/輕微幻聽… 之後我就一直返教會認識神，到今日40 了，仍然感覺神時時刻刻在看顧。
（by信n代）
個人覺得信係一個不停信嘅歷程
不停經歷嘅過程
中間可以有好多 走遠/離開/被神修剪/同神關係破裂又修補 嘅時候
所以要講真係好難講係邊一刻
或者個答案就係「每時每刻」
可以分享下中學畢業果段時間有好多事發生 搞到有輕念頭要見心理學家 果段時間同神行得越嚟越遠
但有好多弟兄姊妹（fyi信徒互相禁樣稱呼）撐住我 接納我好kam好kick嘅地方 扶住我逐步成長 為我嘅經歷落淚 甚至出席我爸爸嘅喪禮去
我相信呢班人對我嘅愛都係出自神 呢個係一個開始
多謝你分享
有時最想問
你有冇覺得一啲時刻係俾神遺棄
有嫁～～～爸爸走果時我有禁諗
响度諗係咪已經冇嫁啦 係咪完啦個恩典
你有繼續信我諗都係好事
Btw I am so sorry for your loss
我記得我一開始想了解聖經多啲，係因為睇過一個廣告，係介紹德蘭修女同埋哥林多前書13章嘅經文。我睇完之後覺得呢件事好神奇。咩「愛」係咁樣嘅咩？
跟住我開始嘗試返教會，想認識多啲。試吓參加啲慕道班，了解下基督教呢回事。
當研讀到耶穌釘十字架呢部份時，個導師問咗2個問題，（1）如果你有個兒子，你會唔會願意獻出你唯一嘅兒子，為罪人釘十字架？；（2）假如呢個世界最冇任何人，只係得返你一個，你認為耶穌會唔會釘十字架？
呢個問題我喺心入邊我已經知道答案。跟住嗰個星期，我內心有一份感覺，我好想同耶穌講，其實袮真係唔需要為我哋呢啲罪人釘十字架。人做錯受懲罰係理所當然。我哋係唔值得。
當時我幻想到一個畫面，呢個世界再冇任何人，得返我一個企喺十字架前面。我好慚愧咁同耶穌講對唔住。耶穌只係好溫柔咁回答：你唔好再犯罪喇。
跟住我又花一個星期去諗，我既然知道自己咁差，耶穌都咁愛我，咁我可以做啲咩去彌補自己嘅過錯？我諗唔到做啲咩好，因為既然耶穌係上帝嘅兒子，咁基本上係咩都有，冇嘢可以送到俾佢。我唯一可以做嘅，就係真心悔改，將自己交俾佢。就係咁我就洗咗禮，信咗主25年。

。一個令我討厭的家人，信咗主後 180度轉性，仲變成關心我，帶我返教會
。然後我發現耶穌的價值和我一致，愛人如己，彼此相愛
。我信有神，其他宗教我知道的但說服不到我
。結果有一天我自己拎住本小冊子祈禱，決志信耶穌
到今時今日三十幾年了，我好慶幸自己做咗一生中最聰明最好的決定