📌 想問各位住英國偏遠小
共 53 條紀錄
想問各位住英國偏遠小鎮嘅香港人
你哋有冇覺得當地人唔接受你哋／融入唔到嘅感覺?
最近同鄰居傾偈講邊到買屋好
我哋住市區
佢提到以前同佢前妻由細到大就住嘅隔離小鎮住
佢都冇比當地人接受
口音文化大致相同 只要知道佢唔係同一個小鎮出世同大就唔接受佢
其實依家同考慮住嘅地方主要係白人居多
冇乜其他種族
但感覺住市區嘅人接觸多啲唔同文化嘅人 接受程度高啲
想補充番
主要係我有啲surprised我嘅鄰居會有咁嘅遭遇 雖然我哋係住市區 但唔係大城市 隔離小鎮可能揸十幾分鐘車程就到 喺我心目中兩個地方差距唔大 至於佢點解佢感覺冇被接受 融入唔到 佢都係向我express his opinions 我冇繼續追問落去
正正因為我鄰居有咁嘅情況 我先好奇想知香港人有冇咁嘅經歷 定只係我鄰居有咁嘅個人經歷
對我嚟講 我好好彩住喺一個好好嘅區 所有人都好nice 有boundaries 有咩需要幫手會盡力幫 我係嗰區唯一一個外國人 其他全部白人 但佢哋唔會介意 會大家share唔同文化同經歷 互相對大家文化表示尊重
其實我並冇介意有冇人接受我 因為我外表上文化上已經好大差異 我接受自己係外人處於外地 所以冇追求人哋接唔接受我 融唔融入到 我好幸運住喺一個好區 但我知道唔係所有人都係咁 我想聽多啲唔同角度同意見
買屋主要係想有個大啲嘅空間 咁啱睇到隔離小鎮嘅屋空間好大 價錢又唔高 但我本身冇去過/住過 所以問吓鄰居嘅睇法 again都係想聽多啲唔同人嘅意見 既然諗住長期住落去 咁考慮得周全啲
冇諗過要點樣融入，因為咁樣只係內耗自己精神，唔當我係本地人咪唔好當囉，我自己活得自在就夠，冇需要諗人地咁多
調返轉咁講，你香港外來人去住原居民村都未必受你玩
又唔係同鄰居做人世
啱傾一句
唔啱傾唔洗夾硬
人生無咁得閒去諗人哋接唔接受自己
日日都感覺到。
我住鄉下白人區，係屋企附近小學返工。
同啲同事第一次見，hi都未hi，自我介紹都未，佢已經啤住我，西口西面。🌚🌚🌚
唔中意你，唔講出口，但所有行為都係抗拒緊你/對你唔友善。暗地係歧視又好，唔中意就係中意，無原因的。
我有harsh feeling，但我同自己講：佢太low，未見過世面，所以見到同佢唔同既人，佢驚，所以佢個人先咁mean黎保護自己。
明既，井底之「娃」，見到人類，係會覺得人太巨大。🤭
住鄉村小鎮，呢度九成白人。大家都係mind your own business，唔會太熱情，唔會話好冷漠。我覺得咁樣非常之好，好符合我嘅lifestyle。至於佢地接唔接受到我呢一件事，我諗佢地nobody cares🥸
無嘅，咁我哋而家咪更明白香港南亞裔嘅感受，咁佢哋點生活？無架，咪調節自己囉，唔通出嚟叫「香港人都唔接受我」？要知道香港人本身就有非常重嘅種族主義
我住喺North Lincolnshire 一個唔係太受香港人歡迎（冇名校網、小工作機會、少香港人….）嘅市鎮, 成個城市>95%白人甚至唔多見有香港人。我住喺呢度，反而覺得他們對我非常友善，可能他們少見亞洲人經常三唔識七行過都跟我打招呼，部份當地人甚至經常用好奇眼光望住我這個亞洲面孔😆.（eg. 去麥當勞買嘢食）
 真心完全感覺唔到歧視，昨天整前花園鄰居行過都同我傾種植心得。
其實還ok 咁啱搭lift會吹兩句
但我諗唔關香唔香港事?
英國比香港更加着重鄰里關係
文化都唔同 唔應該用香港把尺去度其他地方
有，佢哋有隱性歧視，有啲表面無嘢，有啲從佢個細路到完全地反映到出嚟，佢哋真係無咩見過世面架…
做乜一定要逼人地接受你
各自安好
見到面點頭微笑問好就夠
住過Devon, Cornwall, Essex, Dorset, London … 我覺得越偏人品越好或者話或單純。大部分mind their own business， observe but offer help if needed.
岩岩搬咗去一個山邊小鎮
買之前我有認真研究咗一陣當地嘅politics
如果好多人投reform嘅小鎮我會排除
另外都會留意小鎮每年有啲咩event
會唔會有pride event之類
咁就會大概有個概念個小鎮嘅人係邊種vibe
我好明白揀小鎮嘅擔憂，我本身其實都想揀返多元種族啲嘅城市住，即係喺London 行出街你唔會覺得自己odd，成個人都感覺自在好多，但因為好鐘意大自然所以都係揀返小鎮住，so far我都好鐘意個小鎮☺️
都真係有聽講過有啲地方係好排外好似你形容你同事果種情況，不過佢地排外都唔會真係做啲咩嘅，最多唔會點主動交流啫
我住呢度幾年…係中部嘅一個新屋苑…都幾鄉下…
圍住我間屋嘅家庭有肯雅人、波蘭人、印度人、羅馬尼亞人…最多當然係本地人，大部份人都好友善，大家對香港人好好奇，會好直接問係咪即係日本？或者係咪好近日本？哦…近中國但又唔係中國？唔同語言唔同教育咁得意😆
可能呢度係新屋苑大家都係新住戶，無人有老屎忽嘅感覺～只要微笑點頭無敵意就有下次。
有事發生有鄰居會幫手，有不平事居民group有人出聲，感覺唔錯呀
相處到就唔使諗融入，以禮相待就夠唔！同返份新工一樣，唔啱傾嘅同事打吓招呼咪算囉
有呀，我住嘅小鎮都係麻麻地，甚至部分人擺到明唔友善。我情人本身都係白人（但唔係喺英國出世成長），但佢都其實都融入唔到門到出世英國嗰班人嘅圈子，佢身邊嘅朋友都係其他地方嚟嘅白人（德國、葡萄牙等等），英國人嘅階級意識/防護意識好強。
呢個問題值得深層討論
真係要自己行過出去先知
各處鄉村各處例
10 Mile一個鎮
可以入面全非
嚇撚死你
😊
唔係好明乜野叫接唔接受，搬來果陣要用紅地毯歡迎你？點樣先叫接受🙂
都係咁樣搬入去住，衣食住行同鄰居都無關係。見到面咪打招呼，啱傾講兩句唔啱傾咪唔交流，究竟你想人哋接受你啲乜嘢？🙂🙂🙂
唔好對啲達人或者其他外國人有咩幻想
覺得佢哋特別友善、或者需要特別友善
你喺香港見到一啲外國人好友善，係因為佢去咗你個地方，所以佢先至需要咁友善
其實係香港，大家都係最多都係打個招呼
唔好製造麻煩俾大家，其實已經係好好
全世界每個國家都住有不同人種，只要互相尊重，有禮貌就得，何必將事情樣樣放大，只有那些不守規矩冇文化冇禮貌嘅人種去到邊都一定會被歧視，唔關種族膚色問題，係關個人行為表現及修養問題！
我記得我有睇一本英國既小說，故事係推理小說，但入邊既女主角係城市人搬去小鎮，但係覺得融入唔到當地小鎮既人，甚至直接叫呢類人incomer。所以我覺得完全唔係你既問題，可能連英國人要搬去其他小鎮住，都會被認為incomer。
聽過一位local同事講過Bakewell連對白英都係咁
除非你係原居民或者另一半係原居民，否則租好買好，你想安安樂樂住入去都難，有啲似新界圍村
不過係多年前嘅故事
報紙都賣過英國白人搬去Devon d村住都覺得好難融入
我係呢個社區第五年 反而係有部份香港人d面口比較差
相反本地人一律都好好
有時仲會互相請大家食飯
更會幫當區councillor 助選拉票
你喺城鎮住就知冇人會介意呢啲。會定義「融入」呢樣嘢嘅，通常都係想水人嘅香港人
我住小鎮
已經喺度識到班街坊朋友
好似公屋啲阿伯阿婆咁
會8吓陳伯入咗醫院，黃伯抱孫⋯之類
未到好偏遠不過倫敦同非倫敦已經有好大差異，我曾經喺某幾個同事度feel到係有隱性歧視嘅，但係我都無話好上心，唔想同井底之蛙一般見識
融唔融入到都係咁生活，好似印度人咁唔使融入都係咁啫。我曾經都有掙扎過嘅，但係做自己都係最舒服，唔通為咗融入又要逼自己食英國菜咩😂
好正常吖，你喺城市化程度高嘅地方大唔為意啫，去圍村，去珠三角一啲家族住咗嗰頭至少成五六代嘅街區，人哋一樣當你外人，就算表面唔講/認，都有microaggression。但又唔係惡意或者要害你，何必要在意，相處正常有開心有距離就好，所謂嘅自己人咪又一樣噉相處
有打招呼同交換禮物就Ok 啦，你想融入到乜嘢程度？😂 太融入，可能你到時又想縮
倫敦咁多唔同人種，喺度返工唔多覺
純白人區可能會比較多歧視
市區好啲 但又唔好得好多 年紀大嘅就更加唔會接受我地 算啦 尊重當地文化就得啦 唔強求融入
會有 自己大學係細town黎 連夜晚收工返大學宿都比人一班人jump scare
harassment同sexual harassment 都試過 大學亦冇處理到
所以唔強求 我就係隨風飄嘅棉花
無特別去諗人哋接唔接受自己，有返工同做義工，都識到啱傾嘅朋友同事。
住過兩個外島，冇喱啲感覺。
你認真生活，佢地就會同你做朋友。
😖I 人，勁攰出親街都要small talk
因為太細地方佢地悶🫠🫠
multi drop driver🙋♂️
有D真係bye個e音未發出黎就閂埋門
but who cares? i dun give af
大城市有大把唔同種族, 感覺上自己唔會係異類. 但偏遠小鎮就好多時只有本地英國白人, 人地第一個感覺就係 你係外地人.
我住Newbury , 啲人都nice
但Newbury college 零香港人
（我都自已讀咗三年）
（除咗大人上 English functional skills (依家上緊） ）
中學有香港人,但大部分直升sixfroms
好難識朋友,就算有都唔會keep 聯絡
（之前有考慮轉過去Reading college ,但巴士要一個鐘頭,火車飛貴🥲）
加上呢個地方偏多老人家, 退休人士
得一條大街
所以我自己覺得好悶😭,但如果要退休都適合,因為行到去town ,超級市場等
但有好處,有個機構係比移民嚟英國嘅人同下啲本地人溝通,都會識到啲香港人還有其他國籍嘅人😂
加上又可以練習下英文（唔洗錢）
有咩接唔接受？各有各住，見到面打個招呼，讚吓人哋隻狗，對方通常都有禮貌笑下，咁算唔算接受？
do know Hong Kong what Happen now？
10個九個都唔識
識嗰個
即刻好撚respect我
🪨
😂雖然住倫敦 但唔care人地點諗
又唔係為左人地而生活