📌 想用過來人身份想叫大
共 59 條紀錄
想用過來人身份想叫大家決定生仔之前真係諗清楚，因為不婚不育真係會快樂一生。
雖然做人老母都有幸福嘅時候，但真係唔快樂嘅時候係更多，而育兒呢件事跟本就係邊個有責任心多啲就做死邊個。
如果你有幸婚前發現，另一半只係一個程式執行機械人，長期唔主動唔思考唔體諒唔會心疼你嘅難你嘅攰接唔住你情緒，永遠要好似落AI指令咁先識做先會做，甚至乎有時係講到勁白都唔做，無論佢對外人品有幾好都好，唔好結唔好生🙏🏻
因為婚後生左之後嘅生活，你係會燒腦燒錢燒精神，消耗生命枉對光陰，你就係人哋眼中嘅single mum，然後落得一身肝氣鬱結乳線阻塞嘅下場，啲野做得比佢有多無少，工你一樣要返，錢你都要搵埋比屋企，所有野得你一個安排策劃，育兒資訊得你一個人留意，要食啲咩煮啲咩玩啲咩幾時要學啲咩都係靠你一個人，你病係無乜得抖，但佢病係乜都唔洗做，叫佢去睇個醫生仲難過去品神，好聲好氣勸唔聽，大聲夾惡鬧唔郁，我god damn你個every man is a boy，借問聲有邊個女人唔想做daddy’s girl?
婚是女昏頭姻是女被囚
嫁是女離家媽是女當馬
婚姻就係女人昏了頭離家當牛馬一生受困
施主，單身都底有咩唔好？
婚是女昏頭姻是女被囚
嫁是女離家媽是女當馬
婚姻就係女人昏了頭離家當牛馬一生受困
呢句金句真係抄低佢，應棍
唉，希望你哋呢世都get唔到，無女人需要捱餐死生個b出黎仲要過啲咁嘅生活，做得野都唔係要做死人。
婚結了可以離，孩子不要亂生。女人不生子，人生隨時可以重啟。
多謝你咁有勇氣咁誠實打出嚟。
真係反搏唔到🥲另一半係點，直接決定個下場係點。
真。所以其實好多人生完都唔建議其他朋友生，我係其中一個🥲
我成日叫啲好熟嘅朋友生😂😂😂呢個地獄好孤單因為我身邊都係唔生嘅多😂😂😂😂
你當生完仔，老豆死左，你要獨力養大個細路，基本上你一定得，到時個老豆 久唔久買d 玩具，請下食飯，咪當個細路有契爺，都算是少少 資源，好過無
首要是，當佢死左。
認同，女人絕對唔可以下嫁，講緊唔係錢嘅問題，係男人對自己好唔好自己最清楚，揀得好等如二次投胎，老公當我係女咁湊咁愛錫，每日起身第一樣關心我訓成點餓唔餓，每晚就問我返工開唔開心今日返成點，所以要睇清楚先好嫁
你都會有架，唔好將就唔好下嫁唔好委屈自己，絕對可以搵到一個好珍惜自己嘅人🫶🏻🫶🏻🫶🏻🫶🏻🦭
好多女人都面對呢啲問題，只是程度及邊方面出事多d。
女人自從有學歷、受過教育，有經濟能力之後，真係唔係好需要靠男人。
以前舊社會，女性多數都要依附男人，所以多數忍氣吞聲。
呻下呻下真係可以過一輩子，由以前到而家，都係不變架，忍忍下就幾十年。
反而我想反思一下，如果有能力，係咪應該繼續忍、繼續呻？將自己變成新時代怨婦？
搵個渠道發洩下都要嘅，生活不全是低谷，有時可以在曼谷，得閒咪唯有放下自己㗎去吓旅行真正放鬆下，笑吓喊吓又一世囉
完全同意。最沮喪是對方只會等指示才做，結果慢慢你們的關係就變成使人做嘢和被使喚者角色，最後奸角和發癲的角色設定便屬於你
現代社會expect women to raise children as if they don’t work but work as if they don’t have children.
工作上男人做左爸爸會俾人覺得更有負任感，女人做左媽媽會俾人覺得無咁上心。
太多女人喺婚姻入面做『Single Mum』，又要返工搵錢，又要策劃全家，最後得到嘅係一身病。點解？因為妳太聽話
然後會有啲女人話咁係你唔識揀男人啫
我條佬不知幾好~
我生咗都成日奉勸啲未生未結嘅fd不婚不育算喇，不婚不育快樂一生。有💰+特別有責任感特別鍾意小朋友嘅除外。如果唔係呢個世代真係生出嚟小朋友有排suffering，讀書壓力大好唔容易畢業出嚟又容易失業，老咗仲要養子育女長憂99。。儲一大筆錢養老養下寵物不知幾開心。。💀🙂↔️🙂↔️🙂↔️
明白你出發點係好，但始終係你個人經歷(當然好多人都有咁嘅經歷），冇辦法generalize 到話所有人都一定會咁嘅下場。始終結婚無悔生仔，幸福快樂嘅仍然大有人在啊。現代女人嘅自由，應該係想做乜都可以吧，而唔係又日日有人同你講，呢條路唔行得，千祈唔好揀咁。以前就by default女人要生仔，而家就日日講，女人唔好/唔可以生仔。不如個社會多啲自由，少啲規範，俾女人自己揀啦。
仲有，當佢哋揀完自己嘅路，真係唔開心，講少啲「話撚咗你啦，條路自己揀仆街唔好喊」呢啲說話，真係不必要（唔係話樓主係咁嘅人）
利申女人冇生
唔好離題住，我係叫大家生之前諗清左啫，但你講得啱🙈我上黎廢噏only，上嚟呻預左俾人嗌離婚，我咪又係當睇唔到😆
其實唔一定係得「怨婦」，我見過幾個「怨男」佢地D老婆唔係AI ，AI 都仲識聽指令，又唔理d仔女，不過，因為佢地係男人，有「怨」無路訴
父權社會嘅陰影黎，其實男人都有發聲嘅權利嘅，我身邊都有朋友係盡責的爸爸但係隱形的媽媽
本身已經拍拖拍到對男人有啲恐懼。。。睇完你呢篇文我更加諗可能都係成世單身遠離男人好啲
仲未計個小朋友要讀邊間幼稚園 邊間小學 自己一個睇資料 準備埋面試資料叫佢一齊睇。 呢下先大壓力，一遇到小朋友番學唔開心 就話間學校係你揀 diu 。生完bb，女人就隨即自動升級做媽咪mode，好似好多野就會識做識諗識執行 其實我都係第一次做人阿媽咋 唔知點解要去到識晒所有野咁
非常同意，雖然我另一半無咁差，但我有時都好想重新黎過，而家只係好想等兩個仔大個仔後做一個真正癈老，日日係屋企煲劇食飽訓覺，最好係獨居先可以有呢種自在
嫁錯人姐
不婚不育快樂一生呢d廢話等完左成世人先好講
如果可以10年前見到你文章就好。。。 呢10年發生嘅係同你講既一模一樣，然後我仲要俾佢周圍唱我係控制狂，話所有人都要跟我安排去做。。。。
我睇到自己老豆點對老母
真係怕咗
最黐筋係老豆覺得我係嫁唔出、黐屋企
而佢嗰邊啲親戚自己都婚姻失敗
仲猛咁催我搵人嫁/搵kamL介紹俾我….
我覺得結婚無問題，支持結婚；但唔支持生育，在亞洲地區！在西方國家，除外
全文都是精華，哈哈哈哈要是這個是紙質上的文章得鑲起來掛牆上以警示世人
- D仆街通常仲要衛生意識差，病左傳染全家包括細路。
- 遇到媽寶嘅話仲仆街，只係緊張老母嘅事老母嘅意見，加速婚姻破裂。
- 生完無論結婚離婚都係個single mum。
男人過到做老公一關，未必過到做老豆一關，的確係難
Same same做亞媽都係難，但我哋唔想放棄，隊友偏偏想躺平，變成步伐不一，每步更難
小朋友入院砍親頭，私家埋單可以收5皮，的確單身的擔心少很多
不過我覺得都係，在香港唔好生，d學業搞到好頭痛和有壓力
一切都係課題黎嘅，我真係無不負責任過先，只係攰到成日都有就猝死嘅感覺
🥹加油施主，我仲有兩個月卸貨🥹最緊要有神隊友（老公+工人+月嫂）希望日子好過啲，不過都有心理準備難行嘅