想講一件好人好事
話說早兩日我老婆一個人去呢間小鍋米線食晏晝，食咗60幾蚊，發現銀包竟然冇錢（通常銀包都係只得兩、三百蚊），於是用八達通，但竟然八達通得返幾毫子 😅，於是問侍應可唔可以碌卡，答案係唔得👎
因為我老婆間唔中都會幫襯呢間米線，所以我老婆要求可唔可以爭住先，過幾日先嚟找數，答案亦都係唔得，因為老細要即日埋數 …
最後，竟然廚房有位清潔姐姐叫做英姐，借住錢俾我老婆買咗張單，解決佢嘅宭境，實在好感激佢，雖然騙案猖獗，但是香港還是一個充滿人情味的地方 😄
點解要過幾日?
你一行出舖頭, 轉頭就應該拎返錢返去啦
仲有, 咪放低身份證又好, 電話又好俾間舖頭, 轉去拎返錢返去囉
咁仆街既你地兩夫婦
銀包無錢咪去㩒錢囉。你係要嫌 ATM 太遠咪去 7-11 EPS 攞錢囉。百九幾個藉口。🤦🏻♂️
你是但執個人payme $100佢，叫佢比現金你咪得
周圍都係atm.去禁錢先買咪得囉，遲食幾個字會死咩？點會叫人爭住先同你老婆三唔識七
即刻問其他食客payme/alipay 轉數$100攞cash找數咪得囉
依個未必有人肯
我試過沒拎銀包去自提點拎野，得八達通
要俾錢時，店員話只收現金
我問排隊既人肯唔肯fps 20蚊，結果沒既
你冇轉數快？冇PayMe？冇Alipay？冇提款卡？
我覺得清潔英姐係偉大，人哋人工已經唔多，做一個鐘都唔夠比你哋嗰餐飯。
人哋借俾你就係好人？ 唔俾你”過幾日”就無人情味？
咁你食嘢唔諗方法搵錢返嚟找數~
食嘢”未”俾錢係咩人？
唔好欣賞人哋點對你！你欣賞吓自己點對人先！
佢／佢老婆如果有啲感恩之心，還錢時唔該買份禮送俾人答謝英姐既幫忙
我覺得係作文，兩個人點會食60幾蚊咁少？目的係介紹呢間嘢！食過，唔好食 。
唔屌你唔得，你有兩個人嫁嘛？一個留返係度，一個去㩒錢，就係咁簡單，仲想過幾日先埋單🖕🏻
咁點解你哋唔可以是但一個出去撳錢呢？連體嬰嚟㗎 ？要做手術先可以分開？
其實係有八達通app，係可以即時增值⋯ 可以用轉數快嘅方式增值⋯
你老婆去atm攞錢，你留在舖頭等老婆返來找數咪得囉，又唔係3歲小朋友
要賒數，最多話去櫃員機撳錢回頭俾返，竟然講得出過幾日先至俾，唔知以為佢係老闆。
人地都比你老婆即日埋返張單就得，但係你老婆仲想拖幾日，老闆收唔返錢，張單係要收銀賠，三唔識七佢都已經比盡人情
冇帶錢食飽晒仲想拖幾日先埋單，貪心過頭，正常人都即時去拎錢返嚟埋單、去便利店碌咭買野拎錢增值，冇理由要拖幾日
人地貼埋鋪頭相就係想圍爐，點知你哋個個都小佢😂😂😂
笑死我😂😂
我第一下睇到要過幾日先俾錢都打個突。要清潔姐姐借俾你，你都好意思。
1.八達通可以手機增值
2.咩都無放低張身份證即刻去atm 禁錢
3.唔明點解要過幾日先去俾返，真係好癲
基本上所有舖都係即日埋數
加上你日日食就話認得你熟客仔啫 你間唔中先幫襯 人情味唔係咁樣勒索返嚟
仲諗住過幾日先找數 …
撼親個頭定dun親個囉柚？
可以即時用手機增值八達通，或者即時開通手機八達通。