想知大家喺知道工人姐姐唔會再做之後點樣識應
身為屋企唯一一個細路 因為屋企人都要返工 所以我會話我由細到大都係工人姐姐湊大
屋企工人姐姐喺我1-2個月大嘅時候已經嚟咗湊我 所以已經做咗第18年
我一直都知佢始終會有日返佢自己嘅屋企 但我一直都覺得呢日冇咁快到
不過今年佢應該會喺9-10月完約就會比我屋企人炒 而佢都好大機會係會退休返自己屋企
亦即係話我都唔會再喺香港見到佢…
佢而家放緊大假返咗自己屋企 我已經開始唔慣
嗰種唔慣唔係因為屋企家務冇人做 而係我覺得屋企好似少咗個屋企人咁
而家冇咗個人同房我明明應該會覺得好開心 但我完全唔覺 尋晚仲直接失眠🙂‍↕️
唔知有冇人明…

依家有網絡，如果你有心可以繼續聯絡架嘛，唔使太擔心。遲早有日你都可能會搬走過自己新生活

有冇諗過人地只係打份工 你哋只係金錢嘅關係
無話你哋之間無感情 只係你有你屋企人 人地有人地屋企人 未來知道大家過得唔錯就夠了