想知大家有冇啲放低恐懼/陰影既方法

長文慎入
我自認細個有啲杞人憂天
係真係會去驚隕石撞地球諸如此類嗰啲野🤦🏻‍♀️
通常每次驚都會搵屋企人傾計
咁當然過多排就冇嘢啦

咁到我大咗而家有時都會碌到呢啲新聞
但係其實我已經識得自己去消化佢
同埋知道有時只不過係傳媒嗰種誇大嘅表達 方法
所以都唔會特登去驚好耐

但係大概係一個月前
喺youtube碌到一條講靈異嘢嘅片
咁我好奇去睇
結果我一個月都走唔返出嚟...（sorry我比較細膽🤦🏻‍♀️）
試過搵屋企人傾
亦都有上網去了解過呢啲事件背後嘅真相 知道靈異相大部份係影衰咗造成
或者啲人格硬腦補
到呢刻
我明知係假 明知嗰啲嘢根本唔會威脅我
但到而家都係會心掛掛😭
我唔知點解 好似我唔俾自己放低個恐懼咁
其實好辛苦😭每次當我分心做其他野
就硬係要將自己個思緒扯返去呢個恐懼嗰度😭
我可以點做🥲🥲🥲

作為一個成日有睇唔同身心靈，陰謀論，靈異故事嘅人，我一向都抱住呢個世界乜都有可能，但我冇嘢可以預防到，所以都冇嘢好驚定先嘅心態，過好自己每一日就ok

無論撞唔撞鬼定火星撞唔撞地球其實我哋都冇嘢可以做到，所以你可以ready for the worst, 但心態唔需要驚定先

Tbh, 假設就算而家好firm 4月5號係世界未日，我哋既然都冇嘢阻止到，都冇需要驚定先，係驚都到5號先驚都未遲

分享下 我通常恐懼時就會幻想點打敗佢，仲要粗口橫飛咁一邊鬧一邊打死啲恐怖野為止。 如果恐懼隕石撞地球，可能會幻想自己係超人，將佢推返出宇宙，然後大家就會好多謝我，我就會變到好受歡迎，總之幻想一個自己開心嘅結局

既然係幻想使你恐懼，你亦都可以利用幻想打敗你恐懼嘅對象，毫無限制，越賤越好，打到你滿意為止

詳情可以參考吓哈利波特唔記得第幾集：

喺呢個世界上已經有好多其他人或者其他事會不停傷害你，令你恐懼令你有陰影（我都係嗰啲鑽牛角尖失眠到爆嗰啲人）
有一日諗通咗，全世界都傷害我，我自己唔傷害自己 之前有段時間覺得會有蜥蜴人（會唔會我愛嘅人都係假嘅？）
後尾說服咗自己，如果真係有，起碼唔係自己假嘅就算啦，就算我係生活係一個楚門嘅世界，起碼都仲有開心嘅事。跟住呢個方法慢慢練習，開始就冇諗咁多

自身安全感可以慢慢練習✨
📖試下每日都寫低幾件你覺得好好和感恩的事，
慢慢儲起就可以重溫到原來每一日都過得好好。
練成「我是安全的」🫶🏻🫧

其實了解多d就唔會有恐懼 你當靈體係普通陌生人就可以 就算真係遇到同你有交習既總有原因 可能係要搵你幫佢 可能係上世既冤親債主 無論係良緣定孽緣 但總會有解決方法 冇咩好驚

你要去同人講/傾下
將自己係感受講出嚟嘅時候係可以
整理一下自己嘅諗法
你話驚靈異嘢
到底驚啲視覺上嘅衝擊
配色上面會令你諗起唔好嘅嘢
定還是某一啲聲音會令到你好不安

人既恐懼感來自於唔認知冇認識，只要明白多一啲知識為人行事端正，鬼既存在外星人既存在都唔會怕，差既就只係吸收既知識有冇出錯

唔識就去學，怕就去了解👍🏼

既然咁容易被人影響, 咁你睇返D持相反意見既節目咪得囉
我細個睇城市追擊話有外星人, 我成日驚自己俾外星人捉走, 唔敢自己一個出村屋外面玩。後來有D節目話外星人係假既, 睇完就唔驚外星人

建議你睇多啲professor powpow以前啲片

我記得睇完寂靜嶺之後個晚瞓唔着 對個三角鐵罩巨人殘殺個畫面好有陰影 之後我就幻想卡通化佢 變左個卡通版老伯伯頭戴住紙摺三角帽揸住士的棍好緩慢咁行 之後就唔驚lu 🤣

傾下

信佛