想問大家在家沖奶啡技巧難唔難？
因為太鍾意飲，萌生買部機自己係屋企沖既念頭，如果出去上興趣班再練習下，沖唔沖到一杯綿密既奶啡？
同埋買機要買到咩質素？唔想買太差搞到沖出黎唔好飲反而浪費左錢。

買機除咗睇性能，仲要了解埋係點樣清潔部機。唔建議買一體式，要拆出嚟清潔比單獨機麻煩。
屋企自己飲頂多一杯起兩杯止，唔需要買太貴，一般1千至3千內已經十分足夠，打奶棒唔好揀粗過手指嘅粗棒。
磨豆機獨立一部，要勤清潔入面卡住嘅粉，陳積咗嘅粉係會影響咖啡風味架，買不銹鋼錐刀。
同埋你預咗每次沖完咖啡都要好好清潔機頭出水口、打奶棒、咖啡用具。
沖完一杯咖啡要洗晒啲野先可以坐低慢慢嘆🤣

好詳盡！感激🫶🏻
新手見到d機就係無從入手，但睇完真係有勸退感🤣

儘量買有牌子e.g. Gaggia, rancilio silvia, Lelit, la marzocco，加個獨立磨豆機

有聽聞gaggia 同 Rancilio 係經典，有保證
據說係入門至中階之選
之前未考慮係擔心本地代理唔多，配件同售後都唔容易搵到(師兄會有推薦嗎🙇🏻‍♀️🙇🏻‍♀️)
宜家又有d蠢蠢欲動想計劃下🫢

留名 我都想學野
飲咗capsules 兩年，最近想買部barista

唔難

先買入門機，當然係有牌子非雜嘜，以後認識深咗知道需要乜先買高階機，咖啡機同磨豆機都係

點解？因為磨豆到最後清潔都幾多工序，有人玩幾玩就覺得煩，你買貴機就頭痕了

感謝勸退🤣 的確次次要清潔會令我卻步...
咁可能我出去興趣班了解下成個流程再決定🤔

平平地千幾蚊買部delonghi, 玩一排唔啱就二手賣返出去

或者倒番轉，我搵下有冇二手機買👀

唔難，我冇報班學，自學都搞得掂

好驚睇片時太理想化，自己落手就另一回事，如果真係唔難自己整既動力又大好多！

唔洗驚，做多幾次就會上手。

平有平玩，貴有貴玩
不過最緊要做左功課, 先好課金