想講好耐：
由幾時開始社會出現咗一班人每次有大小事都會話「報東張」？
唔知真係以為係聯合國定咩公權力機構😂
由幾時開始社會出現咗一班人每次有大小事都會話「報東張」？
唔知真係以為係聯合國定咩公權力機構😂
「報東張」，其實唔係出路，係一種被逼出嚟嘅幻覺。成個社會入面，淨係剩返《東張西望》可以講下民生，好似仲有用，但只係一個被安排好嘅出口。
以前呢？立法會、區議會、政黨、《蘋果日報》、《壹週刊》、《立場新聞》、phone-in——成個公民社會可以四面八方發聲，問題可以被追住打，被放大，當事人冇得避。
而家呢？全部消失，所有不滿被迫集中去一個節目。集中，就等於可控——邊啲可以出街，邊啲永遠見唔到光，全部有人揸住開關掣。
以為「報東張」係有用？其實只係將你嘅憤怒疏導、降溫。真正敏感、需要解決、關乎所有人嘅問題——專才、黑工、假學歷、宏福苑…….根本提都唔敢提。
輿論被鎖死，問題就「被消失」。人人變成孤立、無力嘅原子個體，只可以排隊等一個《東張》幫你發聲。
「報東張」，唔係希望，係控制。係一個社會連發聲權都被收編之後，剩低嘅最後假出口。