想請教下大家🥺
本人想試下開一個小副業，但因為我份人好內向所以都偏向唔洗對人，亦都唔希望要同其他人夾資，因為好驚大家諗法一唔同就會有分歧。
我有諗過開一個有主題既扭蛋區，除左大家扭開既日本扭蛋，亦可以同香港手作鋪合作。雖然諗法好簡單，但我知其實冇咁容易，亦都冇想像咁輕鬆。
因為唔知第一步點做，所以我亦都請教過AI，佢教我send email出去可以搵公司幫手一條龍服務咁搵地方加租佢啲機。最後係完全冇回覆。
我唔希望咁就放棄繼續打死一份工，想跳出comfort zone試下。所以想請教下萬能既thread有冇得教我可以點踏出第一步或者有其他意見🙇🏻‍♀️
萬分感激🙏🏻

諗下啲唔需要囤貨租舖既生意，保險啲

副業嘅話，最好係

1） 起步門檻要低，唔使投入一大筆錢
2） 自己熟門路
3） 做niche market

不過其實要睇你對咩野熟悉 / 有咩技能，想Target 咩人，用咩形式營利

我舉例：

我鍾意種花，好叻種花
1）我專門賣一啲種子、俾鍾意花嘅人，
2） 我仲會教人種唔同嘅花，變做課程教人

當然以上係舉例，未必會賺到錢同實行到，所以你要自己測試下市場

建議先諗了解清楚，跳出comfort zone想法很好，但投資方向建議先多學習，扭蛋 << 個人不建議，除非你有獨家熱門貨，不然交租金同待管理費90%係浪費金錢。如果唔介意輸錢可以試，但最重要知條數點計，有冇水份，計劃書很多時係美化100倍，實際收益可能得計劃的1%，好點就10%。

最好兼職(如有)做一下你想投資的產業，就能了解真實數據，這是AI / 計劃書永遠看不到的殘酷真實數字。

創業唔係要計埋風險 利幣？寫左計劃書未？

我都係唔想返工嘅人類！摸索過之後發現做返自己熟手嘅嘢會容易好多，因為本身有經驗起步點就已經有優勢，其次就係盡量做一啲投資時間而唔係金錢嘅項目，就算失敗咗損失嘅都只係時間而唔係金錢。唔知你本身有咩技能/資源，但最難最大風險就係開實體店。

你唔係做租機比人個個 你蝕錢架會😨
一係同我地馬仔App 一樣 蝕住做 但開心
同保險人壽講個句一樣 「幫到人 自己又開心」

會唔會諗吓學美睫啊，我哋做睫毛嘅時候客人瞇埋眼，唔會有太大壓力，^_^我哋嘅I人美睫師做得好開心呀，佢平時小巴唔敢嗌落車，又唔敢打電話嗌外賣嘅i人。
有政府持續進修基金資助㗎。

如果唔知自己有冇興趣 想試玩下🙈得唔得

你同手作鋪合作都要同人傾

樓主可以online

可以搵啲有做開嘅人，坐低慢慢傾。商業唔係有想法就夠，最緊要係執行力