📌 想大家比啲意見我爸
共 90 條紀錄
想大家比啲意見
我爸 78 我媽70
前日阿媽好嬲，話拎部分家用比阿爸
以後唔再煮飯比佢食，叫佢自己搞掂
阿爸佢自己講話唔鐘意出街食
因為出面啲野有味精，食完會口乾
阿媽勁嬲就係，阿爸會同佢啲兄弟出去飲茶好開心食到勁飽
但唔肯同阿媽出去食早餐/晚餐，一次都唔肯
其實呢單野發生左好耐
阿媽都向我講左好耐
我間中同阿媽落去食早餐/晚餐都有叫阿爸，但阿爸都唔肯去
我有同阿爸解釋阿媽因為咁唔開心
但阿爸覺得係阿媽搞事
我有同阿媽講都年紀咁大，不如算啦
阿媽唔太接受
我唔想佢地啲關系 一路差落去 我應該點做？😅 加埋都百幾歲仲要咁
多謝各位threads 友回覆
比唔同意見同角度
update 一下
其實尋日朝早阿爸又同我講點解佢唔出去食既原因，但我話佢呢啲唔係理由，最後我鬧左佢之後出門口返工。我搵左家姐叫佢同阿爸傾下。
我放工返黎係lift 口見阿爸落樓。
我入屋問阿媽，阿爸去邊？
阿媽話佢落街食飯。
我問阿媽食左飯未，佢話同朋友食左叉燒飯。
阿媽問我今朝係咪同阿爸嘈過，我話係。
阿媽話我出左門口之後阿爸入房問佢落唔落去食早餐😂
阿媽一口拒絕左佢，因為約左朋友。
阿媽又話佢其實買左條魚今晚煮，阿爸叫佢唔好煮聽日先煮，佢落街食。
其實果啲家用一路放左係廳無人郁過，最後應該阿媽拎返。
到今日我放工返黎，見佢地係屋企食緊條魚，一齊如常。
阿媽話阿爸今朝又叫佢落去食早餐，但阿媽話唔去。阿爸其實有啲聾聾地，唔知佢係扮野定真係聽唔到，佢換晒衫著晒鞋，最後阿媽話唯有同佢落去食茶記。
希望阿爸可以keep 到間中同阿媽去食野啦🙏😁
啲大爺係咁黑人憎
順下呀媽意，唔好煮比佢食
食番一頭半個月味精先🫰🏻
阿爸自己都識煮，不過係阿媽買餸。
阿媽係連餸都唔想買叫佢食自己。
請企响你媽媽嗰邊
呢啲老公唔識愛老婆，只當工具人(煮飯婆)
佢有佢唔鍾意食味精，你媽都有權唔鍾意再煮俾佢食！
我兩老一齊去參加屋邨旅行 老媽回來喊咁口話我爸在旅遊巴士停在遊玩地方 掉下她 讓她好驚咁𨍭來𨍭去找回旅遊巴士 上到巴士聽到老父同人講 你睇佢幾䆐 掉低佢就啱啦 老媽比其他團友望住 好唔開心 她回來跟我說這事 我說你唔駛唔開心 你們下次開團 我淨係同你去 成個團只有我最後生 當年40多歲 全團阿公阿婆的土產 我責負去買 買到全部人開心 我同老媽說 你幾威 有女陪 仲可以幫你的老友記買土產 她全程笑曬 回家我再同老父講 你要好好對老媽 唔好成日蝦佢 我知道一次會鬧一次
支持你媽咪，終於識反擊，70了，冰封之尺非一日之寒，係多年既受氣，醒覺要對自己的好啲唔再忍
由你多啲陪佢咯
講咁多次，食餐飯都唔肯，你爸爸被縱壞唔識尊重老婆，值得拎啲敎訓
「我有同阿媽講都年紀咁大，不如算啦」
其實你講呢句
同你阿爸一樣傷咗你阿媽嘅心
連你都唔企去你阿媽嗰邊
有冇諗過你媽媽都忍咗好多年
含辛茹苦咁做你哋家庭主婦
佢只係渴望自己嘅丈夫可以陪佢多啲時間遮
請你支持吓你阿媽啦
同埋陪吓你媽媽食多啲飯、飲多啲茶
你阿爸嗰邊唔使理佢，由得佢自己煮/買
阿爸係90%時間係屋企 無乜社交 就係得同兄弟出去飲茶
其實90% 都係屋企 都算有陪阿媽？
放心 我係支持阿媽 因為我都係叫阿爸陪同氹工媽 無阻止過阿媽做呢件事
你都覺得你老豆煩，仲叫你阿媽忍？梗係唔忍啦，佢都識同兄弟出去飲茶，咪一日到黑出去飲飽佢。
完全明白阿auntie呀，多D陪auntie飲茶食飯，等佢開心番D囉
我相信阿uncle就點講佢都唔會入耳呀喇，因為佢唔係意唔意識到個問題响邊，而係佢覺得佢自己完全冇問題，所以你同佢講乜都唔會有用嘅
既然係咁，總之auntie想煮就煮，唔煮就由得佢啦，咁有D嘢係阿uncle自己ask for㗎嘛
不過你都要同阿uncle講清楚，前因係佢自己double standard，所以搞到阿auntie就唔開心，呢一個係fact嚟嘅，要解決的話就要佢自己氹番個老婆喇；同埋要話俾佢聽，老婆係娶番嚟錫嘅，唔係娶番嚟糟質嘅，錫老婆會發達會有好日子過，happy wife happy life呀，佢get到就有好日子過，get唔到就佢好自為之喇
大男人主義
有嘢就叫個老婆做
出街飲飲食食就搵啲兄弟
老婆就只可以留喺屋企
幾多歲女人都想自己男人陪伴同愛錫
算？ 就係年紀咁大，為咗D仔女忍條契弟咁耐，你叫你呀媽算？！
你呀媽真係好慘！
你阿爸都係傳統老頑固，佢覺得煮咗幾十年突然唔服侍佢，就係搞對抗，佢特登唔同你阿媽出去食係一種報復心態，就係想你阿媽唔好過，陪食飯咁簡單，係唔想令你阿媽開心而已，唔係做唔到，其實好過份。你阿媽咁嬲就係呢個原因。兩個都老，你阿媽都係忍夠想開心生活，單向付出咁多年都累，你阿爸有手有腳，死守住有人使喚一家之主權力感覺，由得佢地自己業力解決。
既然睇到唔公平嘅位係邊 點解仲要由得佢地自己解決？
既得利益者好大機會唔會改，除非另一個人好堅持，結果可能一拍兩散，所以係佢地各自既課題，子女介入要取平衡好難講點做先係好。
所以更加要打破呢啲宿命趁時勢轉移～
好多七八十歲嘅人先離婚就係咁得嚟～
你係唔係仔？
我覺得你偏向你阿爸多d囉，你自己都覺得佢煩，卻叫你阿媽認.........或者你潛意識默認呢件事唔係大問題。
你覆d留言既時候又講「阿爸係90%時間係屋企 無乜社交 就係得同兄弟出去飲茶。其實90% 都係屋企 都算有陪阿媽？」戈d唔叫陪........叫唔知有咩做所以留係屋企😑陪伴唔係淨係兩個人一起留係一個空間就叫陪伴........
請支持你阿媽.........
我係仔 但無偏向阿爸 有咩事 我都會出聲幫阿媽先
但我唔否認我係想息事寧人
留言100% 撐阿媽 我收到既
This is their story, not your story.
唔洗理
支持呀媽唔煮飯
70歲仲買餸煮埋飯，叫佢陪吓老婆出街食飯都唔肯
你媽媽應該忍咗好多年，以後對媽媽好啲，帶佢周圍食好嘢，由得你老豆出去食兩餸飯😄😄
都好多年 其實我提過阿爸好多次
阿媽真係唔想再忍佢
放心 我對阿媽好好
你爸爸都78相信會改變嘅機會甚低，所以都冇得勉強！
抵制你老竇，佢完全唔尊重你阿媽，覺得你阿媽好委屈🥹
可能因為我真係男人，我唔記同阿爸既做法。 但我又未去到覺得阿媽超委屈 多謝你地提醒
係啦，我都唔明啲男人諗乜？happy wife happy life 女人要嘅嘢真係好簡單的
其實唔係咁差 真係因為啲味精 有得唔出去食就唔去
可能同兄弟無法 佢覺得要去掛
支緩阿媽 +1
上一代父權當道「覺得自己就係真理」去到成78歲唔好諗住改變佢。
阿媽想扭下計就陪佢、因為你唔知佢幾時又戀愛惱支持返佢老公（即係你老豆）
甘柒嘅就係下一代（即係我哋）
你諗下你阿媽忍忍下都忍到70；其實唔少野。
你憑咩叫人地算？ 我眼中你都年紀大 你不如都算啦 做人唔講道理既話就唔該你乜都唔好講
問吓阿爸點解同朋友出去食冇問題
講完之後問吓佢係唔係朋友重要過自己老婆？
講完都係咁，叫佢食自己
攪事的係你阿爸，目的要你阿媽辛苦去煮！我家都有一個這樣的男人！女人嬲係個老公係會對其他人做而唔對自己做，做仔女最好不參與對錯,否則只會苦了你自己哦，唔好理咁多你陪阿媽出去食，去玩多d.
你老豆好自私，又大男人
好似你媽咪好失禮咁
唔可以一齊出街食
喺女人都唔開心啦
支持Aunt 以後唔好再煮俾佢食
企硬
你爸同我爸一模一樣，但佢識講嘢，話街冇阿媽煮餸咁好味，見住阿媽一年煮足360日好戥佢辛苦，一日兩餐咁
希望樓主唔好變成你爸爸咁嘅老公🙏🏼
一個70歲為屋企付出左一生嘅女人
願望只係一家人出街食飯咁卑微
仲同佢講「不如算啦」真係大癲
好似舊時啲主人唔會同屋企啲馬姐一齊食飯咁有階級觀念?怕影響佢大男人嘅形象呀？以後三餐都唔好煮比佢，唔好同佢食，叫佢同班兄弟過世啦🤣
唔一齊出街食飯，有無一齊去旅行？
我同老公都唔鍾意出街食晚飯！
男人更年期對女人更年期，後生時，大家忙於工作，大家見面又少，放工回家都大家疲倦，磨擦機會甚少，隨著退休，加上仔女已經成人，大家見面增加，磨擦大增，好多以前不會出現問題，一一浮岀水面，以前因為顧及仔女未成長，依家沒有此問題！見不少退休人士，退休後，同伴侶爭吵而導致情緒出現問題，而入院或者離婚，屢見不少！
煮左幾十年飯，一日都唔比人抖？我係你呀媽就由得佢，唔食等餓死
你老竇同我外父以前一𨶙樣，又講埋晒啲咩兄弟如手足夫妻如衣服之類，痴線
後來我嘅出現，不斷教導佢，像教教細路仔，同埋身教好多嘢預佢哋兩老一齊出去，有意無意暗示大家結咗婚先係一個一家人，依家佢哋出街都會肯一齊，不過真係要花超過兩年時間，中間試過自己生日鬧情緒，唔去添。。。
好多時佢哋唔知自己有咩問題架，又有時覺得兩個丈咗，仲玩拍拖係老尷。。。因為真係會有啲賤友喺附近開口講「加埋過百五歲仲攬攬錫錫拍拖」，啲大男人主義就怕被人講，無晒分析力，其實唔使理人。。。
你想再容易啲搞，就係生個BB，咁佢哋一定會9成和諧返晒，當然前提係仔哋本來有打算生，而唔係亂嚟啦
另外，可同你爸去做啲佢鍾意嘅活動，例如行早運、游早水之類，去完就可一齊食早餐啦，如果齋專登食早餐，唔排除佢會覺得嘥時間（因為在家都可傾偈），有時亦唔排除佢真係怕外面食物，食得多越快離開，所以就夠quota畀親友，而同家人就安全為主，你有心有時間，可以試下晨早或前一晚整定啲食物，第二朝去郊外行，食親手做嘅嘢，但如果你媽根本只想休息下唔煮嘅/專豋想食出面嘅嘢，你就要多諗計氹到佢哋出去，例如離島地區
你會唔會接受花時間改革？
多謝你分享
我就唔會生 不過家姐已經生左 阿爸有時都會幫手接送孫仔
其實未去到攬錫 只係陪佢一星期食一次佢都唔肯 就衰左小小
你應該要企你阿媽嗰邊
而唔係叫你阿媽忍讓
你阿媽都忍咗咁多年
鬱埋鬱埋終於都肯反擊啦
你仲叫你媽忍？
連你都知你爸自鳩私
更加要支持你媽啦
其實我唔係叫佢忍既 係由佢算 煮開咪叫佢一齊食 唔想煮 咪各有各食 但阿媽覺得點解你同兄弟出去 唔同我出去
同你阿爸講：你今次死緊，你78歲，亞媽啱啱先70歲，你以為你永遠都行得走得？到你再老啲，真係要人照顧嘅時候，你小心我阿媽俾啲C你食啊！到時連味精都冇得食⋯⋯哈哈哈哈哈哈！！
p.s. 啲男人以為自己一世都咁威，實在係諗多咗。對老婆唔好，真係小心啲最後嗰幾年，到時先至係最需要人照顧～
冇一齊住嘅話，支持阿媽就多啲同阿媽出去食，阿爸無表達之前唔好提唔好插手，做夫婦咁多年有啲位仔女未必了解，插咗手反而仲大鑊
你同佢講，你老婆淨係想要愛，今晚4466同我砌掂佢，砌好左聽日就有人可以做，唔係做鬼都唔靈
可唔可以好奇點解佢唔肯同老婆出去食？純粹因為味精？
佢成日話 出街食完會唔舒服
但問題係同兄弟食ok 同老婆食就唔ok ?
又話食得唔多 落街食會食唔晒
我話一星期先一次 食唔晒咪又佢囉
唔通係對住兄弟唔好意思推
對屋企人就淨係想食自己中意既野？
佢同兄弟成日去飲架？
唔係 一星期一次
兄弟傾計 佢開心既 所以先出去食
佢覺得平時就無需要出去食
你阿媽有無自己嘅朋友
鼓勵下佢自己出去玩，飲下食下
唔一定要老豆陪