想問有冇人知m記呢個星星薯餅去到幾時
早排做咗個小手術 而家要戒一個月口
但見到threads好多人都話
星星薯餅同蘑菇醬好好食
好驚一個月之後就完冇得食🥲
薯餅真心早餐薯好食啲，星薯口感個人覺得冇早餐薯好，不過蘑菇醬我超鍾意❤️
對上一個promo係3月頭出，今次星星薯餅同蘑菇醬係3月30出，有機會都係4個星期左右，但如果好受歡迎都可能會提早賣晒(之前青花椒雞翼有試過呢個情況)
薯餅同早餐薯餅差唔多，係細粒啲所以再脆啲同乾少少咁，好食但又唔係話好特別
蘑菇醬就可以搵人幫手買定(而家一定要跟麥樂雞買冇得單買個醬)
我好鍾意食嗰個青花椒雞翼，原來提早賣晒？唔知幾時先再會出返。。
我都好鍾意，但而家唔係promo期
上次農曆新年期間其實都冇提早賣晒，係上年9月第一次出嚟嗰陣有提早賣晒
短時間已經出過兩次，所以我覺得佢仲會出的！
食完星星薯餅之後我即刻email聯合國要求麥記唔好再賣薯條
或者以後比客自己揀要傻條定傻餅，唔一定要星星，波波形狀我都得
內部定係4月29，可惜你唔近，唔係可以考慮幫你keep起一份未炸嘅🤣
有心了🫶🏻
我將會問問醫生睇下最後一日
可唔可以以試一嚿仔
星星薯餅陣油益味勁🤮同早餐薯餅爭勁遠
唔知關唔關唔同分店事
關事，見有啲人碎上😂
我食果間粒粒星形啲角又脆卜卜😚
建議蘑菇醬買定
薯餅一個月後喺出面自己買黎焗
咩野形狀都一樣味
醬可以買定
星星薯餅其實同係街買嚟氣炸係無分別
到時再買都得
星星薯餅塞爆 超脆 點埋shake shake,粉好Dope!!!
我係星星薯餅打手！見到咁多人踩我覺得我要支持返句！口感脆過早餐薯餅！個樣又可愛！好食！支持星星薯餅！要求永續星星薯餅！
個蘑菇醬可以求其入百佳惠康買煮意粉個種濃湯罐頭就得
星星薯餅雖然好味但好熱氣下（食完即時喉嚨痛）
建議真係完全好返晒先好食
星星薯係tvmall買過
蘑菇醬其實同唔知邊個包個醬好似
eh我覺得星星可以唔洗試 普通薯餅仲好味 呢個我覺得太油了
星星薯餅係連全港最出色嘅麥當勞（紅磡站）都整得難食
唔洗期待🫶🏻🫶🏻🫶🏻
正路到5月，通常貨賣哂就無(如果好好賣有機會延長)
講真可以唔洗買，因為唔好食，勁乾又硬，薯餅好食過佢好多，仲要$21勁貴。。。。