想請問大家 如果返大陸寄件要點做？
喺咸魚第一次被直拍(真係好過hk出物好多diu)
已經打算搵日過深圳寄，有咩app要download/點寄先係最平?
求教🙏感謝
最好自己pack下先🙏🏻🙏🏻深圳灣口岸被人收勁貴包裝費 拍得住順豐 同埋印象唔見有提前寫明包裝幾錢 佢包完先直接俾總價我
見一個提一個
蓮塘口岸商業城地下，京東快遞，喺順豐隔籬，職員識廣東話
微信掃 code 入小程序落單
穩陣嘅搵順豐寄啦，唔係貴好多，去到佢會教晒你download乜嘢點樣寄㗎，上到網俾到錢就得
同埋關口嗰啲速遞掠水貴好多，有嘢做去開其他地方唔好喺關口寄啊
福田口岸中通！
掃佢個code填資料就可以
上次去每份件都幫我包到實一實，勁多層泡泡紙，同埋啲人都好nice🤣唔收包裝費
如果你寄卡就應該¥6-8左右～
福田最簡單！你一出口岸望向對面就有一排係快遞公司，過條行人天橋就得，去到佢有QR code比你掃碼落單，跟指示就得，同sf差唔多～
羅湖過關出去 中通有人幫包泡泡紙 今日寄完 收左我8蚊人仔 都係scan qr code填資料
但我有實名認證大陸支付寶都係要電話驗證🥲入香港電話號碼完全收唔到驗證碼
想問閒魚登記要唔要用大陸電話，因為見好多人說閒魚好易賣野😅
有微信 而微信可以俾到錢就得（港幣 信用卡/儲值） 關口既快递點會幫你包埋 快靚正
我通常用閑魚入面個服務點寄 睇最近自己嗰個服務點係邊 我過羅湖最近係羅湖村
閒魚可以直接安排人去收件，因為我自己用集運（去英國），所以集運會幫我包好，然後快遞小哥直接快遞取
我之前食住飯，用順豐app call 個小哥黎拎😂
直接係羅湖口岸一大堆快遞站 當然順路翻大陸食下野 就最划算 😂
上次喺羅湖口岸有間幫我入埋箱同泡泡紙 一件寄上海一件寄廣東 加埋都係18