事實上好多Neuroscience/Healthcare類嘅研究仍然需要用到動物，最簡單例如話研究抑鬱症、Parkinsons呢類涉及神經、荷爾蒙同免疫系統交互嘅問題，有唔少方向/反應好難好完整咁模擬同有好充足嘅Datasets去研究（當然Organoid同Computational方法都慢慢崛起緊，希望未來可以用電腦模擬去代替動物實驗）
不過就算動物實驗仍然必要，大部分Lab都會遵守3R原則（Replacement、Reduction 同 Refinement），講緊盡量減少使用、降低數量，同Refine方法去減輕動物痛苦
利申：喺大學有2個project係有直接同間接用到動物
先多謝補充，呢部分我都認同現階段好多研究仲離唔開動物模型，今次篇文主要係想講另一思考層，所謂殘忍唔係單純指過程痛唔痛，而係由動物去承受人類實驗帶來嘅風險同代價。
即使透過3R原則去減少數量、減輕痛苦，本質上仍然「由動物承擔」，動物依然係被迫參與，甚至承受驚慌同不適。所以先提到「人類或者更應該為同類受益承擔風險」(咁當然我知係有，只係「部分」唔會太過被公開）
所以矛盾位，我本身明白實驗喺現實上難以避免，就好似食肉一樣，自己都係受惠者之一，所以唔會喺呢方面亂企道德高地。
至於未來或者可以用電腦模擬去取代動物實驗係好方向，但喺未去到呢步之前，其實大家都係一齊承受住呢種取捨帶來嘅後果。
我自己都有養貓，但同時都知自己食緊嘅藥或者大部分醫學研究好難擺脫動物測試，好矛盾，唯有對佢哋付出嘅生命心存感激.....😞
真 其實只要唔係無原因濫殺咪得 每條生命都有價值 無論係一條草定一個人 我自己好鐘意動物 豬牛馬雞鴨都好鐘意 但都會食佢哋 感激佢哋成為我生命嘅一部分😉
睇咗都未必有能力分析。
所以算啦，有啲嘢無謂同人討論，人地鍾意點就點。
殘酷嘅世界，動物實驗確係呢一刻無可避免。
好多貓貓今日嘅食物、藥物，又何嘗唔係有前人（貓）做測試而犧牲，而令今日嘅貓貓受惠。
理解動保人士嘅憤怒，不過唔認為佢哋係偽善，佢哋只係大愛而單純。
幾好笑架，動物實驗為既係醫學發展或者測試產品安全，造福既係大部分人
但係食肉呢就只為填飽你個肚， 除非佢係偉人或者對世界好有貢獻，但事實上有邊個會做到呀？
唔好發夢聖人上身啦
話del app啫，都冇話del account，可以喺web browser可以繼續使用🤫
化妝品唔係必須品嚟，望週知。
但係，醫藥醫藥技術就必須要動物測試。
最後階段更加係人類（病人）身上！
冇化妝接近十年嘅女人路過！
希望佢哋唔好入西醫系統度接受治療！
唔好佔用我呢啲長期病患者嘅資源
國內有一種實驗猴子賣到14萬一隻，所以有一堆商家圈養左一堆猴子。
但其實食用豬、食用牛、食用馬都係同一原理。
如果同理埋植物都會有痛楚，咁就真係要食西北風先得。
見有實驗員人講點樣減少痛苦，偽善到9唔搭8，話動物實驗=/=殘忍，但你係講緊點解動物本身要被用作手段、被迫承擔風險，呢段好同意，就算再人道處理/減低痛苦，兩者其實唔係同一件事
最後一段好認真，要取捨，動物實驗避免唔到，就算話自己已經幫動物降到最低痛苦，但始終佢哋都係無啦啦捲入人類嘅實驗，正正經經承認呢一點就好
中學讀生物學生都會殺老鼠…我都唔支持頭身分離實驗。因為呢個實驗本沒有社會價值，而係進一步將實驗放係人體。
我無意見
但佢呢個行為好似人哋小粉紅剪Passport
用咗少少時間，暫時歸納咗我想講嘅嘢：
（日後可能有增補）
（一）
做主人就即係圈養，圈養即係唔係由動物自主！
（二）
唔好意思，你哋啲動保人士係咪要向政府極力爭取初中取消解剖課堂？
係科學研究嘅101課程嚟！
已經有幾十年歷史！
會研究用北杏、化學合成藥品令到佢快啲暈。
而唔係令佢哋死！
死咗就未必見到心臟跳動
（三）
最慘係班動保人士唔想動物受虐，
但就夾硬要延長患有不治之症嘅親友條命！
插喉、抽血、打藥、洗傷口，全部都係現代醫學程序嚟。
都係經過動物測試之後先至用落人類度！
咁做乜撚嘢要咁虐待自己心愛嘅人？
為咗自己嘅唔捨得咩？
親友不是動物嗎？
（四）
請動保人士唔好使用獸醫診所服務，
100000%全部都係經過動物測試先至推出市面！